هي قسمه وانته مامقسوملي

البارت 27

تماره :تمنيت ايامي بعلاقتي وياهه متخلص لان جنت ارتاح من احجي
وياهه وهو يمي وحتى سولفت لاامي عليه وحتى حاجاهه مره
بالتلفون وفرحت حييل من شافته هجي يحبني

واجتي امتحانات اخر السنه وحييل ضجت ونقهر لان بعد الامتحانات
نعطل وبعد مكدر اشوف مصطفى لان اني اشوفه بالكليه

مصطفى: بدت الامتحانات وبدت الضوجه والقهر وياهه لان
راح تخلص السنه وبعد مكدر اشوفه واكول شيصبرني ع
فراكه ومااشوفه كدام عيوني كل يوم

تماره:خلصت الامتحانات كله قهر بقهر حتى مااهتميت الهن
وجان كل همي شلون افراكه وشيصبرني ع فراكه ومااشوفه
كل يوم بس ضلينه اني وياهه ع مخابره بالليل وماانام الا ع
صوته وجنت احسب يوم يوم للدوام مال الكليه لان مصبره روحي

بالكوهه ع فراكه والحمدلله نجحت ونتقلت لمرحله ثالثه بالكليه
ومصطفى هم نجح الحمدلله ونتقل لااخر مره مرحله رابعه
واخر سنه اله بالكليه وبعده يتخرج

مصطفى: كاعد وخابر عليه حسن رديت عليه وهو بس فرحان
ويضحك وكتله شكو كالي راح يتقدم لنور يخطبه لان بعد ميكدر
ع فراكه وبعده عنه كلش فرحتله

تماره;كاعده وخابرتني نور تهلهل اريد افهم شكو كتله شبيج
تخبلتلي كالتلي ولج حسن باجر راح يتقدملي وفرحتني وياهه
ومر يومين ع مخابره نور وخابرتني ثالث يوم وكالتلي اهله وافقو
ع حسن والخطبه بعد سبوع وعزمتني

مصطفى: حسن خابرني وكالي اهل نور وافقو عليه وعزمني ع
خطوبته هو ونور وفرحت كلت بلكي اشوف تماره بالخطبه لان
طك كلبي عليه من الشوك

تماره;من عزمتني نور لخطبته وكالتلي حسن عزم مصطفى فرحت
وكلت لازم اروح لان مشتاقتله كلش ومشتاقه لشوفه لمعه عيونه
وحاجيت بابا وكتله نور نخطبت وعزمتني ع خطوبه وافق بس بعد
عناء طويل من الوسل بيه وكال يروح وياي واحد وفكرت اخذ امي
وياي حتى اشوفه مصطفى واعرفه عليه

ومر الاسبوع وجنه مو سبوع جنه سبع تيام عليه واتفقنه اني
ومصطفى نتشاوف وكتله عندي مفاجئه اله بس مكتله المفاجئه
هي اجيب ماما واعرفه عليه حضرت نفسي لبست نفنوف لونه

ماروني ومخصر ع جسمي واني رشيقه وحطيت مكياج لبناني خفيف
وشال كريمي وبيه ورد ماروني كلس حلوو

مصطفى: مر الاسبوع بالكوه عليه ومصدكت اجه يوم خطوبه حسن
ونور حتى اشوف تماره ومتشوق لمفاجئته شنو هي لان كلتلي
ضامه الي مفاجئه

وخلص الباااارت رئيكم حبايب