زينب:رجعت للبيت واني ما حاسه بروحي بس دموع على خدي شافتني اختي كنز 😳
كنز:عمري 22 سنه اخت زينب الكبيرة واحبها حيل ودائمن تحجيلي عن كلشي يصير معها وانا مخطوبه
كنز:شبيج روحي 😔
زينب:شمرت نفسي بحضن كنز وما احس بشي غير دموعي تنزل ودنيه تفتر بيه حتى النفس كوه اتنفس
كنز:يما سمالله عليج حياتي شبيج احجي امشي خلي اطلعج للغرفه
زينب:كنز الله يخلج راح اموت اصلا متت
كنز :امشي هسع خلي نطلع فوك لاترجع ماما وتشوف حالتج
زينب:سندتني كنز واني ما حاسه بروحي ومابالي غير شي واحد اش غلطت بحق ايهاب حتى يسوه كل هل شي ويايه وانا الي حبيته من كل كلبي هيج يسوي بيه موتني وانا بعدني عايشه
كنز:شفت زينب وشفت شلون منهارة تشهك وتبجي واني ميته على دموعها هاي الي جانت ما تعرف تسكت وبس تضحك هيج يصير وياها
مدتها بحضني وبدأت اقرلها ايات وامسد على شعرها لحد ما هدت روحها شويا ونامت
نامت وانا ميته قهر علي بيها متت من شفتها بهل شكل
زينب:نمت وما حسيت بأي شي بس اسمع صوت كنز حبيبتي تقرالي ايات ومعوذات لحد ما انهد حيلي من البجي
لاول مره احس بروحي ميته بلا روح بس نفس يطلع وينزل لاول مره تمنيت اموت
ايهاب:متت الف موته وانا اتصل عليها وهيا قافله رقمها لحد ما فقدت الامل انو تفتح الرقم
متت وانا اشوف دموعها تنزل على خدها وبعونها عتاب الي
بس ردت اسمع منها كلمة احبك لاخر مره بس اعرف انا ما استحقها لان ماوفيت بوعدي الها
زينب:كعدت وانتبهت على الساعه جانت 12 بليل وانا نايمه من ال2 الضهر
كمت غسلت وبدلت وشفت كنز بل مطبح
كنز:فرحت من شفت زينب كامت وغسلت صحتها
زينب تعالي
زينب:ها كنز شكو
كنز:اني الي مفروض اسئلج شكو
زينب :كنز لخاطري كافي تره اني ميته خليها بعدين احجيلج كلشي
كنز :على راحتج يلا تعالي كلي
زينب:ما مشتهيه حتى الماي ما اريد
كنز :على راحتج
زينب:فتحت المبايل وشفت ايهاب خابص الدنيه مكالمات ورسائل
ايهاب:فتحت بت كلبي وروحي ردتلي لان عرفت هيه بخير ماحجت ولا شي ولا حته ردت على رسائلي
زينب:نار بكلبي مدري شسوي متت وانا اقره رسائله حتى معرف بيش ارد وقررت ما احجي ولا شي لان هو يتخبل من يشوفني ساكته
ايهاب:ماخليت برنامج ما دزيتلها علي رساله وتقرا وتتجاهل الرد متت اريد اسمع منها كلمه وحده بس حتى لو تغلط تسب المهم تنطق بشي تبرد النار الي بيه
زينب :كتبتله رساله وحده وقررت انها تكون اخر رساله واخر كلمات ممكن اكولها اله
حبيتك وروحي ماتت عليك كلما اشوفك يفز كلبي بشوفتك جنها اول شوفه اليه حبيتك سلمتك كلبي وجنت متئكده راح تحافض علي بس فعلا ان بعد الضن اثم سلمتك ثقتي وجنت اضن راح تكون كدها وخيبت كل ضنوني
مشكور كسرتني دمرتني موتتني مشكور يالي سمتك جنتي وصرت اليه نار وتحرك بكلبي نار تاكل كل الي بيه اعرف كلش زين انك منتضر كلمة احبك مني
راح اكولها الك بس لان ما اريد اغدرك مثل غدرك اليه واخلي حق لعشرتي وياك
احبك حيل وفوك الحيل بهوايه❤
ايهاب:ردت عليه وياريتها ماردت متت والله متت من كلامها لان كلشي صار غصبن عني وحضرتني من جميع البرامج ومن حياتها هم 😔
زينب:كتله جزء من الكلامالي بكلبي وحضرته
لاول مره احس بهل شعور واكفه بره بل حديقه والهوا كلش بارد وقوي وانا حته نفس ما اكدر اجره
موت على البطيئ
ايهاب:اقرا كلمها وكل كلمه تنزل دمعه من كلبي مو من عيني اول مره بحياتي تنزل دموعي وعلى منو على بت كلبي وحب عمري
قررت ما اروحلها للكليه الصبح ردتها تكرهني وتنساني وانا ادري بروحي ما اكدر انسها
زينب:نمت بل 1بليل ماكدرت اقوم اكثر كلبي يشتعل بنار وروحي تموت الف موته
نمت وانا ميته مو نايمه نمت وكعدت الصبح على نفس الوضعيه حتى ايدي ما محركتها
وكعدت بل6 ردت ماروح للكليه حتى لا اشوف بس هم ردت اروح حتى ابينله هذوا طلعته اني من حياتي واني ادري بي من نضره وحده يفهمني
رحت للكليه وماشفته امشي وعيوني منزلتهن حتى مارفعتهن حتى لا اشوفه
دومت ورحي مو ويايه روحي بي هو
ايهاب :ماكدرت ما اشوفها رحت للكليه طبيت وانتضرتها تجي وشفتها وياريتني ما شيفها عيونها مورمات من البجي وجهها اصفر وتمشي بهدوء وكل خطوه لها احس روحي تريد تحضنها ومارفعت عيونها ابد ردت بس اشوفهم وجان مبين عليها التعب بس ما حبيت تضهر هذا الشي
وطلعت بلا ما اخليها تحس بوجودي
ريم:حبي زينب شبيج اليوم مو على بعضج
زينب :لاحبيبتي ما اكو شي بس ارهاق من الدراسه
ريم:صديقت زينب تعرفت عليها بل سادس اعدادي وصدفه طلعتنا نفس الاقسام والكليه خوش بينه ومؤدبه
زينب :ريم من رخصتج راح اطلع لان مريضه شوي واحس نفسي تعبانه
ريم :الله وباج حبي بس طمنيني عنج
زينب :اوك
طلعت واني عيوني ما ارفعهن واني ودامشي انضربت بكتف واحد شميت عطره اي نفسه نفس العطره الي مستحيل انساه بيوم
ايهاب:طلعت ودامشي ومهموم وما مركز وانضرب ببنيه
زينب :رفعت عيونه واشوفه هو اي هو روحي
ايهاب :ندرت دشوف من هل بنيه واشوف بت كلبي كدام عيوني ذبلانه
زينب شونج
زينب :تمام الحمدلله من رخصتك مشغوله
ايهاب:لحضه سمعيني بس دكلج اخر كلمه
زينب:تفضل
ايهاب:احبج يابت كلبي 💔
زينب :عطيته ضهري ومشيت بس متت من سمعتها ردت اعيط وابجي واسئله بس ليش سويت هيج بيه مو اني بت كلبك شو هانت عليك تعذبني
احس كلبي يرد يطلع من ضلوعي
ايهاب :نطتي ضهرها ومشت وانا اشوف خطوتها ردتها تكول اي احبك وما اعيش بدونك اني ميته بلياك بس اختارت تعذبني وتسكت وحقها ما الومها الي سويته ما قليل
زينب:مدري بروحي غير وانا واكفه على ماي اريد اتنفس هو نقي اريد هوا يدخل الريتي احس الدنيه ضاكت بيه
رجعت للبيت
كنز:طبت زينب وامي جانت عتصلي شفتها وابوي بل شغل لان ماعدنا اخون بس اني وهيا
امي ربت منزل ووالدي مدرس جامعي
كنز:شفتها منهاره وحتى مشي كوه تمشي عرفت الموضوع اخص ايهاب
زينب:طبيت للبت وطلعت ع غرفتي قفلت الباب
كنز: ما اسمع غير صوت زينب تصيح بأعلى صوت عدها امي تركت الصلات وطلعنا دنشوف شبيها بس ردت اصل لغرفتها احس الطريق صار سنه عليه متت من خوفي
وطبينا عليها
يتبع..
