#احلام_يتيمتين
#بقلمي_مولاتي_يازينب
#البارت١٢
ضي. حاولت اقضي معضم وقتي وي شمس اختي لان اليوم اخر يوم انام سويه ياربي مثل
ماجمعتنه طول هل سنين بلمحبه ماتحرمنه من بعض حتا لو افترقنه ضلينه سهرانين طول الليل
ساعه نبجي وساعه نضحك نتذكر ايامنه ايام الطفوله وايام المرح هي تدعيلي ومره اني ادعيلها
وضلينه لحد ماطلعت الشمس وبين النهار الانمنه
والساعه ب٩اجتي مرة ابوي تصيح
ابتسام ولجن اكعدن بسرعه يله يله خابرن علي ايه وايمان جايات بلطريق راح تروحن لسوك
حتا اتجهزون الضي
ضي. كعدنه.
شمس. واني ضروري اروح
ابتسام. اي ايهه طلبت هذا الشي
شمس. اوك. كعدنه بالكوه لان امس سهرانين سبحنه ولبسنه والساعه ب١٠ اجن البنات
اميمه. لج اشميسه استعجلن اشوي
شمس. اي اي ثواني بس الف الشال( بالمناسبه اني ما اخذت افلوس مهري منعدهم كلتلهم
انتم جهزولي لان اعرف بس يجيبوهن تاخذهن مرت ابوي ولهذا السبب اجتي ايه واميمه ايمان حتى
يكملون التجهيز وبلمره انشوف فستان زواج بس اني رفضت انشوف اليوم فستان الزواج لان
اختي ماراح تلبسه ولاتشوفه ف ما اريد يينكسر كلبها )
ضي. رحنه لسوك وايمان كل ضنها ان اني. واخوها زواجنهه طبيعي طول الدرب تسئل ليش
ماسويتو حفل ليش ماطولتو الخطبه واني ماجان عندي اي عذر اعتذر بي بس عفيه ع شمس
الي تسددلي رحنه لسوك وماخلينه شي واشترينا اني وشمس وحتا البنات النفسهن اههواي
اشياء بحيث ترسنه السياره بس بالغراض وراح وداههن السايق ورجع اخذ غراض وبعدها
اتغدينه ابمطعم وضحكنه اهواي وسولفنه اهواي جانت الطلعه كلش حلوه ابد احنه ماطالعين
هيج طلعه والساعه ب ٣ رجعنه ع البيت ونزلت ويان ايمان اما ايه واميمه اخذن اغراضهن
وراحن لبيتهم
ايمان يله حبي جهزي حالج وروحي. سبحي
ضي. يعني مابيها مجال انام شوي
ايمان. نو نو يله
ضي. كمت سبحت وطلعت لكيت ايمان وشمس ايرتبن ملابسي بالجنطه
ايمان. نعيماً ياعروسه البسي هذه البدله وخل اسويلج ميك اب لان اني شاطره بهاي السوالف
أنت تقرأ
#احلام يتيمتين
ChickLitاحلام ليست تعجيزيه بل هي ابسط ماتحلم به الفتاة اسره متحابه وزوجاً محب لاكن ماوجهتا تلك اليتيمتين كان صعبآ بكل معنه الكلمه فهل ستبتسم لهن الحياة وهل تتحقق احلامهن البسيطه
