باجر راح اغيبن خافن تگول بچو بنتك وما كتبوها
شيصير بحالي باچر مجلس آباء
وتجي كل وحده چفه بچف ابوه
واتحمل گلت ما اغيب والله
والمعلمه تگول ما اريد وحده تجيب اخوه
اله تجيب ابوه التنجح تريد
شيجيبك وانته جوه الگاع مدفون
وشگلله شهيد نطيته للگاع
مسافر والهو بخلافه مسموم
انه منيتي عدل وتروح وياي
تگلله شماخذه شمطيهم اليوم
يوميه مثل صاحبتي ما اريد
عله صوتك كون افزن واترك النوم
انا اشتاگيت بويه البس الوان الاسود مو حلو
تحسبه عالهدوم
وحگ وجهك هذاك الغطه التراب وحگ وجناتك التتفصخ نجوم من تصيح اسمك اوصل الموت
قبل اسمك تحط كلمة المرحوم
خفيفه الجنطه جانت كتب واقلام وهسه ثگلت صورتك بيه والهموم
أنت تقرأ
معانات سيدة من سيدات العراق?
Poésieانني احاول كل ما بوسعي ان اوصل لكم فكرة كتابتي لقصائد عراقيه باللغه العاميه