حطام انثي

الفصل الاول

في احدي ضواحي القاهرة
في قصر رجل الاعمال الشهير عبد الحميد السيوفي
تحديدا بداخل غرفه يبدوا عليها الطابع الطفولي الانثوي ايمان سيدة في العقد الرابع من عمرها تبدو علي ملامحها البشاشة والوقار
ايمان: ايلين يا ايلين اصحي يا بنتي
كفايه كسل بقي
ايلين بكسل:صباح الفل ياست الكل
ايمان:صباح النور ياقلب ماما
يلا بقي علشان متتاخريش علي الكليه
ايلين:ياخبر الكلية
حالا هتلاقيني وراكي
ونهضت عن سريرها وهي تردد دعاء الاستيقاظ
مبتسمه مرحه يملؤها التفاؤل كعادتها
قامت بالوضوء وادت ركعتي الضحي ثم قامت بارتداء ملابسها وخرجت لتناول الفطور
عبد الحميد:صباح الفل يالولو
ايلين:صباح الفل يابابا
ايمان:انتي واقفه ليه يابنتي
ماتقعدي تاكلي زي الناس
ايلين:معلش ياماما متاخرة جدا جدا
ايمان:متقلقيش هتوصلي علي المعاد باذن الله
ايلين:ماشي ياست الكل
يلا سلام عليكم ورحمه الله بقي علشان متاخرش
عبد الحميد وايمان:وعليكم السلام ورحمة الله وبركاته
ربنا يكرمك يابنتي ويصلحلك الحال يارب
ويوقفلك ولاد الحلال
ايلين:اللهم امين
ذهبت سريعا الي الجراج لاخذ سيارتها
وبعد وقت قليل تناهي الي مسامعها رنين هاتفها
ايلين:عارفه انك هتنفخيني
مي:طيب كويس انك عارفه انتي فين كل دا
ايلين:في الطريق والله
مي:قدامك اد ايه
ايلين:يعني باذن الله ربع ساعه
مي:متتاخريش بقي يارب توصلي قبل الدكتورة
ايلين:حاضر باذن الله يلا سلام بقي
مي:سلام
وصلت الي الكلية وتوجهت سريعا الي قاعه المحاضرات ولكنها لم تجد الدكتورة
ايلين:هي فين الدكتورة
مي:الدكتورة اعتذرت ربع ساعه عن معاد السكشن
ايلين:اللهم لك الحمد دا انا كنت مرعوبه لحسن مترضاش تدخلني والنهاردة الحضور عليه20%من الفاينال
مي:الحمد لله ربنا ستر
وبعد وقت قليل دخلت الدكتورة واعتذرت عن التاخير
وشرعوا في اخد محاضرتهم
بعد المحاضرة
مي :علي الرغم من انها شديده بس اكتر حد عنده ضمير في شغله
ايلين:فعلا يامي بجد ربنا يجازيها خير
يلا بقي تعالي ناكل لحسن جعانه جعااانه
مي:بس بس خلاص هاكلك
لحسن تعمليلي فضيحه
عارفاكي اما بتجوعي بتبقي ياساتر
ايلين:طيب اكليني بقي لحسن اعملك فضيحه هنا
مي:يلا ياختي
ذهبا سويا الي الكافيتريا واختارا احدي الطاولات

علي طاوله اخري ولكنها قريبه من طاوله الفتيات
احمد:بنت عمك دي يامازن حاجه كده زي القمر
موز اللوز بس يا ساتر قفل اوي
مازن:اتقل علي الرز يستوي
سامح: مين ادك ياعم ما انت هتتجوز المزة دي قريب
مازن:اه وساعتها يحلها حلال
محمد:يابختك ياعم
مازن:وهو انا من امته مبجبتلكوش اللي انتو عاوزينه
احمد:لا اكيد انت مش قصدك اللي بفكر فيه
انت بتتكلم بحد
مازن بفخر :جد الجد كمان
احمد:حبيبي ياايو المزاميز ياجامد انت
محمد بياس :بس هي مش هترضي اكيد بنقولك قفل
مازن:ملكوش فيه هو اكل وبحلقه
محمد بسعادة :يامسهل
سامح:ادينا مستنين ياميزو اما نشوف
مازن:اصبر تاخد حاجه نضيفه
احمد بسماجه:لابقي اصبر تاخد ايلين
فاخذ الجميع يضحك علي تلك المزحة التي القاها احمد

عند الفتيات
مي:عملتي ايه مع باباكي في موضوع مازن
مرت في عينيها سحابه حزن قويه اطفات بريق عينيها
ايلين :بابا مصمم انا كل الي بعمله اني بماطل معاه
علشان يطول مده حريتي مش اكتر
مي:باباكي راجل متفهم ياايلين اقعدي واتكلمي معاه اكيد هيفهم
ايلين:ياما حاولت المشكله انك مش فاهمه مازن دا في العيله عندنا الملاك البرئ ضاحك عليهم كلهم ومفهمهم انه ملاك وبجناحات فطبعا استحاله يكدبوا حاجه شافوها بعنيهم ويصدقوا كلامي اللي مبني علي احساس
مي:بس كل الكليه عارفه انه مش كويس
ايلين بحزن :مازن مش غبي لما جه بابا علشان يسال عليه
خلي ناس اصحابه يقابلوه ويشكروا فيه جدا
وعرفوا يحبكوا الدور كويس انا فعلا مش عارفه اعمل ايه
بكرهه جدا ومش عاوزاه وهما محدش فيهم مصدق
مي:حسبي الله ونعم الوكيل ربنا ينتقم منه
ايلين:ربنا يهديه ويبعده عني
مي:يمكن خير ياحبيبتي محدش عارف
ايلين:فعلا محدش عارف الخير فين
يلا بقي علشان نلحق المحاضرة التانيه
مي:اه يلا بينا
وبعد انتهاء اليوم عادت كلا منهما الي منزلها
في منزل ايلين
ايمان:انتي جيتي يالولو
ايلين:ايوة ياماما
ايمان:طيب يلا علي ماتغيري وتاخدي شاور يكون الغدا جهز
ايلين:ماشي ياماما هو بابا هنا
ايمان:لا ياحبيتي مش هنا راح الشركه
ايلين:طيب
ايمان:عاوزة حاجه ياايلين
ايلين:بصراحه ايوة عاوزاكي تكلمي بابا في موضوع مازن
ايمان:تاني موضوع مازن اللي مش بيخلص دا
يابنتي انتي عارفه باباكي مادام ادي كلمه تبقي سيف علي رقبته وبعدين مازن شاب كويس واخلاق
ايلين:ياماما انتو متعرفهوش كويس علشان تقولوا كده
تعالي واسالي عليه عندنا في الكليه
ايمان:ياحبيبتي الشباب في السن دا عندهم طيش
يعني ممكن يكون بيعمل الدور دا بس علشان اصحابه ميقولوش عليه هفق
ايلين بحزن :وترضي اني اتجوز واحد كده
ايمان بغضب :بصي ياايلين هي كلمه وملهاش تاني
انتي مش هتتجوزي غير مازن
ايلين:ياماما والله انا مش رافضه الجواز بس اعتراضي علي الشخص
ايمان:لو في حد في حياتك ياايلين قوليلي
ايلين بنظرة الم :كده ياماما بقي تفتكري اني ممكن اعمل كده ربنا يسامحك
ايمان بحنو : امال ايه يابنتي مهو مينفعش نوافق او نرفض او نكره حد لمجرد احاسيس عندنا وخلاص
اقعدي معاه وجربوا تتكلموا ولو بدر منه اي حاجه مش مظبوطه لحد وقت الجواز ساعتها انا اللي هقف معاكي ماشي
ايلين:ماشي ياماما حاضر
ايمان:يلا بقي علشان بابا زمانه جاي دلوقتي
ايلين:حاضر
توجهت الي غرفتها منكسه الراس غارقه في همومها واحزانها
ايمان:ربنا يهديكي يابنتي يارب
اتمني تعجبكوا
ومتنسوش تسيبولي رايكوا

#منة_مجدي