#ميمي_المشهداني
ايفان :- شنو نفسي😳احجوا شبيكم
علي :- 😂😂😂😂😂
يزن :- لك خرررب كلة صوجك 😂😂
ايفان وديما :-😳😳
ايفان :- احجوا شبيكم ليش بس تضحكون
يزن :- اني نفسة الي دخلج خاص 😂
ايفان :-شنووووو 😳صدك تحجي يزن
علي :- اي والله هوة نفسة واني جنت وياة 😂😂
ايفان :-بس يزن ما مبين عليه يزحف ويدخل خاص للبنات 😒
يزن:- جنة متراهنين اني وعلي ازحف على وحدة انتي لكيتج كدامي ودخلتلج خاص بس خسرت الرهان من وراج لان مقبلتي تصيرين صديقتي
ايفان :- تستاهل بس لحد هسة ممصدكة انتة نفسك
علي:- والله هوة نفسة 😂
ديما :- علي اشو اني ما اعرف بهذا الموضوع 😒
يزن :- هوة وصديقة انتي شدخلج ام خشم
ديما :- لازم اعرف ابو بطن
ايفان وعلي:-😂😂😂😂
ايفان :- يلا كافي دتناكرون
يزن :- ماشي لخاطرج بس 😉😌
علي:- حجيت وية يزن بصوت ناصي لتنسة نفسك يزون وتبدي تتغزل بيها نحن هنا
يزن :- مااشي ههههه
ديما :- شدتحجون
يزن :- معليج
ايفان :- اويلي راح يرجعون يتناكرون عيشتكم بس عركات
بقينة نضحك ونسولف ومتونسين صارت دنيا الليل وراحوا صعدت مددت عالجرباية وافكر بيزن اوووف كافي اطلع من بالي قاطع تفكيري الفون دك رسالة
يزن :- رجعت للبيت وفرحان لان عرفت طريقة اتواصل بيها وية ايفان علمود اتقرب منها دخلت على حسابها ودزيتلها هلو
ايفان :- شفت الفون رسالة من يزن رديتلة هلا
يزن :- شلونج
ايفان :- الحمدلله وانتة
يزن :- الحمدلله بعدج متريدين تصيرين صديقتي😂
ايفان :- لا لا هسة عادي😂😂
يزن :- وشنو الي تغير
ايفان :- تعرفت عليك بالكلية وعرفت انتة مو من هذا النوع من الشباب
يزن:- فرحت من كالت هيج يعني ماخذة علية نظرة حلوة بقينة نحجي وتعرفت عليها وعلى حياتها اكثر
مرت الايام وكل يومية نفس الروتين بالكلية بس شي واحد تغير ......
يزن :- من بديت احجي وية ايفان عالخاص تقربت اكثر منها وصار يومي بدونها ابد محلو
ايفان :- عشقت يزن عشق مو طبيعي وعرفت كل تفاصيل حياتة من ما احجي ويا احس نقص بيومي
وبيوم اجة سامر ( ابن جوارينة الي حجيتلكم عنة بداية القصة) للكلية واجة لقسمي
سامر :- طبعا اني عمري25 سنة اصير جوارين ايفان وصديقها متخرج ومخلص دراسة واشتغل وبيوم حبيت اروح على ايفان للكلية بقيت واكف كدام قسمها لحد ما خلصت وطلعت
ايفان :- هلا سامر شجابك ولك
سامر :- حبج جابني
ايفان :-😒😒
سامر :- يمعودة اشاقة متتحملين شقة ههههه
ايفان :- ماشي راح افوتها هالمرة على مزاجي
سامر :- ماشي هههههه
#صدفة_جمعتنا 😍❤
بارت
ايفان :-هسة مكتلي ليش جيت
سامر :- جنت ضايج وكلت اجي لجامعتج افتر وياج وتعرفيني على جماعتج وبنفسي اشوف يزن الي ثابرتني بي
ايفان :- ماشي من يطلعون اعرفك عليهم
علي وديما :- هلو ايفان
ديما :- وينج صارلي ساعة ادور عليج بالقسم
ايفان :- اول مخلصت المحاظرة فلتت لان مليت من الكعدة
سامر :- انتو ديما وعلي صح
علي :- اي صح منين تعرفنا
سامر :- ايفان ثابرتني بيكم ههههه
علي :- طلعت مشهور اني😎
سامر وديما وايفان :- ههههههههه
يزن :- طلعت من القسم شفت ايفان واكفة وية ولد وتضحك فار دمي واشتعل كلبي من الغيرة ردت اروح املخة للولد بس بالكوة لزمت نفسي ورحت عليهم مرحبا
سامر :- اهلا
ايفان :- سامر هذا يزن ويزن هذا سامر يصير ابن صديق بابا
يزن :- تشرفت
ايفان :- شفت عيون يزن يجدحن نار ما ادري شبي .... يزن بيك شي
يزن :- لا مبية
ايفان :- متأكد
يزن :- اي ... عفتهم ورحت طلعت باكيت الجكاير وبديت ادخن
ايفان :- اكلك علي يزن يدخن ؟ اشو اول مرة اشوفة يدخن
علي:- ميدخن بس من اكو شي مضوجة اروح اشوف شبي يلا ديما نمشي
ديما :- يلا
علي:- عود تعال دائما وية ايفان تونسنة وياك
سامر :- ماشي هههه
يزن :- كاعد واشوف ايفان شلون تضحك ويا اشتعلت نار بكلبي تمنيت اكوم اجرها من ايدها واخليها كاعدة يمي ومتكوم ومتحجي وية سامر بس مبيدي شي قاطع تفكيري صوت علي
علي:- شبيك شنو مضوجك
يزن :- ماكو شي بس اريد ابقة وحدي
علي:- اعرفك من ادخن اكو شي مضوجك
يزن :- لا بس تعبان وراح ارجع للبيت يلا باي
علي :- باي كمت ورجعت يم سامر وايفان
ايفان :- ها شبي يزن
علي:- كال تعبان ورجع للبيت
ايفان :- ظل بالي يم يزن همة يحجون ويشاقون واني بالي يمة اول مرة اشوفة هيج
سامر :- ها الحلو وين صافن
ايفان :- لا ماكو شي
سامر :- هنيال الشاغل بالج
ايفان :- محبيت حجية وياي فردت اغير الموضوع ..... اكلك علي وين ديما
علي:- راحت للمكتبة تستنسخ
ايفان :- شعجب عفتها تروح وحدها
علي :- موجنت اريد احجي وية يزن ...ذكرتيني كالتلي من تخلص تعال انتظرك
سامر :- الحمدلله هسة يلا ذكرت هههههه
علي :- والله الكعدة وياك حلوة ومحسيت بالوقت يلا رايح اني
سامر :- يلا ايفان نرجع للبيت
ايفان :- اوكي يلا...... وصلني سامر للبيت سلمت على ماما
ام ايفان :- يلا ماما بدلي ونزلي تغدي
ايفان :- مامشتهية ماما راح انام صعدت وعفتها حتة منتظرتها ترد علية بسرعة فتحت الفون ودزيت ليزن انتظرتة ساعة مرد عفتة ونمت
يزن :- رجعت ضايج كلش ومن حركة كلبي نايم وما ادري بروحي ماكعدت لل9 بالليل شفت رسالة من ايفان مرديت عليها ما الي واهس احجي وياها الدنيا طالعة من عيني
#صدفة_جمعتنا 😍❤
#ميمي_المشهداني
أنت تقرأ
صدفه جمعتنا ?❤
Short Storyمن قال اني الحب يمكن ان يدخل قلوبنا متى شئنا الحب ليس بيدينا انه يدخل القلوب ونحن لانعلم يدخل الحب في المكان والزمان الذي يختره الله لتلتقي بشريك وحب حياتك 😊😊😊 كاتبه القصه #ميمي_المشهداني
