انه الخوّاف يا دنيا
انه الخوّاف من كل شي
لو احلم حلم مو زين ..
آنه ارجف گبل رمشي
احط بالباب الف رزّه
وافز باليل الف فزّه
وتعز روحي واگل للخوف ظل بالبيت
وانه امشي..
لان مشغول يادنيا وانتي معذبه احوالي
اعبر عالنهر عطشان..
والمي مو عله بالي..
باولها وخلفتي وياي شترجّاج من تالي ؟
دنا وخالفت وياي..
بيمن ارتجي والمن ؟
بس طيور تعبانات يمي بليل يلتّمن
شوالف گلبي ودنياي؟
بيمن هالگلب امّن.
وتعز روحي واگل للخوف
ظل بالبيت وانه امشي
#كاظم_اسماعيل_الگاطع
