مشات الين تنعس اما سترة كدور فالكوزينة و يديها كيترعدو و مرة مرة كطلق بعض ضحكات خطيرة طلعات كتراجع تا غفات حدا الين اما الين لقاتها ناعسة حداها غطاتها و حيدات ليها الكتاب لي بين يديها عاد ناضت غسلات وجهها و لبسات الخف ديالها نزلات للكوزينة لقات عفة و سولاتها على مراد قالت ليها بلي ناعس ف بيتو و مشات عندو دقات تا عيات ومحل عليها حد دخلات لقاتو كيدوش و بقات كتسناه يخرج(وجهها قاسح ياكو) ما هي الا دقائق تاخرج عندها مراد لاوي على نصو التحتي فوطة
مراد:شنو كديري نتي هنا
الين:هاد نتي عندها سميتها واقيلا و شنو كندير هنا جيت نسولك
مراد:واخا خرجي نبدل و ندويو
الين:علاه ملابس والو من التحت 😟
مراد:اه لابس ولكن ماشي كلشي دابا خرجي
الين:رجع لبسهوم فالدوش انا ما فيا ميخرج
مراد:(شدها من يدها و حطها حدا الباب)تسناي هنا تا نبدل و باراكا من الحماق ديالك
الين:بففف متعطلش راه مفيا ميتسنا
بعد 5 دقائق
مراد:(بصوت مرتافع)الييين دخليييي
الين:حلات الباب بجهد اففف واخا تكون كتلبس عروسة
مراد:باز لوجهك شنو داكشي
الين:هادا كيك وجدتو مع خالتي عفة و خليت ليك منو زعما ليا و ليك حيت مكليتوش قلت زعما ناكلوه مجموعين
مراد:واخا اجي للطبلة
الين:و مالك مورا الغدا خرجتي معصب
مراد:غي على ود الخدمة دابا داك الكيك جبتيه ناكلوه ولا نتفرجو فيه
الين:هاهوا غير كولو انا بغيت ناكلو منين يجيني الجوع حيت كترت من الشكلاط
مراد:عمر الفرشيط و دخلها ف فمو غير سرطها و بدا كيحمار و يخضار و عينيه غيخرجو من بلاصتهم ناض للدوش بزربة غسل فمو و نزل كيجري للتحت شرب عصي بزربة و الين غير تابعاه و كتشوف ما فاهما والو
مراد:(بعد ما كمل العصير كلو) اش هادشي .... هاااا رجعتي لفعايلك تاني
الين:ولكن اينا فعايل اش طرا ليك
جرها مراد من شعرها للبيت و ردخ موراه الباب
مراد:اش طرا هانتي غتفهمي .... هزي الكيك و كوليه
الين:(تفكرات اش طرا ليه منين كلاه)وعلاش نتا درتي هكاك واش مبنينش
مراد:لا بنين و بزاف الله يعطيك الصحة اش هادا ساقياه ب جافيل تسطيتي
الين:لا .... طيبتو انا و خالتي والله مسقيناه ب شي حاجة سولها
مراد:و شنو هادشي يالاه كولي ...
