ملكوت الحب

Bart 4

رنا
صحيت لگيت نفسي بغرفه ومربطيني وحاطيني والبنيه الي چانت وياي ناديه موجوده وهمات مربطيه بالچربايه گعدت راسي ذابحني من الوجع
مگدرت اتحمل ضليت اعيط من الوجع والعطش من البارحه الصبح گلاص مي
مشاربـه...

ناديه...رناااا
رنا..حاسه حالي حموت من الوجع
ناديه...واني همات

اثناء مدنحچي  انفتح الباب
ودخل واحد شاب حلو ومرت ودخل وراه 5 من هذول الحراسه

گال فكوهن
رنا...منوو انتو شتردون بينه
كيان..مااسمع صوت
ناديه...ياحقراء رجعونه لبيوتنه شتردون منه
كيان...اذ متسكتون اسكتكم بطريقتي

يلا فكوهن وجيبولهن اكل وملابس جدد وخلي يسبحن وبعدين جيبوهن للمكتب خلي نخلص شغلنه بسرعه
..امرك سيدي

اسمي كيان...عمري 30 سنه...وصلت سادس اعدادي وبطلت مااحب الدراسه
متزوج زواج تقليدي بنت ابن عم ابوي (ياره) وعندي منه بنت(شمس)عمرها سنتين...

........

قبل 6 سنوات عرض علي خالي اشتغل وياه اول شي مچنت اعرف شنو دنطلع بس بعدين عرفت انو چان الشغل بالممنوعات

وكته چان الوقت متاخر خالي لزم علي معلومات ومستندات وضل يهددني بيهن حته يخليني اكمل وياه بالشغل ومچنت اگدر غير اكمل وياه بهل شغل

مو خوفا من السجن لاا خوفا ع عائلتي اني عندي 4 خوات واني الولد الوحيد
وابوي متوفي الله يرحمه وامي مره چبيره شلون تتصورن اتركهم وخواتي صغار وولا وحده متزوجه ...

وفوگاه عندي زوجه  وبنت شلون اتركهم وادخل السجن وهم مالهم غيري ...

وكملت بشغلي وي خالي (اني مااعتبره خالي اكرها واتمنه اذبحه من عرفت باجرامه وليهسه... بس دااگول هيچ لان مااريد اگلكم اسمه هسه كولشي بوقته حلو) حسيت بهل 6 سنوات گلبي قسه ومضليت اهتم للجرايم تعودت لان...

البارحه خابـروني عصـابه الخـطف يگولون خـطفوا بنات 2
يالله خوش خبـر گتلهم يجيبوهم لشقـه المعتاده هناك نعلمهن
شغلهن ونهددهن باهلهن ....

وصلني خبـر انو صارن بالمكان المقصـود رحت الهن واول مطبيت
ضلن يعيطن ويغلطن بس شفتهن راسهن نازف دم عرفت ضاربيهن ...

صراحه نقهرت مبينات بنات عوائل خطيه... هو احنه شو كل الخـطـفـنـاهـن بنات عوائل😒 ....

نقهـرت حيل تخيلت اخواتـي اومـرتي او بنتـي مكانهن اني چنت ادري الزمن دوار وحتطلع حـوبتهن بيوم بوحده من عـائلتي بس شـسـوي مجبور ...

گلت للحراس يجيبـولهن اكل وملابس لان ملابسهن كله دم من الضرب
وبعدين يجيبوهـن نعلمهن شغلهن ...

ناديه...
گعدت لگيت نفسـي بغرفه ورنا دتصيح راسي ذبحني الـم ووجع والدم تارس ملابسي مـن گد مجاري من راسي الله ليوفقكم انشالله وفوگاه ميته عطش
وجوع مماكله من العصر حته بالچذب مشايـفه لمي ولااكل