حِــلوة

من المتصل؟

دك عليه رقم غريب قبل فترة..

كال : شلونج شنو الاخبار؟

كتله : الحمد لله , بس منو المتصل حته رقمك احفظة؟

كال: معقولة معرفتيني, ترة صوتي بي نبرة ؟

كتله: بس الواضح شخص غريب لان صوت الاحباب اعرفه

كال: العتب مو عليج , العتب عالي كبر وربة

كتله : امي هي امي و ابوي الي ربت

بس ما اتذكر نسيتهه ولا مرة

كال : وابوج؟

كتله : ابوية سافر وطلع بره

كال : اكيد عنده سبب لو راح هجرة

كتله : ماعرف عن الاسباب , بس الاعرفه هو مني اتبرة

كال: نسيتي فضله عليج, لو الفضل هم مراح نذكرة؟

كتله: اعذرني عمو, ما عندي عنه اي ذكرة

كال: شتتذكرين عنه , كليلي يجوز اعرفه

كتله: اتذكر الضرب الضربه

والكلب الكسرة

والطفل الشيبه

بس كلي انت هم تعرفة ؟

كال : بابا كلشي واله ظرفه

كتله : اي ابوي, لكلشي الي ظرفة

بس لكلشي اله وكته 

وانت خلص وكتك...