3..
|| المَوّتْ يَبعِدْ عَنْى بِخُطْوةَ .. وَ أنـتَ تَبعِد عَنّى بِألفْ خُطوةَ .. آرَأيتَ كَمّ أنـّتَ بَعِيِد..! ||
رجعت البيت احمد مش موجود اعتقد .. دخلت غيرت هدومى و كلمت روان على امل اننا ننزل فى اى حته بدل الزهق ده
روان " أيوة"
"انتى يابت فاضية ننزل فى اى كافية؟"
روان" الرقم المطلوب مغلق او غير متاح" شلت الموبيل من على ودنى و فتحت السبيكر
" مهزقة؟"
روان " حاجة جديدة؟"
"اه صح انا اسفة .. المهم انجزى هتنزلى ولا اشوف مايا "
روان" لا جيالك ياحب العمر اصلا معايا سارة كنا فى مشوار كدة و انتى كلمى مايا و نروح ديستركت تمام؟"
استغربت اوى سارة و روان فى مشوار مع بعض! ده ليه انشاللة!
"طيب"
قفلت و كلمت مايا و اتفقنا .. قعدت افكر فى الكلام اللى حسن قالهولى .. فكرة انك تدمن شخص دى صعبة .. اسوأ ادمان فعلا
بس نعمل ايه..!! من وجهة نظرى انا كـ جودى المفروض اننا كلنا نعلم نفسنا ان مفيش حد مكمل معانا للاخر فـ كلنا هنموت مين هيفضل لينا غير نفسنا و بس
مش عارفة اخرج فكرة الموت من دماغى كل اما بسمع عن حد مات لازم افكر فى الناس اللى حولية ياترى هو كان عامل حسابه انه هيموت ولا مات فجأة!
كل اما ابص على احمد و اشوف قد ايه الموت اقرب منى منه
__________________
مايا " بس يا جماعة و كل حاجة بقت تمام"
سارة " انا بجد نفسى افهم انتى و حسين هتبقوا اب و ام ازاى بالتفاهة دى"
مايا بتبصلى اللى هو اتكلمى اى حاجة و انا ساكتة بضحك عليهم بس
"مهو بصراحة محدش يتخانق على ان الاورنج من درجات الاحمر ولا من درجات الاصفر"
روان قاعدة عمالة تضحك اوى بعد كدة سكتت و ابتسمت بوجع
روان " عارفين انا ليه مش بلومهم زى م انتوا عمالين تلوموهم!! لان حسين بيتخانق على اى حاجة عشان الخناق هو اللى بيجدد العلاقة! انما منا و صالح كنا مفيش خناق خالص و حياتنا بمبى بمبى و فى الاخر! طلاق"
سارة " هو يا روان ايه سبب الطلاق"
روان " الجواز"
بصيت على روان و هى مبتسمة يمكن هى بتقلنا انه مش فارق معاها بس انا عارفة و متأكدة ان هى من جواها واحشها كفاية نظرتها ليه
"اه صح انتى و سارة كنتوا فين؟"
سارة" فى مشوار كدة"
بصيت لروان اللى ساكتة و بان عليها التوتر لما سألتها
"ايوة مشوار اية؟"
روان " مشوار يا جودى اية يعنى ..مشوار"
بصتلها و بصيت بعدها لروان و مايا قاعجىخ بتشرب العصير و بتتفرج علينا و احنا بنتكلم
"ايوة؟ كنتوا فين بردة؟"
سارة" مس فارقة .. كنا عند مازن فى المستشفى"
مايا " مالو؟"
روان " مايا مازن فى المستشفى بقالة 3 شهور و انا و سارة عرفنا من شهر و بقينا بنروحله كل فترة روحناله مرتين بس"
"ايوة يعنى عنده ايه؟"
روان" فى غيبوبة"
روان لما قالت غيبوبة افتكرت لما انا كنت فى غيبوبة و فى لقيته هو جمبى و احمد اول اما شافنى مشى معرفش ايه اضايقت انه فى المستشفى و المفروض ان روان و سارة كانوا قالولى
سارة " جودى احنا مقلناش ليكى عشان بس كنا مش عايزين نضايقك لان احنا عارفين انك بتضايقى لما بنجيب سيرته"
"بصوا مش حوار انى اضايقت بس انتوا متعرفوش ان هحس ب ايه او بحس ب ايه ف كفاية كلام انا بس عايزة اعرف هو فى مستشفى اية؟"
روان " و احمد؟"
"ماله؟ هيجى معايا"
________________
كلمت احمد و قلتله الاول قعد يقولى ملهاش لازمة هو كدة كدة فى غيبوبة بس لما لقانى عايزة اروح وافق
مقدرتش اقوله انا عايزة اروى ليه لانى انا نفسى معرفش انا كنت عايزة اروح ليه
احمد رنلى و خرجتله برة هو اول اما شافنى ابتسمم
احمد " شوفى نعرف بعض من قد اية بس لسة كل اما اشوفك بحس انى بحبك من اول و جديد"
بصيتله و ضحكت
"والله انا مش عارفة اقولك ايه"
وصلنا المستشفى و احمد سأل على أوضته و طلعنا فوق
دخلت انا و أحمد و بصيت على مازن نايم فى سكون و شعره زى م هو طويل بس دقنه هو رباها اكتر ..و وشه مصفر مُجهد
أحمد" لو اعرف بس عايزة تيجى ليه هو مش هيعرف انك جيتى هنا اصلا"
"لما انا كنت مكانه انت كنت بتجيلى و هو كمان و انا مكنتش بحس. . مش قصدى انى بقارنه بيك بس انا بس بزوره مش اكتر"
أحمد " مش بطيقه"
"خليك دايمت فاكر انى سبته هو و اخترتك انت"
______________
ايه الاخبار لحد دلوقتى .. 🙄
أنت تقرأ
إتزان ٢
Romanceجودى : انا سبت فرحى وسط كل الناس دى عشانك انت!! .. عملت انت ايه عشانى! انت ادتنى ايه يخلينى اكمل احمد : إدتك قلبى اللى حبك.. جودى : طب اكمل خناق ازاى دلوقتي! احمد : بحبِك . . || آتَرَىْ هَذّا عَادِلاً! أن تَضْعْ قَلْبِى عَلَىَ مَوُقِدْ نَارٍ وَ...
