اصبحنا و اصبح الملك لله فاقت الين على يدين باباها كتمر من فوق وجهها
الين:صباح الخير بابا
احمد:صباح النور نعستي مزيان
الين:اه ابابا
احمد: مزيان الليل كولو منعستش و انا كنفكر فواحد الموضوع
الين: اينا موضوع
احمد:زواجك بغيت نسولك
الين:اه سول
احمد:مراد واش آداك منين كنتي عندو
الين:لا ا بابا
احمد:و نتي موافقة
الين:اه اكيد موافقة(وجهها قسح من باب دارنا)
احمد:ولكن راك صغيرة و الحياة كلها قدامك
الين:بابا هاد الزواج راه مغيمنعنيش من انني نكمل قرايتي و نأسس راسي
احمد:بنتي الزواج راه مسؤولية كبيرة
الين:(الصمت)
احمد:عمري توقعت بلي غتفكري فالزواج و فهاد السن ولكن ايلى نتي باغاه انا مغنزيدكم غير الخير ا بنتي مراد ولد الناس و راجل (باسها ف جبهتها ) و اكثر حاجة كتهمني هي سعادتك
الين:(عنقاتو)كنبغيك ا بابا
احمد:(دفعها)ههههه عليها باغا تخليني اسليعفانة درتي عقلك دغيا شهرين بدلاتك بزربة
الين: هههههه
احمد:يالاه نزلي تفطري
الين:انا تابعاك غير سبقني
نزل احمد و الين دخلات للدوش دوشات حكات سنانها لبسات كولون غوز و مايو بيض شمعات شعرها بقراصة وخلات شوية منو طايح عاد نزلات لعندهم لقات كلشي فالطبلة
الين:صباح الخير عليكوم
الكل:صباح النور
نهيلة: الين وجدنا ليك لي كيعجبك فالفطور
الين:الله ريحتو كتشهي
نهيلة:علاه شحال من الين عندي
عم صمت كبير المكان و مرة مرة ابطالنا كيبقاو يشوفو فبعضهم تا سالاو الفطور
احمد:مراد ولدي عندك شي حاجة ديرها اليوم
مراد:غنمشي نطل على المدرسة و من بعد
مراد:غنمشي نطل على المدرسة و من بعد الاوطيل صاف
نهيلة:ايوا راه خاصك تسالي بكري باش تدي الين و تاخدو الخواتم
الين:😯😯 و اخيرا
مراد:(فرح)احم واخا غنرجع دغيا
احمد:مراد شوف اولدي ماحد ما درنا فالطاجين ما يتحرق بنتي ما وافقت نزوجها ليك الا حيت نتا راجل بمعنى الكلمة بغيتك تصونها و تحميها من كلشي و من راسك اولا
