حنين

٩

طلعنا من المحاضرة حقت ال biochmistry
قلت لي ميوش..: بعدين م تنسي رقم الأميل بتاعي ..عشان تبعتي لي المحاضرات 💙💙💙سمح ؟

مي وهي بتعاين لي ساعتها : حاضر ..الزمن فات ..الساعه 4:34تخيلي 

تاني ابتسمت وهي بتعاين لي :حنين..احبكج والله 😃😃

ي بت مالك بتحبكجيني فجأه كده 😳😳😳😳💔💔
💔

**مي دي عوايدها ..فجأه بس تقول للزول هي بتحبو ☹☹**

مي ::هههههه اي اااي طول عمرك قلبك م بستحمل اللطف ..دايمآ متعوده ع القسوة والردحي...تشتت ناتج من طفوله مشرده 😂😂😂😂😂💔

💔💔💔

هاهاها ☹👊👊 عامله فيها ظريفه موش !!! زرافه تنطحك ي أستاذه مي

مي : اممممم وياك حنينه 😪😪😪 

قلت ليها : بهلوان اتأخر ياخ ..ارح نرجع النشاط .

مي : طيب ارح. لانو عمو قاسم م جاني لي هسع انا زاتي

رجعنا اتونسنا كداااا...تلفوني ضرب لقيتو الغبي الاسمو جو : الو..سنه كامله حتي تجي !!!! 

سكت ساااي وم رده...عاينت لي شاشة التلفون قلت يمكن الاتصال قطع 😅😅..بس لقيتو متصل..تاني قلت : أطرش انت  م سامع !!!

قال لي بهدوء جراح دماغ بريطاني : انا برة..لمن حضرتك تفضي حتلقيني واقف ..وطق قفل الخط ..
شكلي بقي أسف جدآ ..

مي حست عشان كده غيرت الموضوع : الأحوال الاقتصاديه اليومين ديل كيف 😅😅

قلت ليها : بتسلم عليك ي أم فلجه 😒😒😒😒💔💔💔 يلا ارح نوصلك في طريقنا ..

مي : لالا بستني عمو قاسم انا 

**طبعآ انا كنت عاوزه اعذبو بالمشاوير عشان كده أصريت علي مي انو نوصلها **

طلعنا برة شوفت العربيه الجابوها لي...المفترض تكون حقتي .☹☹☹...حقتي انا .😒😒..حقتي انا دي😩😩 !!!! والمغفل الكرور متحكر قدام  بشرب سجاير كمانوو😠😠😠..

وقت شافنا قام نزل ...مي طوالي مسكتني ...: ي بت هوي انتي السواق ولة هو !!! دا جبتو من ويييييين دااا !!!!! 🙀🙀🙀💔💔💔

قلت ليها ي بت مالك 😳😳!!!

مي : ملاك لابس بششششر ..رومان رينز السوداني ..لالا هو صح يخلق من الشبهه 40 بس م اتوقعته أشوف رقم 40 في السودآن هنا !!!!

**طبعآ مي دي أسفهوها ..بتاعت مبالغات ..ف الثانو عندنا أستاذ كده وسيم...البت حلفت قسم انو بقرب لي هريثيك روشان الهندي داك..هسع م عارفاها صامت التلاته يوم ولة لأ ..المهم م تشتغلو بيها **

طبعآ قام رمي السجارة وعفصها وفتح لينا الباب انا ومي..

مي قالت بصوت كلو رجفان : وااي انا النضارة كأنها خلقت له...والسوالف يقولو للسلاحف أسرعو..و الدقن ...احييييي انا من الدقن..والسمار...
انتي ي حنين الشي دا هجين صح ؟؟؟