حنين

٢٥

#the_end_one

عمار همس لي مي : انتي ما كلمتيهو ولة شنو ؟؟

مي ردت وعلي وشها ابتسامة مجامله للحضور : كلمتو وحذرتو من انو يخذلني ..

حلا جات بي فستانها الضيق : وينو زوج حنين يا عمااار ( احييييينا لو شوفتوها قالت الاسم كيف 😒😒)

عمار قال للعميد يقص الشريط والعميد وافق ..
حلا طوالي رجعت محلها وبدت : الآن ..حانت لحظة الصفر..حانت اللحظة المرتقبه

مي همست لي منذر : صحبتك دي بخنقها بعدين ..م لقيت غيرها البرنامج تقدم !!

منذر : احححم..قصدك تقدم البرنامج.
نازك : بطلو عوارة انت وهي الناس بتعاين ليكم ☹☹☹☝

حلا : السيد العميد فليتفضل مشكورآ..

العميد وقف وقال الكلمه الأفتتاحيه..وكلام كتيير
حلا طوالي اختصرتو وقالت : نرجو منك ان تقطع الشريط..

طبعآ اتأحرج ولفت لي ناس عمار وقال : ذكروني ارفدها بعدين
طبعآ ضحكو ضحك ...
العميد قال وهو بعاين في المدخل : ما انا الحأقطع الشريط...صاحبة اسم المدرسة الحتقطعو..

مي قالت : اسم المدرسه !؟؟ دا قاصد منو !!

تاني قالت : الحنين !!
واااي حنييين 😱😱😱

وشافتني داخله و معاي وليد ..كنت في كرسي متحرك وجايه بي لبس المستشفي..

مي ولا اشتغلت بي زول وجات جاااريه لمن وقعت.(حبيبتي ياخ بيكي دي )
.قامت ودموعها عشرة عشرة وباقي الشله وعيلتي كلهم جرو علينا..

وليد ما خلاهم يحضنوني ولا يسلمو علي..بس من بعيد لي بعيد..

وتاني علبان م الناس يرجعو مكانهم العشاء لمن أذن..

وليد وقف في المنصه ونضم كلام انا م فهمتو...
ليشنو ؟؟ لانو كنت فاقده حاسة السمع والكلام 💔
بس الحمد لله 💙

حسب فهمي وليد بكون كلمهم بي حالتي وكده..

المدرسه فيها حوش عبارة عن منشط طلابي ..ومن ثم بناء المدرسه..الشريط كان في الباب..وليد ساق الكرسي لغاية محل الشريط..
البت الجات شايله المقص كانت صفاء اخت مجاهد طبعآ عملو ليها عملية القلب ..💙فرحته كتييير لمن شوفتها..بوستها في راسها وشلت المقص وقصيت الشريط..

ما فاهمه حاجه بس الناس كانت بتصفق و فرحانين..

عملو حفله اليوم داك انا م حضرتها..بدل كده رجعوني المستشفي ف ساعتي

💙💙💙

قبل م انسي تعالو احكي ليكم صحيت كيف..

وليد وهو مندقر في يدي بلاها لي بي دموعو..حسيت كأني صحيت من النوم وكده..
ختيت يدي في راسو سكت مسسسافه بعدين رفع راسو بالراحه..
وقت شافني من الفرح انا م كنت عارفاهو بقول شنو
بس شكلو كان بحمد الله ❤