ခရုခွံတွေရဲ့အကြောင်း

အဝေးကလာတဲ့ ခရုခွံတွေရဲ့အသံ……

ပင်လယ်ဆီမှန်းမျှော်ပြီး အနီးဆုံးထိလာခဲ့ပေမယ့် ကိုယ်ဟာ ပင်လယ်ဆီကို မရောက်နိုင်သေးတဲ့ အဝေးကခြေရာတစ်စုံ........။

ပင်လယ်ဟာ ခရုတွေရဲ့အိမ်ကို ကမ်းစပ်ဆီအန်ချတတ်သတဲ့။ အဲ့ဒီခရုတွေရဲ့အိမ် ခရုခွံတွေကို ပင်လယ်ဆီရောက်သူတိုင်းလိုလိုက အမှတ်မထင်သော်လည်းကောင်း အမှတ်တရသော်လည်းကောင်း ကောက်ယူမိတတ်တာမျိုး။ ခရုခွံလေးတွေကို ကောက်ယူရင်း ပိုလှတဲ့ခရုခွံတွေတွေ့တဲ့အခါ လက်ထဲကခရုခွံတွေကို လွှတ်ချမိလိုက်တာလိုမျိုး၊ ပြီးတော့ ပိုလှတဲ့ခရုခွံတွေကို တွေ့လိုတွေ့ငြားနဲ့ အဝေးကြီးထိမဆုံးနိုင်အောင် မောကြီးပန်းကြီး လျှောက်လှမ်းမိတာမျိုး………..။ ကမ်းခြေကို မရောက်ဖူးတဲ့ကိုယ်ဟာ အဲ့ဒီလို ပိုလှတဲ့ခရုတွေ ရှာဖွေရတဲ့အရသာကို ကိုယ်တိုင်တော့ မသိခဲ့ဘူး။ တခြားသော ခရုအသစ်တွေတွေ့တိုင်း အဟောင်းကို လွှတ်ချချင်တတ်တဲ့ စိတ်အပြောင်းအလဲသဘာဝကိုလည်း နားမလည်ခဲ့ဘူး။ ကိုယ်ဟာ ပင်လယ်ဆီမရောက်ဖူးသူမို့။ ကိုယ်ဟာ ခရုခွံတွေကို မကောက်ယူခဲ့ဖူးသူမို့။ နောက်ပြီး ကိုယ်ဟာ အဝေးကလာတဲ့ ပင်လယ်ဆီကအသံကို ခရုခွံတွေဆီကနေ နားမထောင်ခဲ့ဖူးသူမို့။

ခရုခွံတွေကို ကိုယ်စပြီးထိတွေ့ဖူးတုန်းက ကိုယ့်အသက် ဆယ်နှစ်။ ငပလီကပြန်လာတဲ့ ကိုယ့်အစ်မ၀မ်းကွဲဆီကနေ ကိုယ်ဟာ ခရုခွံတစ်ထုပ် လက်ဆောင်ရခဲ့ဖူးတယ်။ ခရုခွံတွေဟာ ပုံစံအစုံပါပဲ။ အခုပြန်တွေးကြည့်တော့ တစ်ခုတွေ့တိုင်း တစ်ခုလွှတ်ချချင်စရာမျိုး ဟုတ်မဟုတ်တော့ ကိုယ်မပြောတတ်ပေမယ့် ပုံစံမတူတဲ့ခရုခွံတွေကြား အရာရာကိုမက်မောစိတ်ဖြစ်မလာခဲ့ဘဲ ကိုယ့်စိတ်အခံထဲ အလိုက်တသိပျော်ဝင်သွားနိုင်တဲ့ ခရုခွံတစ်ခုနှစ်ခုကို သေသေချာချာရွေးချယ်နိုင်စေတာမျိုးတော့ ဖြစ်နိုင်ခဲ့တယ်။ မှတ်မှတ်ရရ ခရုခွံတွေကြား ကပ်ပါလာတဲ့ သဲမှုန်လေးတွေကိုပွတ်သပ်မိရင်း ဒါဟာ အဝေးတစ်နေရာက ကမ်းခြေဆီက သဲမြေတွေရယ်လို့ ကိုယ်ပြုံးမိခဲ့သေးတယ်။

တာဝန်ကျအဆောင်သစ်ကိုရောက်တော့ နားနေခန်းပြူတင်းဝမှာ ခရုခွံဆွဲလွဲလေး တွေ့တဲ့အခါ ကိုယ်ဟာသဘောတကျဖြစ်နေခဲ့တယ်။ ၀ါသနာနဲ့မကိုက်တဲ့ အဆောင်သစ်မှာ စိတ်ပင်ပန်းကိုယ်ပင်ပန်းစွာနဲ့ ကြိုးစားဖြတ်သန်းနေရတဲ့အခါ နိုးလာတဲ့မနက်ခင်းတိုင်းဟာတော့ ပျော်ရွှင်စရာမရှိခဲ့တာ အသေချာပါပဲ။ ဒါပေမယ့် အဲ့ဒီမနက်ခင်းတစ်ခုကတော့ ထူးထူးခြားခြား တိတ်ဆိတ်အေးချမ်းနေခဲ့တယ်။ ကိုယ်မျက်လုံးဖွင့်မကြည့်ဖြစ်သေးပေမယ့် အေးငြိမ်းတဲ့အငွေ့အသက်တွေ အလိုလိုရနေတယ်။ ပြူတင်းပေါက်ကျယ်ကျယ်ဆီက တိုးဝင်လာတဲ့ လေပြေအေးအေးလေး။ ထူးခြားတဲ့အဲ့ဒီလေပြေဟာ အရင်တိုးဝင်လာနေကျ လမ်းကြောင်းဟုတ်ဟန်မတူဘူး။ စိမ့်ရုံလေးအေးနေတဲ့ လေထုသိပ်သည်းဆကလည်း ထူးဆန်းနေတာမို့ ဒါဟာ မြောက်ပြန်လေပဲဆိုတဲ့အသိနဲ့ ကိုယ်ပျော်သွားမိတယ်။ ချစ်သောဆောင်းရာသီရဲ့ အငွေ့အသက်တွေ.. ကိုယ့်ကို ခံစားမှုအားကောင်းစေတဲ့၊ နွေးထွေးခြင်းနဲ့အတူ ငြိမ်းချမ်းစေတဲ့ ဆောင်းရာသီ။ နောက် တိုးဝင်လာတဲ့လေအေးအေးထဲ ပျော်ဝင်ပြီးပါလာတဲ့ တစ်ခုသော ညှင်းသဲ့သဲ့အသံလေး။ ဒါဟာ ပြူတင်းပေါက်မှာချိတ်ထားတဲ့ ခရုခွံဆွဲလွဲလေးဆီက ခရုခွံချင်း ထိခတ်သံလေးပါပဲ။ အရင်ကကြားခဲ့ဖူးတဲ့ အလှချိတ်ဆွဲလွဲလေးတွေဆီက တချွင်ချွင်မြည်သံတွေထက်ကို ပိုပြီးသာယာသယောင်ရှိနေတာ..။ ဟိုးအဝေးကလာတဲ့ ညည်းညူသံလေးလို၊ ဟိုးတနေရာဆီက တမ်းတသံလေးလို။ ညင်းညင်းပျောင်းပျောင်း လွမ်းလွမ်းဆွတ်ဆွတ်နဲ့။

ပင်လယ်ဆီကအသံကို ခရုခွံလေးတွေဆီကနေ ကြားနိုင်သတဲ့။ ခရုခွံချင်းထိခတ်သံတွေကနေ အဝေးကညည်းညူသံကို ကြားရနိုင်လေသလား။ ဘယ်လို ညည်းညူသံမျိုးလဲကွယ်။ ဒါမှမဟုတ်  ကြားခွင့်မရခဲ့တဲ့ ပင်လယ်ဆီက သတင်းစကားတွေလေလား။  ခရုခွံဆွဲလွဲလေးမဖြစ်ခင်ထိ ဖြတ်သန်းခဲ့တဲ့ခြေရာတွေရဲ့ ပုံပြင်တွေများလား။  ဒီဆွတ်ပျံ့ဖွယ် ထိခတ်သံဟာ လောကအကြောင်း ဘ၀ကိုငြီးငွေ့ခြင်းတွေအကြောင်းတွေကို ညည်းညူနေတာလေလား။ နာကျင်ခြင်းတွေတော့ မပါနေဘူးမဟုတ်လား။ မပါနေဘူးလို့ ကိုယ်ယုံကြည်ချင်တယ်။ ပထမဆုံးမြောက်ပြန်လေထဲက ခရုခွံချင်းထိခတ်သံတွေဟာ နာကျင်မှုနဲ့ ဘယ်မှာလိုက်ဖက်ပါ့မလဲ။

ဆောင်းမနက်ခင်းတစ်ခုထဲ မြောက်အရပ်ဆီက ပြန်လာတဲ့လေပြေနဲ့ သူသယ်ဆောင်လာတဲ့ ခရုခွံချင်းထိခတ်သံ.......အဝေးကလာတဲ့ အသံတွေ... ပင်လယ်ရဲ့အသံတွေ... အသံလှိုင်းတွေ... တမ်းတညည်းညူသံတွေ............။

- ရှိန်း