♡وقعت في حب ابن عمي♡

الحلقة الرابعة

رواية ♡وقعت في ح♥ب ابن عمي♡
الكتابة باللهجة الليبية الشرقية
الكاتبة (soumaia)
في الصبح

فاطمة:هيا يابنات نوضن وفتحت الروشن شوفن الجو بره سمح هيا

راما:عميمة سكري مازلت نبي نرقد
فاطمة:هيا مافيش نوم
نورا:ياماما عدي نوضي سارة وساجدة
فاطمة:ساجدة وسارة من بدري ناضن وفطرن ويتمشن في المزرعه
نورا:خلاص تو نصبو

فاطمة:هيا 5دقائق ونشوفكن تحت هيا
نورا:حاااااضر
ناضت نورا وخشت للحمام (اكركم الله) صلت هيا راما نوضي
راما:اووف هيا 

نورا:سموحة هيا حبييتي سموحه سموحة
سماح:نعم

نورا:سماح انتي امتى نضتي
سماح:قوليلي انتي رقدتي ولال
ا
نورا:هيا حبيبتي صبي توضي وادعي ربي يحنن قلبه عليكي
سماح:خلاص انا فقدت اخر امل عندي
نورا:مش عارفة شن نقول بس كلامة واضح انه يحبك

سماح:انا معاش نبي نحط امال عالفاضي
راما:سموحة هيا بيش ننزلو نتمشو ونغيرو جو
سماح:ماعنديش جو
نورا:لازم يكون عندك جو
سماح:بالغصب
نورا وراما:اها بالغصب هههههههه
سماح:خلاص اسبقني نصلي وننزل

نورا:ماطوليش ونزلن

راما:صباح الخير
الكل:صباح النور

نورا:صباح الخير ع احلى صبايا
فتحية:شن عندك من الاخير
نورا:حرام عليكي ياعميمة انا ديما ندلع فيكم
فاطمة:وين سماح

سمير:يسمع وساكت
نورا شافت لسمير بنص عين:مش عارفة كنها ياحبيبتي الليل مارقداته والدمعه في عينها ماوقفت

سمير يسمع ويتقطع
فاطمة:كنها بنيتنا
سمير:كنها
نورا:وانت شن خصك

نجلاء:ياروحي عليها مش عارفه كنها لها كم يوم متضايقة وماتطلعش من دارها وديما زعلانة خايفة عليها

نورا:ماتخافيش ياعميمة عليها تو ماتمشي من هنا الا وهيا 100%

راما:يالواثقة انتي
هشام:صباح الخير
نورا:صباح الثقالة
هشام:انتي كنك ديما زاقبتلي را نكون جايين ع روس بعضنا ومانندري
نورا:ههههههه من وين تعلمتها الحناطه
هشام:منك
راما:اسكتو ياقط وفار

نورا:ههههه دمك خفيف كيف خوكي
راما:استلميني عاد

سماح:صباح الخير
سمير شافها عيونها منتفخات من البكاء زعل عليها ونزل عيونه
الكل:صباح الخير
فاطمة:كنها سموحة بنيتي
سماح:ماكني شي ياعميمة
فاطمة:باهي تعالي افطري درت فتات مش انتي تحبيه
سماح:سلم ايديكي عميمة

قعمزت مصادرة سمير ودموعها في عيونها
سمير يشوفلها وقلبه يتقطع عليها
سماح:شافتله وصبت الحمد لله شبعت سلم ايديكي ياعميمة

فتحية:ماني عارفة كنها عدي شوفيها ياراما وماتسيبيهاش
راما:حاضر
نورا:سموحة استني
وطلعن للمزرعة