الأمر ليس بكثرة الموجودين حولك إنما بمن يأتيك دون أن تناديه، ومن يُربت على كتفك دون أن تخبره أنك مُثقل .....💔🥀......
.......
....
جاريه وانا شايله طفل في يدي....جري خوف وكل مرة بتلفت وراي ..الممر كان مضلم ما شايفه شي غير نقطه نوور بعييد كل البع من مكاني....عندي امل انو احصل النور دة...وكل مرة بقرب من النور دة بيبعد مني...لغاية ما سمعت صوت ناس وراي...صرااخ كواريييك واصواات ماقادرة افرزها هي شنو....قربت للنور..وكلما مرة الضو بيكبر لغاية ما لقيت زول واقف جمب في مكان النور...جريييت عليه شديييد....وقبل مااصلو وقعت مسك الطفل الفي يدي وانا وقعت ....
صحييييت مخلوعه...ده نفس الحلم ...الحلم ده حلمتو قبل كم اسبوع....بس المرة دي الملامح واضحه...
......
......
بعد مرور سنه من علاج قصي❤
...
اليوم كان الجمعه...مع الصبحيه .. ..قاعده في التسريحه بكوي في شعري....جات مرام ورهف من وراي جابو لي فستان الزفاف....
كانت اكمامو كامله...مشبوكه كلها بالدانتيل الرقيق...فيهو شويه لمعه....كان استريد من فوق ومن تحت منفوش نفشه ساندريلا....يعني بيكون الورا اطول من القدام....شفق جات جارية شايله الجزمه حقت الفستان ....كانت عاليه ودقتها اقرب للشبط...كريستاليه شفافه ع ابيض....
امي جات وابوي ...حبوبه 😍❤
ابوي قالي...جاهزة ياعروستنا...قلت ليهو لسه ياحاج ماشربت شاي الصباح😂...امي طبيعي من قبل اسبوع من تجهيزات العرس هي في حاله بكى مستمر....وحبوبه توصي فيني ❤
.......
الليله يوم عرسي ....عرسي من #قصي ❤
دقيقه افهمكم😂👌
flash back:
بعد جلسات العلاج في مصر ....قصي لقى تمام العافيه ....ورجع لي كامل وعيو .....رجعنا السودان....وانا رجعت لي خدمتي ...في ذات المستشفى....اما قصي كان دايما متواصل معاي ....لحد ما فييوم اتقدم لي ...وين؟!...متزكرين مرة كان وداني مكان فيهو سبورة مكسرة ..المبنى بتاع العاملين القديم...بس هناك 😍❤...وفي اللحظه دي حسيت انو احلامي ماشه تتحقق وحدة ورا التانيه....اتقدم لي ابوي في نفس اليوم....والحاج وافق...☺...حبوبه بس دقت حرس قالت كيف تعرسوها لي مجنون...معليش حبوبتي خرفنت شويه😳😂مجنونه انا هي ماشافتو بقى كيف بعد مالقا العافيه...لمن جا وشافتو قطعت نور وكهربا😂😂😂...حبوبه وبعرفها ..استلمت الونسه مع خالتو حياة وقصي لغاية ما رجعو..
خلصت الشهر ونص حق الترينيج....بعدها قعدنا عديييل واستعدلنا لي هدييل وايهم...في الفترة دي عبدلله ومها رجعو السودان...مها رجعت بي محمد 😍❤...الله عوضها بي محمد نساها وجع حمد...والحمدلله كان سليييم وطبيعي....مها محاميه شاطرة....وفي الفترة دي تكتكنا معاها لي هديل وايهم..وكيف نرجع املاك قصي وخالتو حياة النهبوها.....عبدلله كان طااير من الغرح بي رجعة صديقو قصي....كل مرة طالعين ونازلين سوا❤
وخالدين كلمني انو داير مرام رسسمي....شجعتو 😂 قلت ليه امش اهرشها دايما في حالة خوف منها هسا مرام دي لو قلت هووف بتطير...وبعدين البت ا بتحب الراجل يطاوعها اهرشها بس👊...قالي ده قولك...قلت لييه ايي...😂
المهم ظبطه ليهم امورهم ومرام بعد هرشوها عزززت ووافقت بي خالدييين....مترين وشبرين ..#خالد_مرام حاليا متزوجيين ليهم شهر😍❤
رهف بايرة ذي ماهي اصلا لو بقت في حالتها دي مافي زول بيتقدم ليها😂
شفق الغموض ...لسه ماعارفين ليها جديد لكن قادرة هي ممكن نتفاجأ بي عرسها قبلي😂....
وقت التنفييذ:
مها نظمت الاوراق القانونيه البتثبت انو الاوراق والملكيات حقات ثنائي لظى 😂كيفني الاسم... مزورة
والاجراءات دي كلها هم ماكنو عارفين بيها
لغايه مافي يوم استدعوهم في المحكمه وهم ما مجهزين دفاعهم ولا اي شي....
خسرو القضيه وفي نفس الوقت الاملاك..وبقو ع الحديد ةاي شي رجع لي اسيادو......ايهم وهديل اتسجنو وفترة هديل كانت اطول من ايهم ...ماعارفه السجن حايكون معاها كيف الويفر دي😂😂لكن عجبني ليها واللهم شممااااااته😂👏
فرح ...قصي اكتشف انو راجلها اتزوجها عشان القروش...هو نفس طينه هديل...
واكتشف انو اشرف كان ناوي يعلقها ويعرسها...بس هي كانت مصدومه من زواجها الاول ...ورفضت وكان في صالحها
...اشرف الوحيد اللان حايم والقانون مااتنفذ فيه لانو مافي عليه دلييل يثبت انو متآمر معا ثنائي لظى....وماعارفين طفش وين...حااسه انو هديل وايهم ما ورطو اشرف معاهم لي هدف...ماعارفه بس احساسي ده قريب انو يكون في محلو....
عمتي ابتسام الصغيرة...اتذكرتوها!!يلا دي الكشه جابتها😂😂😂...وقاعده مع عماتي الاتنين ديلك...وراجلها رجع البلد يشتغل ..يلا شرا تلقا العملو ما هين...بس عزمتهم عرسي...عاد انا بت اصول😂😌✌..
