رواية 🍃وقعت في ح❤ب ابن عمي. ❤
الكاتبة❤ soumaia ❤
الحلقة18
سماح:بابا خلونا نكلمو عمامي يزردو معانا
مفتاح:شن رأيك يانجلاء
نجلاء:اللي تبوها موافقة عليها
مفتاح:خلاص تو نكلمهم ونشوف
سماح:ربي يخليكم ليا انا ماشية نوتي روحي
سامر:في تغير ياامي ولا انا نتخايل
نجلاء:عدي سلم وليدي وتي روحك
سامر:حاضر
في حوش سعيد
نورا:بابا بابا
سعيد:تعالي انا في الصالة
نورا:عمو مفتاح يبيك
سعيد:الو
مفتاح:الو سعيد كيف حالك وحال العيلة
سعيد:الحمد لله
مفتاح:قتلك نحنا طالعين زردة قلت نكلمكم تمشو معانا
سعيد:والله شن نقولك
مفتاح:انا كلمتك نقولك مش نستشير فيك
سعيد:خلاص ان شاءالله بس امتى تطلعو
مفتاح:نصلو الظهر ونطلعو
سعيد:خلاص تمام انتو شن واخذين لحم او مفروم
مفتاح:نوعنا
سعيد:خلاص تو نزيد مني انا كلمت امين
مفتاح:نبي نكلمه تو
سعيد:خلاص معناها انتلاقو
نورا:كنه عمو
سعيد:يبونا نطلعو معاهم زردة
نورا:وانت شن قلت
سعيد:وتو ارواحكم نصلو الظهر ونطلعو
نورا:ياااي نحبك بابا
سعيد:امير ياامير
امير:انعم ياحاج
سغيد:جيبلنا لحم ومفروم عشان الزردة
امير:حاضر
سعيد:فاطمة وتي حاجات ناخذوهن معانا
فاطمة:حاضر
في دار نورا
نورا:اها نبو نمشو زردة وعمو يبي يكلمكم
هشام:اهااا اصلا نبيكي في موضوع ضروري
نورا:خير او شر
هشام:تو نقولك بعدين المهم قوليلي كلمة سمحة
نورا:كيف شنو
هشام:هيا انتي عارفة
نورا:شن عارفة
هشام:قولي نحبك
نورا:لالا
هشام:نزعل
نورا:ازعل
راما:بعي
نورا:ياحمارة فجعتيني
راما:مسكتكم بالجرم المشهود هيا حرام هشام قوليله نحبك
نورا:اسكتي ياحمارة ورمت عليها المخدة
راما:ههههههههههههههه
طلعت راما وخلتها شافت امير
امير:صباح القهوة
راما:صباح الدقيق
امير:ع فكرة مازلت عند سؤالي وانتي لازم تجاوبيني والا
راما:والا شنو
امير:فكري والا شنو وغمزلها وعدى
راما:اوف منه نكرهه مغرور
امير:سمعتك يحقلي نغار مش شخصية والبنات كلهن يبن غير اشارة مني
راما تتهزأ:والبنات يبن غير اشارة مني امسك روحك راك اطيح
امير:ههههههههه عارف روحي وين ماشي انتي ديري بالك رمرومة
راما:كان ماتسكت نعرف شن ندير فيك
امير:اي حاجة منك مقبولة
راما:اوف وسكرت في وجه الباب مغرور متكبر ع شنو شايف روحه
نورا:هههههههه كنك تحكي بروحك
راما:اصلا خوكي يخلي حد عاقل
نورا:هههههه كنك مع امور
راما:خطيني يانورا
نورا:هههههه وتي روحك طالعين زردة
راما:كلنا
نورا:اها
راما:يارب مايمشيش معانا امير
نورا:ههههه اول واحد
في حوش امين
ساجدة:سامي
سامي: حضرت السيد سامي الرائع الشهم الشجاع الراقي ينحني لفتاة نعم تفضلي
ساجدة:ههههههههههههه ماتعقلش نبو نجوزوك
سامي:ههههه تخيلي وانا متجوز ويجيني ولدي يجري بابا يابابا
ساجدة:ههههههه باهي هيا ساعدني حط هذين في السيارة
سامي:ساجدة خوذي الكورة
ساجدة:باهي
هشام:سجودة وين سوريتي الزرقة
ساجدة:معلقة في الدلاب
فتحية:ساجدة
ساجدة:نعم
فتحية:الله ينعم عليكي تعالي طلعي معايا الكبابي
ساجدة:حاضر
امين:نصلو الظهر ونطلعو وتيتو
فتحية:انا جلبابي ونطلع
ساجدة:انا واتية نصلي الظهر بس
امين:والشباب
هشام:انا واتي
في الفندق
عادل:روحي هيا جهزيلي روحك عندنا مشوار
سارة:وين
عادل:باسها ومسك وجها بيديه الاتنين مفاجأه
سارة:قولي وين
عادل:هيا مفاجأه
سارة:اوف باهي
امين:هيا توكلنا
وطلعن السيارات الثلاثة وفرحانين
وصلو للغابة كان الجو ربيع جو سمح وهادئ
نزلو الحاجات وبدن الصبايا يوتن في الغداء
نورا:شن رأيكن نلعبو
راما:شن نلعبو
نورا:نستفو حكاكي ونضربوهن بالحيط واللي يضرب اكثر يفوز
راما:موافقة
سماح:موافقة
ساجدة:حتى انا نبي نلعب
وبدن يلعبن وبعدها تجي حيطة في راس نورا
نورا:اه راسي من ضربني بالحيط
سامي:انا
نورا:جيت لجنازتك برجليك وتقعد تلحق فيه وهو يجري لعند مااختفى نورا خافت سامي وينك
طلعلها هشام من خلفها:حطت يدها ع قلبها:هشام فجعتني
هشام:انا اللي قلت لسامي يدير هك عشان يوصلك لعندي
نورا:ليش ماقتلي جيتك بروحي
هشام:مانبيش حد يشك فيكي بس هك عارفينعا لعبة
نورا:اهاا واحلى لعبة
هشام:نورانحبك
نورا ابتسمت:وانا نحبك
لكن فاجأها بعد حضنها
انصدمت في مكانها
بعداته عنها حرام ياهشام مابينه شي بيش تحضني
هشام:سامحيني يانورا بس غصبن عني
نورا:هشام انت شن تقصد
هشام:انا اسف والله نحبك والله مابقصدي
نورا:هشام خوفتني انت ع ايش تحكي
هشام:لاني نحبك قلت لازم نحكيلك الموضوع
نورا:هشام خوفتني
هشام:نورا.......
شن تتوقعو الكلام يلي يبي يقوله هشام لنورا ؟؟؟؟
عشان خاطر بنوتين حلوات طلبن مني نكتبها كتبتها ونزلتها وتخليت ع نومتي ان شاءالله تعجبكن حبوباتي ❤❤
تصبحو على خير احبابي في امان الله واحلام سعيدة ❤❤❤❤❤
أنت تقرأ
♡وقعت في حب ابن عمي♡
Roman d'amourدائما توجد عوائق ومشاكل تواجه الحب وفي بعض الاحيان الحب يخسر امام هذه المشاكل ولاكن الحب في روايتي هل سينتصر على هذه العوائق ام سيخسر امامها...
