#ميمي_المشهداني
يزن :- طلعت وراها شفتها واكفة ولازمة الكلادة تقربت منها وكفت بصفها ..ليش هيج سويتي بية ليش كسرتي هذا الكلب الي يحبج ويعشك الكاع التمشين عليها يخاف عليج من نسمة الهوة ليش ايفان ليش
ايفان :- بجيت والله مجبورة وحجيتلة كلشي ....
يزن :-ليش مكلتي لابوج تحبين واحد
ايفان :-كتلة بس هوة مقبل يسمعني وجبرني
يزن :- الله يوفقج بحياتج ويسعدج وية سامر ... مشيت وجان تلزم ايدي
ايفان :- يزن
يزن :- باوعت عليها بدون ما ارد
ايفان :- احبك والله احبك بس شسوي مجبورة اذا عندك حل كول احجي ساعدني فدووة
يزن :- مابيدي شي وما اريدج تخربين علاقتج بأهلج علمودي
ايفان :- رحت يمة وحظنتة حيييييل وبجيت جنت مشتاقة لحظنة ولريحتة وكلشي بي
يزن :- حظنتها حييييييل واحسها دتبجي وكل دمعة توكع من عينها عبالك جمرة وتوكع على كلبي اووووف 💔وخرتها من حظني
ايفان :- رجعت حظنتة لتوخرني محتاجتك
يزن :- ماشي حظنتها حييييل بقينة هيج ربع ساعة واني اشم عطرها واحس ردتلي روحي وخرتها ومسحت دموعها وبست عيونها تذكرت هية مو الي هسة عفتها ومشيت
ايفان :- يزن لتروح ابقة
يزن :- منداريت لان اعرف بس اشوف دموعها اضعف كتلها ... هسة انتي مو الي ملك شخص ثاني
ايفان :- بس ماكو غيرك بكلبي
يزن :- انسيني احسن وعيشي حياتي عفتها ومشيت سلمت على علي وديما وطلعت من الحفلة
ايفان :- مسحت دموعي ادري كلة بسببي وهذا ذنبي واني كسرت كلبة طلعت من الحفلة للبيت بسرعة
ام ايفان :- يمة شبيج ليش تبجين وعيونج مورمة من البجي
ايفان :- عوفوني كلة بسببكم انتو غصبتوني على سامر ما اريدة ما اريدة كتلكم ما احبة احب يزن بس ميهمك شي مهتميتوا لمشاعري ولكلبي اتحملوا الي راح يصير بية من وراكم سديت باب الغرفة وقفلتة وبقيت ابجي لحد ما وصلت مرحلة ولا دمعة تقبل تنزل واحس خنكة بصدري وكلبي نار ما حسيت على روحي ونمت 💔
فزيت الصبح على صوت الفون
ايفان :- الو
سامر :- الو هلا حبيبي
ايفان :- هلا سامر
سامر :- بدلي ورمشيلي
ايفان:-ليش
سامر :- نطلع نفتر شوية
ايفان :- من الصبح
سامر :- اي علمود نرجع قبل الغدة
ايفان :- ماشي باي
سامر :- باي حبيبي
#صدفة_جمعتنا 😍❤
سامر :- طلعت ايفان فتحتلها باب السيارة وصعدت ومحجت شي بغيت مستغرب مو نفسها ايفان الي اعرفها قبل
ايفان :- هوة يحجي واني بغير عالم مشتاقة ليزن فجأة وكف السيارة
سامر :- تقربت دا ابوس خدها وخرت وجها .. ايفان شبيج بس كليلي شبيج هاي تصرفات وحدة طالعة وية خطيبها كلما الزم ايدج تسحبيها اغازلج ممعبرتني ابوسج تبتعدين بس كليلي ليش
ايفان :- ممتعودة عليك بعدني
سامر :- وشوكت تتعودين صارلنة اكثر من شهر مخطوبين
ايفان :- الله كريم
سامر :- شنو الي مغيرج من جنة اصدقاء جنتي تحجين وتشاقين وياي وهسة حتة ابتسامة متبتسميلي
ايفان :- بقيت ساكتة هم حقة بس اني ما اتقبل احد يلمسني غير يزن
سامر :- شفتها ساكتة شغلت السيارة ومشيت
ايفان :- دنرجع للبيت وقبل منوصل طلعت اغنية مجنوني ... تذكرت يزن من كلي اول مسمعها تذكرني تذكرت بوساتة وحظنة وريحتة وخوفة وغيرتة علية وكلشي بي
سامر :- يلا انزلي
ايفان :- ماشي باي
فتت للبيت وبسرعة صعدت بغرفتي فتحت الفون اريد اخابر يزن مشتاقتلة بس مترددة .. هفففف يا ربي شسوي 💔
يزن :- لزمت الفون اريد اخابر ايفان بس اسمع صوتها دكيت لكيتها مشغول
ايفان:-جمعت قووتي ودكيت لكيتة مشغول
يزن :- جوز دتخابر سامر اني شنو حتة اخابرها اصلا مو من حقي ادك عليها اني صرت ماضي بالنسبة الها خل انساها مثل منستني بس شنسة منها انسة عيونها لو شعرها لو عطرها الي كلما اغمض احس اشمة متوقعت بيوم احب هيج وما اكدر انسة ....ايفان اول واخر حب بحياتي راح تبقة ذكرى حلوة بحياتي
ايفان :- جوز نساني وشاف حياتة ما اريد ازعجة واذكرة بية .....
قررت ارجع للكلية واداوم لان كعدة البيت دتخنكني كلش ومدا اكدر انسة يزن ... لزمت ركبتي وذكرت كلمات يزن من كلي هاي الكلادة بيها نص كلبي حافظي عليه اختنكت كلش لان بسببي كلبة نكسر وخسرت حبي علمود صداقة ابوية وية ابو سامر واني ما الي ذنب اتعذب من وراهم هفففف ياربي حلها من يمك تعبت والله تعبت اريد ارتاح حتة لو تاخذ روحي وتريحهم مني
#صدفة_جمعتنا 😍❤
#ميمي_المشهداني
أنت تقرأ
صدفه جمعتنا ?❤
Short Storyمن قال اني الحب يمكن ان يدخل قلوبنا متى شئنا الحب ليس بيدينا انه يدخل القلوب ونحن لانعلم يدخل الحب في المكان والزمان الذي يختره الله لتلتقي بشريك وحب حياتك 😊😊😊 كاتبه القصه #ميمي_المشهداني
