يمه والله مااريده ليش تغصبوني عليه
هلوو اني تماره عمري ٢٢ سنه ادرس هندسه مرحله ثانيه مواصفاتي حنطاويه وعيوني كبار عسليه
ورشيقه وطولي وسط عندي 2 اخوان حمزه ومرتضى واخت 1 وهي طالبه عداديه اسمه مروه
حمزه اكبر مني عمره 25 وخاطب بنت خالي ع حب من الطفوله بينهم ومرتضى عمره 20
ميحب علاقات الحب والارتباط لان يخاف تفشل علاقته ؟
بابا يشتغل بشركه هو وصديقه شركاء بيه وعمره 55 واسمه فلاح
وماما ربت بيت عمره 47 واسمه ابتسام
ابتسام:يلا ولج اكعدي ابوج اليوم موجود مرايح للشركه
تماره: اي صار كعدت شوفي بعد وكت الساعه پ8 وانتي فوك راسي تنكزين
ابتسام : ولج اسكتي لا اروح اكول لاابوج وهو يصرف وياج
تماره : اسفه ماما حبيبتي بس والله تعبانه وتدرين دراسه وامتحانات عندي
ابتسام : ماشي يلا كومي تعرفين باابوج يعصب اذا معدنه كلنه ع ريوك وهو موجود
تماره: ماشي نازله وراج اغسل وابدل واجي
ابتسام:كعدي وياج مرتضى واختج لان بعدهم نايمين
تماره : اوك ماما
تماره:نزلت امي واني كمت غسلت وفرشت اسناني وبدلت لبست تراك لونه جوري
كلش حلو عليه من البسه ورحت كعدت مروه من النوم
تماره:صباحو يا حلو يلا كومي اكعدي اليوم بابا مرايح للشركه
مروه:هممم عوفيني ولج نعسانه شلون يعني ميصير انام بهذا البيت
تماره :كومي ولج وبدون طوله السان كومي كافي دلال
أنت تقرأ
هي قسمه وانته مامقسوملي
Mystery / Thrillerتتحدث هذه القصه بين حبيبن قصه عراقيه حقيقه ادخلو عليه واعرفو شنو حيصير وشنو دور القسمه والنصيب بينهم
