(())..مّـْـٌـَـّ(..ٱلـّـٌخّـّـٌيـْرٌ..)ـَـٌسْ اءِ. .(())
#حب مصلحة..
#للكاتبة تبارك الخزرجي..
#البارت السابع...
تدري بيه بروحتك ماراح اعيش ღ
اشلون كلبك طاوعك خليتني ღ
موش عميه الوادم تشوف الدموع ღ
وانت هيج بلا ذنب بجيتني ღ
لو صدك مكسور كلبك ما مشيت ღ
بسكته لو بهداي جا حاجيتني ღ
وكتلي رايح لا يظل بالك وراي ღ
حته اعرفك من صدك مليتني ღ
ليش خليت الدمع فايض عليك ღ
ردتك تشوفه اشعجب نسَيتني ღ
افين: ماما شنو شصاير
الام: ماكو شي حبيبتي
افين: لعد سمعت خطوبة وشي خطوبة منو
الام: الخطوبة مال
افين: دحجي عاد ماما جود مو خطب «الدمعة بطرف عيني »
الام: ها اي يمة
افين: اها ماشي الله يوفقة ويسهل حياتة كمت ابجي
الام: ماماتي كافي عاد يروحي كافي بعد راح
افين: اي ماما هاهية رايحة انام
الام: اوف يمة شبيدي عليج
افين: صعدت فوك طكيت بجي شافتني ليليان
ليليان: شبيج حبيبتي
افين: مابية شي
ليليان: لعد ليش كل هل بجي
افين: ضايجة هيج مابية شي
ليليان: ماشي اعوفج ع راحتج
اتصلت علية جلنار
جلنار: هلاو حبيبتي
ليليان: هلا حياتي شلونج
جلنار: زينة انتي شلونج
ليليان: تمام
جلنار: افين شلونهة شي اكيد هسة دتبجي
ليليان: ليش شكو هية دتبجي صح بس شكو شصاير
جلنار: يااا ليش متدرين شصاير
ليليان: ليش شكو شصاير مادري
جلنار: ولج جود راح يخطب
ليليان: شنوووو 😨 صدك تحجين لو جذب
جلنار: ولج اي والله صدك
ليليان: ليش ومنو شوكت هذا الحجي
جلنار: ولج اليوم اجة ع امي وو
عودة للماضي
جود: هلا يمة
سعاد: هلا وليدي هلا بيك
جود: يمة اريد احجي وياج بموضوع
سعاد: اي كول وليدي شتريد
جود: يمة اريد اخطب
سعاد: يمة بل مهلي وليدي يوم الاشوفك عريس وازفك بيدي كول اشر ع اي وحدة واني اروح اخطبهة الك
