حطام انثي

الفصل الثالث

ايلين:حاضر ياحبيبي يلا بينا
وذهبا سويا للغداء
بعد الغدا ذهبت ايلين الي غرفتها تمارس هوايتها المفضله القراءه وكعادتها حينما تبدا في القراءة تذهب الي عالم اخر لا تشعر باي شئ حولها
وبعد وقت قليل اغلقت الروايه ووضعتها جانبا
فوجدت والدتها تقف امامها مبتسمه
ايلين:بسم الله الرحمن الرحيم خضيتيني ياماما
ايمان:حتي وانتي بتقراي يابنتي ملامحك بشوشه وعفويه
ايلين:احم احم لقد اُحرجت انا كده هتغر والله لتغر
ايمان:يابت اتلمي
ايلين:مااحنا كنا حلوين من شويه ياحاجه
وضحكا سويا
ايمان:ربنا يسعدك يابنتي ويطمن قلبك ويرزقك بابن الحلال
ايلين: اللهم امين يا حاجه لحسن الواحد خلل من القاعده
ايمان:مستعجله اوي ياختي
ايلين:الصراحه الصراحه اه
ايمان:والله منا عارفه زمن ايه دا احنا مكناش بنات
واذ برنين هاتف ايلين يقطع حديثهن
ايلين:عن اذنك ياكبير هروح ارد علي البت مي
ايمان:اديهالي اسلم عليها دي واحشاني جدا
ايلين:خدي اهيه معاكي
وبعد تبادل السلام
ايلين:ايه يابت اكيد ملحقتش اوحشك
مي:لا ياخفه انا مكلماكي علشان اقولك علي حاجه نسيت اقولهالك في الكلية خطوبه فاطمه اللي معانا في الكليه بعد بكرة وهي كلمتني وكده وهتلاقيها اصلا بتكلمك بعد شويه فعاوزين نحضر
ايلين:الله خطوبه هاجي باذن الله بس عاوزين ننزل نشتري لبس ماشي
مي:اوكيه خدي الاذن وبكرة باذن الله بعد الكليه ننزل نعمل شوبينج
ايلين:تمام باذن الله
مي:تمام يلا روحي بقي علشان مش فاضيالك انا
ايلين:تصدقي اننا جزمه اني رديت عليكي
مي:طول عمرك ياحبيبتي
ايلين:انا غلطانه ابقي شوفي بقي مين اللي هيجي يختارلك فستان يلا ومتتصليش تاني
واغلقا الهاتف وهما يضحكان

في مكان اخر
في فيلا يبدوا عليها الفخامه
تحديدا في الزمالك
فرح :عبد الرحمن ياعبد الرحمن
فرح:عاوزة ايه يافروحتي
فرح :ماما بتنده عليك
عبد الرحمن:نازل يا فرح
هبط الي اسفل
ريهام:انت فين ياحبيبي بقالي شويه بنده عليك
عبد الرحمن:معلش ياماما مكنتش سامعك والله
ريهام:ماشي ياحبيبي المهم هند جايه بكرة تزورنا
عاوزاك تكون موجود وتيجي تقعد معانا وتتكلموا سوا
عبد الرحمن:ياامي انتي عارفه ان هند بالنسبه ليا مش اكتر من اختي ومش عارف احس ناحيتها باي حاجه تانيه الموضوع فعلا مش بايدي
ريهام بغضب وضيق :هي كلمه ياعبد الرحمن
هتيجي وهتقعد الحب بيجي بعد الجواز ياحبيبي
عبد الرحمن:ربنا ييسر ياامي يلا عن اذنك بقي علشان نازل
ريهام:متتاخرش المهم
عبد الرحمن:حاضر
ثم وصل امام احدي الكافيهات ليقابل اسر رفيق طفولته
اسر :ايه يابني ايه اللي اخرك كده
عبد الرحمن:كنت بتكلم مع امي في موضوع هند اللي مش بيخلص
اسر :معلش يابني برضوا لسه موصلتش لحاجه
عبد الرحمن:لا والمشكله انها مصممه وتقولي الحب بيجي بعد الجواز
اسر :حاول معاها تاني وتالت ورابع وباذن الله هتقتنع
عبد الرحمن:باذن الله

في منزل ايلين
ايلين:ماما ياماما بابا انتو فين
عبد الحميد: تعالي يالولو
ايلين:انا بكرة هروح انا ومي بعد الكليه نشتري فساتين
علشان خطوبه واحده صاحبتنا
ايمان:فين وامته
ايلين:هو اللي اعرفه انها هتبقي بعد بكرة بس فين معرفش الصراحه هبقي اسال مي واقولكوا
عبد المجيد:طيب ياحبيبتي عاوزة كام
ايلين:اي حاجه يابابا
عبد المجيد:طيب ياحبيبتي خدي الفيزا اهيه
وهاتي اللي انتي عاوزاه
ايلين:تشكر ياكبير
ايمان:انتي مش ملاحظه ان الفاظك سوقيه شويه
ايلين مازحة :من عونيا ياحاجه هحاول اغيرها
ايمان:بنت ......
ايلين:عييييييب
انفجر الجميع ضاحكا علي اسلوب ايلين الطفولي

في الصباح التالي
ذهبت الفتاتان لشراء الفساتين
ايلين:انا مش هروح اي حته بدون ما تاكليني
مي:اعوذ بالله دايما همك علي بطنك
ايلين:مليش دعوة اكليني
مي:امري لله يلا نشوف هناكل فين
فذهبا سويا لتناول الطعام اولا ثم بدات رحله البحث عن الفساتين
ايلين:مي الفستان دا هيبقي حلو اوي عليكي
روحي قيسيه
مي:تفتكري
ايلين:انتي الموف بيبقي جميل عليكي اصلا مابالك الفستان دا واصلا حلو اوي الورد الابيض الصغير اللي جمب دا
مي:تمام
وذهبت مي لتجربه الفستان
صفرت ايلين :واو تبا ان ذوقي حقا رائع
مي:قال وانا اللي افتكرتك هتقوليلي مزة يامي قمر يامي اي نيله يامي روحي ياشيخه فصلتيني
ايلين ضاحكة :خلاص خلاص صعوبتي عليا لا والله شكلك بيه زي القمر ماشاء الله
مي:ايوة كده اتعدلي
ايلين:اتعدلنا
ايلين:انا مش لاقيه حاجه عجباني
مي:ياربي بفسح بنت اختي اصبري متخافيش
مش هنمشي غير لما نجيبلك حاجه تلبيسها
ايلين:مليش دعوة
مي:يابت اسكتي فضحتينا
ايلين:طيب خلاص سكت اهو وشوفيلي فستان
مي:يلا
واستمرت رحله البحث طويلا حتي واخيرا وجدوا الفستان المنشود
كان فستان باللون الاسود طويل من قماشتي الدانتيل والشيفون
مي:واو الفستان دا فظيع فعلا شكله بتاع ملكات اوي
ايلين:انا عجبني الفستان دا جدا
ايلين:ماشي ماشي يلا بقي هقيس الفستان انا حبيته اوي
مي:ربنا يلطف بيكي يلا ياختي يلا
قررت ايلين شرائه

في الخارج
ايلين:انا من كتر ما الفستان عاجبني ممكن افضل نايمه بيه لحد بكرة
مي:هبله وتعمليها والله
اخذت ايلين في الضحك
ايلين: يلا بقي علشان اوصلك واطير علي بيتنا
مي:اوكيه

في منزل ايلين
ايمان:فرجينا اشتريتي ايه يالولو
ايلين:لا خليها مفاجاه بس اوعدكوا هتنبهروا
عبد المجيد مازخت :هننبهر اوي يعني
ايلين:اه
ايمان بقلق مصطنع :استرها ياستير اما نشوف
ايلين:لا تقلقوا ياقوم فقط امنحوني بعض الثقه
عبد الحميد : قوم
ايمان:الثقه
ربنا يستر
ضحكت ايلين ملئ شدقتيها علي تعابير والديها
يلا انا هدخل انام انا بقي لحسن خلاص مش قادر

هستني رايكوا
#منة_مجدي