ناديـه... هلااو حبايبي اني اسمي ناديه عمري 23 سنه...ادرس قانون...عايشه ببغداد منطقه البياع مخطـوبه لابن جيرانه عن حب خطبنه وخطبتنه صارت بسهوله محد عارضنه چنه مقررين انهي هل سنه ونتزوج واكمل السنه الجايه واني متزوجه...بابا يشتغل ضابط...وامي ربت بيت... عندي اخ واحد متزوج وخوات اثنين وحده متزوجه ووحده تدرس رابع اعدادي... المهم اني دخلت قانون لاني قويه شخصيه ومااخاف وچنت اي شي اريده اسوي لقوه شخصيتي لهل سبب دخلت قانون وحصير محاميه...اني محجبه عيوني سود وبيضه هاي صورتي👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
2010/4/7 خلصت محاضراتي كلهن اليوم ع وقت الساعه 3/30 تقريبا ابو الخط مالتنه مجاي وردت ارجع للبيت ادرس لان باچر عندي امتحان صعب كولش طلعنه اني وصديقتي سرى وچنه مقررين ناخذ تكسي من الشارع العام بس كل وحده بسياره لان بيوتنه بعيده عن بعض تمشينه اني وياها واجرنه تكسي
ناديه...يلا حبي سرى ركبي انتي سرى..لا حب طبعا انتي ركبي اول ناديه..لچ عوبه ماكو فرق انتي ركبي عيب دينتظر الرجال اني هسه ااجر واروح سرى..اوكـ حبي تعالي ابوسچ ناديه...اموااااح😘فديـتچ سرى...طمنيني من توصلين ناديه..انشالله حبي يلا بااي سرى...بااي گلبي
ناديه... ضليت انتضر ماكو تكاسي والشارع كله خصوصي واذ مر تكسي بي ناس قررت اتمشه شوي ليگدام بلكي اشوف تكسي تمشيت وتبعدت عن الشارع والكليه كولش داامشي ومااحس اله واحد حط شي ع انفي وجرني وماحسيت بشي اله اني بمكان مااعرف وين مربطه وسادين حلگي مااكدر احچي بس ضليت اصرخ وابچي درت اشوف المكان چنه بمكان مثل المستودع او هيچ شي وچان اكو اثنين ولد ضخام ولابسين ستر سود وگاعدين يحچون ولاهامهم شي وچانت اكو بنيه حلوه كولش گدامي ممحجبه وهم مربطيه عرفت بوقته اني مخطوفه وهاي بنيه وياي همات خاطفيه...خفت كولش ضليت اصيح وابچي شو هاي الي وياي همات گامت تصيح وتبچي ... سويتله واهس😂
چان يگوم واحد من ذولي الگاعدين ويحط المسدس براسي ويگول احط طلقه براس كل وحده بيچن وارتاح وسحب اقسام ...شگد چنت قويه بس بوكته خفت كولش چني مواني ناديه القويه الي تخوف الناس وتخليهم يحسبوله الف حساب قطرة دم مبقت بجسمي سكتت وفتحت عيوني ع حيلهن وضلبت اباوع للبنيه والبنيه نفسي فتحت عيونه وضلت تباوعلي ... چان يگول هاذ الحقير يي عفيه لتسمعني حسچن لاورب اذبحچن
