ﺃﺧﺎﻑ ﺃﻥ ﺃﺣﺒﻚ ﻓﺄﻓﻘﺪﻙ ﻓﺄﺗﺄﻟﻢ، ﻭﺃﺧﺎﻑ ﺃﻳﻀﺎً ﺃﻥ ﻻ ﺃﺣﺒﻚ ﻓﺘﻀﻴﻊ ﻓﺮﺻﺔ ﺍﻟﺤﺐ ﻓﺄﻧﺪﻡ، ﻓﻌﻠﻤﻨﻲ ﻛﻴﻒ ﺃﺣﺒﻚ ﺑﻼ ﺃﻟﻢ، ﻭﺃﻥ ﻻ ﺃﺣﺒﻚ ﺑﻼ ﻧﺪﻡ . ﺧﻴﺎﺭﻳﻦ ﺃﺣﻼﻫﻢ ﺃﻣﺮ 💔
......
ﺻﺤﻴﺖ ﺍﻟﺼﺒﺎﺡ ﻣﺎﺳﻜﻨﻲ ﺻﺪﺍﺍﺍﻉ ﺷﺪﻳﻴﺪ ... ﺿﺮﺑﺖ ﻟﻲ ﻣﺮﺍﻡ ... ﺭﺩﻳﺖ ﻟﻴﻬﺎ ﻭﺻﻮﺗﻲ ﻣﻨﺘﻬﻲ ..❌ ﺍﻟﻮ .. ﻗﺎﻟﺖ ﻟﻲ ﺍﻟﻠﻮﺍﺍﻳﻪ ﻳﺎﻫﻤﺲ .. ﺍﻟﺘﻠﻮﻱ ﺧﺸﻤﻚ .. ﻳﺎﺑﺖ ﻣﺎﻣﻌﻘﻮﻟﺔ ﺍﻻﺳﺘﻬﺘﺎﺭ ﺩﻩ ﻋﺎﺭﻓﻪ ﺍﻟﺴﺎﻋﻪ ﻛﻢ ... ﻗﻠﺖ ﻟﻴﻬﺎ ﺑﻲ ﺑﺮﻭﺩ .. ﻻ ...🌚 ﻗﺎﻝﺕ ﻟﻲ ﻳﺎﺥ ﺍﻧﺘﻲ ﻣﺘﺨﻠﻔﻪ ﻭﻻ ﺷﻨﻮ ﻧﺤﻦ ﻫﺴﺎ ﺷﻐﺎﻟﻴﻦ ﺩﻭﺭﺓ ﻓﻲ ﺍﻟﻤﺴﺘﺸﻔﻰ ... ﺍﻟﺴﺎﻋﻪ 10 ﻳﺎﻓﻬﻴﻴﻤﻪ .. ﻗﻮﻡﻱ ﺍﻟﺤﻘﻴﻨﺎ ﻋﺸﺎﻥ ﺍﻟﺪﺭﺟﺎﺕ ﻣﺎﺗﺮﻭﺡ ﻋﻠﻴﻚ ... ﻗﻠﺖ ﻟﻴﻬﺎ ﻣﻦ ﻗﺒﻴﻞ ﻣﺎﺟﻴﺘﻲ ﺗﺼﺤﻴﻨﻲ ﻟﻴﻪ 😢..💔 ﻗﺎﻟﺖ ﻟﻲ ... ﺷﻐﺎﻟﻪ ﻣﻨﺒﻪ ﻋﻨﺪ ﺣﺒﻮﺑﺘﻚ ﺍﻧﺎ 😏 ﻗﻮﻣﻲ ﺧﺸﻲ ﻓﻲ ﺍﻱ ﺷﻲ ﻳﺨﺶ ﻓﻴﻚ ﺟﻦ ﻛﻠﻜﻲ ﺷﺎﺣﺪﺓ ﺍﻟﻠﻪ ... ﻭﻗﻔﻠﺖ ﺍﻟﺨﻂ 😂😂...😂 ﻭﺍﻟﻠﻪ ﺩﺍﻳﻤﺎ ﺑﻘﻮﻡ ﻣﺨﻠﻮﻋﻪ ﻭﺑﺠﻬﺰ ﺳﻮﻭﺭﻋﻪ .... ﺍﻟﻠﻴﻞﻩ ﻓﻴﻨﻲ ﺣﻤﺎﺱ ﻭﻣﺘﺸﻮﻗﻪ ﺍﻧﻲ ﺍﺗﻌﺎﻣﻞ ﻣﻊ ﺍﻟﻤﺮﺿﻰ ﻭﻛﻴﻒ ﺍﻗﺪﺭ ﺍﻋﺎﻟﺠﻬﻢ ... ﻭﺑﺎﻟﺬﺍﺕ ﺍﻻﻃﻔﺎﻝ ...❤😍 ﻟﺒﺲﺕ ﻟﻲ ﻟﺒﺴﻪ ﻣﻦ ﺍﻻﺷﺘﺮﻳﺘﻬﻢ ﻗﺒﻞ ﻣﺎﻧﻨﺰﻝ ... ﺍﺳﻜﻴﺮﺕ ﺑﻨﻲ ﻭﻗﻤﻴﺺ ﺍﺑﻴﺾ ﻣﺨﻄﻂ ﺑﺎﻟﻌﺮﺽ ﺧﻄﻮﻁ ﻃﻮﻳﻠﻪ ﺑﻨﻲ ﺑﻲ ﺣﺮﺟﻠﻲ ... ﻟﺒﺴﺖ ﻃﺮﺣﻪ ﺣﺮﺟﻠﻴﻪ ﻭﺍﺳﺒﻮﺭﺕ ﺍﺑﻴﺾ .... ﻧﺰﻟﺖ ﻟﻲ ﺍﻣﻲ ﻟﻘﻴﺘﻬﺎ ﺑﺘﺤﻀﺮ ﻣﻊ ﺣﺒﻮﺑﻪ ﻓﻲ ﺍﻟﺘﻠﻔﺰﻳﻮﻥ ﻭﺍﺑﻮﻱ ﻛﺎﻟﻌﺎﺩﻩ ﻣﺮﻕ .... ﺍﻣﻲ ﻗﺎﻟﺖ ﻟﻲ ﺑﻌﺪﻳﻦ ﻣﺎﺗﺘﺎﺧﺮﻱ ﻣﺎﺷﻴﻦ ﻧﺎﺱ ﻋﻤﺘﻚ ... ﻗﻠﺖ ﻟﻴﻬﺎ ﻭﺷﻮﻭﻭ 😳ﻧﺎﺱ ﻋﻤﺘﻮ ﻳﺎﺍﻣﻲ ﻻ 😔 ﺣﺒﻮﺑﺔ ﻗﺎﻟﺖ ﻟﻲ ﻳﺎﺍﺑﺖ ﻫﻮﻭﻱ ﻛﻤﺎﻥ ﺑﻨﺎﺗﻲ ﺑﺘﺘﻜﻠﻤﻲ ﻓﻮﻛﻘﻦ ﻗﺪﺍﻣﻲ 😳 ﻗﻠﺖ ﻟﻴﻬﺎ ﺣﺒﻮﺑﻪ ﻣﻌﻠﻴﺶ ﻣﺎﻗﺎﺻﺪﺓ ﻭﺍﻟﻠﻪ ﻟﻜﻦ ﺑﻨﺎﺗﻚ ﺑﺘﺎﻋﺎﺕ ﺷﻮﺷﺮﺓ ﻭﻓﺘﻦ ﺣﺒﻮﺑﺔ ﻗﺎﻟﺖ ﻟﻲ .. ﻭﻗﻠﻴﻼﺕ ﺍﻻﺩﺏ ﻛﻤﺎﻥ 😂..👌 ﻋﺎﺩ ﻳﺎﺣﺒﻮﺑﺔ ﺗﻤﺎﺍﻡ 😂👏 ﻭﺍﻣﻲ ﻣﺨﻠﻮﻋﻪ ﻣﻦ ﺭﺩ ﻧﺴﻴﺒﺘﻬﺎ ... ﺍﺳﺘﺎﺫﻧﺖ ﻣﻨﻬﻢ .. ﺑﻌﺪ ﻣﺎﺷﻠﺖ ﻗﺮﻭﺷﻲ ❤ ﺍﻫﻢ ﺷﻲ ... ﺭﻛﺒﺖ ﺍﻟﻤﻮﺍﺻﻼﺕ ... ﻭﻛﻨﺖ ﺧﺎﺗﻪ ﺍﻟﺴﻤﺎﻋﻪ ﺑﺴﻤﻊ ﻓﻲ ﺍﻏﺎﻧﻲ .... ﻭﻣﺎﻣﻨﺖﺑﻬﻪ ﻣﻊ ﺍﻟﺠﻤﺒﻲ ﻣﻨﻮ ... ﺑﺲ ﺑﺤﺲ ﺍﻧﻮ ﺭﺟﻠﻮ ﺩﻱ ﺍﺗﻠﺼﻘﺖ ﻓﻲ ﺭﺟﻠﻲ ﻋﺪﻳﻴﻞ 😳 ﺍﺟﺠﻲ ﻳﺎﺍﻧﺎﺳﻨﺎ .. ﺯﺣﻴﺘﻬﺎ ﻣﻨﻮ ﻣﺮﺓ ﻭﻣﺮﺗﻴﻦ ﻭﺗﻼﺗﻪ ﻭﻫﻮ ﻣﺼﺮ ﻳﺠﻴﺒﻬﺎ ﻋﻠﻲ ... ﺍﻧﺎ ﺑﻘﻴﺖ ﻋﺎﺻﺮﺓ ﺍﻟﺸﺒﺎﻙ ﻋﺪﻳﻞ ... ﺍﻟﻜﻤﺴﺎﺭﻱ ﻻﺣﻆ ﻟﻜﻦ ﻭﻻ ﺳﺎﻟﻮ ...😒 ﺑﺲ ﻟﻤﻦ ﻛﺘﺮﻫﺎ ﻃﻠﻌﺖ ﺩﺑﻮﺳﺘﻲ ﻭﻏﺰﻳﺘﻬﺎ ﻓﻲ ﺍﻻﺳﻜﻴﺮﺕ ... ﻗﺎﻡ ﺍﻃﻌﻦ 😂😂ﻭﻟﻤﺎ ﻛﺮﺍﻋﻮ ﻋﻠﻴﻪ .... ﻭﺻﻠﺖ ﺍﻟﻤﺴﺘﺸﻔﻰ ﻃﻘﻄﺘﻪ ... ﺟﻴﺖ ﺍﻧﺰﻝ ﻣﺎﺯﺡ ﻟﻲ .. ﻗﻠﺖ ﻟﻲ ﻟﻮ ﺳﻤﺤﺘﻪ ﻧﺎﺯﻟﻪ ... ﺯﺡ ﻟﻲ ﺭﺟﻠﻴﻨﻮ ... ﻗﻠﺖ ﻟﻴﻬﻮ ﻻ ﻗﻮﻡ ﻋﺪﻳﻞ ... ﻗﺎﻡ ﻭﻟﻤﻦ ﺟﻴﺖ ﻣﺎﺭﻗﻪ ﻫﺒﺸﻨﻲ ﻓﻲ ﺿﻬﺮﻱ ... ﻭﻳﺪﻭ ﻛﺎﻧﺖ ﻣﺎﺍﺷﻪ .. ﺑﺲ ﻣﺴﻜﺖ ﻟﻴﻚ ﻳﺪﻭﻭ .. ﻭﻗﻠﺖ ﻟﻠﻜﻤﺴﺎﺭﻱ ﺍﻗﻔﻞ ﺍﻟﺒﺎﺏ ... ﺍﻟﻜﻤﺴﺎﺭﻱ ﻃﺒﻌﺎ ﻣﻐﻴﻮﻅ ﻣﻨﻮ ﻣﻦ ﻗﺒﻴﻴﻞ ﻃﻮﺍﺍﺍﻟﻲ ﻗﻔﻠﻮ ﺍﻟﺒﺎﺏ ﻭﺷﻠﺖ ﻳﺪﻱ ﺍﺩﻳﺘﻮ ﻗﺎﻓﻞ ﻓﻲ ﻭﺷﻮ ﻟﻤﻦ ﺍﺗﻜﻴﻒ .. ﺭﻓﻊ ﻋﻴﻨﻮ ﻗﺎﻟﻲ ﺍﻧﺘﻲ .... ﻭﺩﺑﻠﺘﻪ ﻟﻴﻬﻮ ﺍﻟﻜﻒ ﻭﻫﻮ ﺭﺍ
ﺭﺍﺟﻞ ﺣﻠﺒﻲ ... ﻭﺷﻮ ﺩﻩ ﻃﺒﻊ ﻋﺪﻳﻞ ﻣﻦ ﻛﻔﻮﻓﻲ ... ﻭﻗﻠﺖ ﻟﻴﻬﻮ ﺍﻧﺎ ﻣﻦ ﻗﺒﻴﻞ ﻣﺴﺘﺤﻤﻼﻙ .... ﺍﻧﺖﻭ ﻟﻘﻴﺘﻮ ﺍﻟﺘﻔﺎﻫﻪ ﺩﻱ ﻭﻳﻦ ... ﺍﻟﺴﻮﺩﺍﻧﻴﻴﻦ ﻣﻌﺮﻭﻓﻴﻦ ﺑﻲ ﺍﻧﻬﻢ ﺍﻻﺣﺘﺮﺍﻡ ﺑﻲ ﺣﺪ ﺫﺍﺗﻬﻢ .... ﻳﻌﻨﻲ ﻣﻔﺘﺮﺽ ﻳﺎﻋﻤﻮ ﻓﻲ ﻣﻜﺎﻧﺘﻚ ﺩﻱ ﺗﺤﺘﺮﻡ ﻧﻔﺴﻢ ﻭﺗﺸﻮﻑ ﻟﻴﻚ ﺻﻼﺓ ﺗﻨﻔﻌﻚ ﺍﺧﺮ ﻋﻤﺮﻙ .... ﺑﺪﻝ ﺍﻟﻔﺎﺭﻏﻪ ﺍﻟﺒﺘﺴﻮﻱ ﻓﻴﻬﺎ ﺩﻱ ... ﺍﻧﺖ ﻋﺎﺭﻑ ﺍﻧﻮ ﺍﻧﺎ ﺯﻋﻼﻧﻪ ﻣﻦ ﻧﻔﺴﻲ ﺷﺪﻳﻴﺪ ﻻﻧﻮ ﺿﺮﺑﺖ ﻭﺍﺣﺪ ﻗﺪﺭ ﺍﺑﻮﻱ ... ﺑﺲ ﻳﺴﺘﺎﻫﻞ ﻭﻟﻮ ﻓﻲ ﻛﺎﻥ ﺑﺮﻃﻮﺵ ﻛﺎﻥ ﺻﻘﻌﺘﻚ ﺑﻴﻬﻮ ... ﻧﺤﻦ ﻧﻄﻴﺮ ﻭﻳﻦ ﻓﻲ ﺑﻠﺪ ﻣﺎﺗﺮﺣﻢ .... ﺍﻟﺸﺎﺭﻉ ﻳﺸﺎﻏﻠﻚ .. ﺳﻴﺪ ﺍﻟﺪﻛﺎﻥ ﻳﺸﺎﻏﻠﻚ ... ﺍﻟﻔﻲ ﺍﻟﺤﺎﻓﻠﻪ ... ﻧﻤﺸﻲ ﻭﻳﻦ ﻧﺤﻦ ... ﺣﻤﺮﺗﺔ ﻟﻴﻬﻮ ﺷﺪﻳﻴﻴﻴﺪ ... ﻭﻗﻠﺖ ﻟﻠﻜﻤﺴﺎﺭﻱ ﺍﻓﺘﺢ ﺍﻟﺒﺎﺏ ... ﺟﻴﺖ ﻧﺎﺯﻟﻪ ﻗﺎﻡ ﺳﻮﺍﻕ ﺍﻟﺤﺎﻓﻠﻪ ﻣﺪ ﻟﻲ ﺭﺍﺳﻮ ﺑﻲ ﺍﻟﺸﺒﺎﻙ .. ﻗﺎﻟﻲ ﺍﻧﺘﻲ ﻟﻮ ﻓﻲ ﺯﻳﻚ ﻋﺸﺮﺓ ﺑﺲ ﻓﻲ ﺍﻟﺒﻠﺪ ﺩﻱ ﻛﺎﻥ ﻋﻤﺮﺕ ❤😍😍 ﻭﺍﺍﻱ ﻃﺒﻌﺎ ﻛﻼﻣﻮ ﻓﻚ ﻟﻲ ﺯﻫﺠﺘﻲ ﻛﻠﻬﺎ 😂 ﺍﺻﻼ ﺑﺤﺐ ﺍﻻﻃﺮﺍﺀ .. ﺷﻜﺮﺗﻮ ﻭﺩﺧﻠﺘﻪ ﺍﻟﻤﺴﺘﺸﻔﻰ ... ﻟﻘﻴﺖ
ﻫﻢ ﻋﺎﻣﻠﻴﻦ ﺗﻤﺎﺭﻳﻦ ﻟﻼﻃﻔﺎﻝ ❤😍 ﺍﻟﻤﺎ ﺑﻴﻘﺪﺭﻭ ﻳﺴﺘﻮﻋﺒﻮ ﺍﻻﻭﺍﻣﺮ ... جايبين ﻭﺍﺣﺪ ﻻﺑﺲ ﺑﺎﺭﻧﻲ ﻭﺍﻟﺘﺎﻧﻲ ﻻﺑﺲ ﺗﻮﻳﺘﻲ ... ﻣﺎﺳﻜﻨﻬﻢ ﻭﺑﻴﻤﺸﻮ ﺑﻴﻬﻢ .. ﻓﻲ ﻃﻔﻞ ﻋﻤﺮﻭ ﺫﻱ 4 ﺳﻨﻮﺍﺕ ... ﻣﺘﻮﺣﺪ .. ﻳﻼ ﺑﻴﻤﺸﻲ ﺑﺮﺍﺣﻪ ﺑﺮﺍﺣﻪ ... ﻟﻜﻦ ﻫﻮ ﺷﺎﻓﻊ ﻣﺎﺷﺎﺀﻟﻠﻪ 😍😍😍 ﺣﻠﻮ ﺷﺪﻳﻴﻴﻴﺪ ﻭﻧﻀﻴﻴﻒ ... ﺷﺎﻓﻊ ﺗﺘﻤﻨﻴﻪ ﺑﺎﻟﺠﺪ ...❤ ﻣﺸﻴﺖ ﺳﺎﻟﺘﻮ .. ﻗﻠﺖ ﻟﻴﻬﻮ ﺍﺫﻳﻴﻴﻚ ... ﺑﻘﻰ ﻳﻘﻮﻟﻲ ﺍﺷﻴﻴﻚ ﺍﺷﻴﻚ ﺍﺷﻴﻴﻴﻚ 😂 ﻗﻠﺖ ﻟﻴﻬﻮ ﺍﻧﺖ ﺗﻤﺎﻡ .. ﻗﺎﻟﻲ ﺗﻤﺎﻡ ﺗﻤﺎﻡ ﺗﻤﺎﻡ .. ﻗﻠﺖ ﻟﻴﻬﻮ ﺍﺳﻤﻚ ﻣﻨﻮ ... ﻗﺎﻟﻲ ﻣﻨﻮ ﻣﻨﻮ ﻣﻨﻮ ﺣﻤﺪ ﻣﻨﻮ ﻣﻨﻮ ﻣﻨﻮ ﺣﻤﺪ ... ﻫﻮ ﺑﻴﺘﻌﻠﻢ ﺍﻟﻜﻼﻡ ﻳﺎﺩﺍﺏ ﻟﻜﻦ ﺍﻟﺤﺎﻟﻪ ﺣﻘﺘﻮ ﻛﻮﻳﻴﺴﻪ ﺷﺪﺑﻴﺪ ... ﺑﻌﺪ ﺷﻮﻳﻪ ﺑﻘﻰ ﻳﺒﻜﻲ .. ﻗﻤﺘﻪ ﺷﻠﺘﻮ ﻭﺑﻘﻴﺖ ﺍﺳﻜﺖ ﻓﻴﻬﻮ ... ﺟﺎﺗﻨﻲ ﺑﺖ ﻛﺪﻩ ﻋﻤﺮﻫﺎ ﺑﻴﻜﻮﻥ 26 ﻛﺪﻩ .. ﺣﻠﻮﻭﻭﻭﻭﺓ 😍 ﺟﻨﺲ ﺣﻼﺓ ... ﺟﺎﺗﻨﻲ ﺟﺎﺭﻳﻪ ﻛﺪﺓ .. ﻗﺎﻟﺖ ﻟﻲ ﻋﺰﺯﺑﻚ ﺻﺢ؟ﻣﻌﻠﻴﺶ ... ﻭﺷﺎﻟﺘﻮ ﻣﻨﻲ ﻭﺑﻘﺖ ﺗﻼﻋﺐ ﻓﻴﻬﻮ ... ﺣﻤﻮﻭﺩ ﺣﺒﻴﺐ ﻣﺎﻣﺎ ﻭﺍﻟﻘﺎﺏ ﻛﺘﻴﺮﺓ ﻛﺪﻩ ...😍 ﻗﻠﺖ ﻟﻴﻬﺎ ﺍﻛﻴﺪ ﻭﻟﺪﻙ ؟ﻗﺎﻟﺖ ﻟﻲ ﺍﻱ ☺ ﻗﻠﺖ ﻟﻴﻬﺎ ﻣﺎﺷﺎﺀﻟﻠﻪ ﺭﺑﻨﺎ ﻳﺤﻔﻈﻮ ﻭﻳﺸﻔﻴﻬﻮ ﻟﻴﻚ ... ﻗﺎﻟﺖ ﻟﻲ ﺍﻟﻠﻬﻢ ﺍﻣﻴﻴﻦ ... ﻭﺍﻧﺘﻲ ﺩﻛﺘﻮﺭﺓ ﻫﻨﺎ؟ ..! ﻗﻠﺖ ﻟﻴﻬﺎ ﻻ ﺍﻧﺎ ﺗﺮﻳﻨﻨﺞ ﻳﺎﺩﺍﺏ ... ﻗﺎﻟﺖ ﺍﻳﻮﺍﺍ ﻣﻮﻓﻘﻪ ﻱ ﺭﺏ ... ﻗﻠﺖ ﻟﻴﻬﺎ ﺗﺴﻠﻤﻲ ﻭﺍﻣﻴﻴﻦ ﺍﺳﺘﺄﺫﻧﺖ ﻣﻨﻬﺎ ﻭﺩﺧﻠﺖ ﺟﻮﺍ .. ﺷﺎﻳﻔﻪ ﻣﻦ ﻫﻨﺎﻙ ﺷﻔﻖ ﺑﺘﺘﻜﻠﻢ ﻣﻊ ﺑﺖ ﺍﺳﻤﻬﺎ ﺧﻨﺴﺎﺀ ﻣﻦ ﺩﻓﻌﺘﻨﺎ ... ﻣﺸﻴﺖ ﺳﻠﻤﺖ ﻋﻠﻴﻬﻢ .. ﻃﺒﻌﺎ ﺍﺣﺴﺎﺱ ﻻﺑﺴﻴﻦ ﻻﺑﻜﻮﺕ 😂😂😂 ﺧﻠﻌﻮﻧﻲ . ﻧﺤﻦ ﻣﺎﺩﻛﺎﺗﺮﺓ ﻧﺤﻦ ﺍﻃﺒﺎﺀ ﻧﻔﺴﻴﻴﻦ ﻣﺎﻋﻨﺪﻧﺎ ﻋﻼﻗﺔ ﺑﻴﻬﻮ .. ﺩﻩ ﻓﻲ ﻓﻬﻤﻲ ﺍﻟﻌﻘﻴﻢ ﻃﺒﻌﺎ .. ﺍﻭﻝ ﻣﺮﺓ ﺍﺷﻮﻑ ﻣﺴﺘﺸﻔﻰ ﻭﻛﺪﺓ ...😂
ﺷﻔﻖ ﻗﺎﻟﺖ ﻟﻲ ﻣﺘﺨﻠﻔﻪ ﻭﻣﺎﺣﺎﺍﺳﺄﻟﻚ ﺑﺲ ...😂😂 ﻭﻧﺤﻦ ﺑﻨﺘﻮﻧﺲ ﻛﺪﻩ ..
ﺟﻮ ﺑﻨﺎﺕ ﺩﻓﻌﺘﻨﺎ ﺟﺎﺭﻳﻴﻴﻴﻴﻴﻦ ﻭﻭﺭﺍﻫﻢ ﺍﻻﻭﻻﺩ 😂😂 ﻃﺒﻌﺎ ﻧﺤﻦ ﻣﺎﻋﺎﺭﻓﻴﻦ ﺍﻟﺤﺎﺻﻞ ﺷﻨﻮ .. ﺟﺎﺭﻳﻴﻦ ﺟﺮﻱ ﻭﺍﻟﺒﻨﺎﺕ ﺩﻳﻞ ﻳﻜﻮﺭﻛﻮ .. ﻭﻭﺍﺍﺍﻱ ﻭﺍﺟﺮﻭﻭﻭ ﺍﺟﺮﻭﻭ .
ﻓﻲ ﻧﺺ ﺍﻻﻣﺔ ﺍﻟﺠﺎﺭﻳﻪ ﺩﻱ ﺭﻫﻒ ﻻﻗﺘﻨﺎ ... ﻭﻗﻔﻨﺎﻫﺎ ﻓﻲ ﺷﻨﻮ .. ﻗﺎﻟﺖ ﻟﻴﻨﺎ .. ﻗﺼﺼﺼﻲ ...😵 ﺍﺟﺮﻭﻭﻭﻭ
ﻗﻠﺖ ﻟﻴﻬﺎ ﻣﺎﻟﻮﻭ ...😨 ﻗﺒﻠﻨﺎ ﻟﻘﻴﻨﺎﻫﻮ ﺷﺎﻳﻞ ﺳﻴﺮ ﺍﻟﺪﺭﺏ ﻭﺑﻴﻈﻌﻂ ﺑﻴﻬﻮ ﺍﻱ ﺯﻭﻝ ﻓﻲ
ﻭﺷﻮ ...😂😂😂.... ﺭﻩﻑ ﺍﻟﺒﻴﺎﻋﻪ ﻓﻜﺘﻨﺎ ﻭﺟﺮﺕ ... ﻭﺷﻔﻖ ﻭﺧﻨﺴﺎﺀ ﺟﺮﻭﻭ .. ﺑﻘﻴﺖ ﺍﻧﺎ ﺑﺲ .... ﻃﺒﻌﺎ ﻋﺎﺭﻓﻴﻦ ﻟﻤﻦ ﺍﺧﺎﻑ ﻣﺎ ﺑﻘﺪﺭ ﺍﺗﺤﺮﻙ 😖ﻭﺯﻭﻟﻨﺎ ﺟﺎﻱ ﻋﻠﻲ ..😱 ﺍﻟﻠﻴﻠﻪ ﻭﻭﻭﺏ ﻳﺤﻠﻠﻠﻚ ﺍﻟﻠﻪ ﻳﺎﻫﻤﺲ ﻳﺤﻠﻚ ﺍﻟﻠﻪ 😱...😱 ﻭﺑﺮﺍﺍﻱ ﻓﻲ ﺍﻟﻤﻤﺮ ﻃﺒﻌﺎ ﻭﻗﻒ ﻗﺼﺎﺩﻱ ﻗﺎﻟﻲ ﺑﻲ ﺻﻮﺕ ﻃﻔﻮﻟﻲ ... ﺻﺒﺎﺡ ﺍﻟﺨﻴﺮ ...😊 ﻗﻠﺖ ﻟﻴﻬﻮ ﺻﺒﺎﺍﺍﺍﺡ ﺍﺍﺍﻟﻨﻨﻮ ﻥ ﻭﺭ ...😢 ﻗﺎﻟﻲ ﺍﻣﺒﺎﺭﺡ ﻣﺸﻴﺘﻲ ﻟﻴﻪ .. ﻗﻠﺖ ﻟﻴﻬﻮ ﻋﺸﺎﻥ ﺍﻟﻮﻗﺖ ﺍﺗﺄﺧﺮ .. ﻗﺎﻟﻲ ﻃﻴﺐ ﺍﺭﺡ ﺍﺗﻮﻧﺴﻲ ﻣﻌﺎﻱ .. ﻗﻠﺖ ﻟﻴﻬﻮﻭ ... ﻁ ﻁ ﻳﺐ .. ﺍﻧﺖ ﺍﺭﻣﻲ ﺍﻟﺸﺎﻳﻠﻮ ﺩﺓ .. ﻗﺎﻟﻲ ﺣﺎﺿﺮ ..😊 ﺍﺗﺨﻴﻠﻮ ﻣﻌﺎﻱ ﺍﻟﺰﻭﻝ ﺩﺓ ﻓﻲ ﻟﺤﻈﺔ ﺑﻴﻜﻮﻥ ﻃﻔﻞ ﺑﺮﻳﺊ ﻭﻓﻲ ﻟﺤﻈﺔ ﺑﺘﺤﻮﻝ ﻟﻲ ﺳﻔﺎﺍﺡ ..😂 ﺑﻘﻴﺖ ﻣﺎﻗﺎﺩﺭﺓ ﺍﻓﻬﻢ ﺍﻟﺤﺎﺻﻞ ﺷﻨﻮ ... ﻋﻤﻮﻣﺎ ﺍﻟﻔﻬﻤﺘﻮ ﺍﻧﻮ ﺍﻧﺎ ﻣﺎ ﺑﻴﺄﺫﻳﻨﻲ ... ﻟﻴﻪ ﻭﻟﻲ ﺷﻨﻮ ... ﻣﺎﻣﻌﺮﻭﻑ
ﺍﻛﻴﺪ ﻭﺭﺍ ﻣﻌﺎﻣﻠﺘﻮ ﻟﻲ ﻗﺼﻪ ....
#لها_بقﻴﻪ♥
#يتبع
