دوروني بغيابك وشلكو بيه لكو صوره فراكك خانكه الريه اكو لمساتك مخليات اثر بعضاي لكو عافيتي بعدك صايره شويه لكو شفتي معطبه وبيهه اثر دخان لكو وجهك بفص عيني وشواجيه لكو بس شلكو من قاسو النبضات طلع بسمك يدك مليون بالميه طلع ملهوف الك لهفه سجين يريد يروح لشجر بيته ويكعد بفيه /دوروني بعد ما مليت دوروني بعد صحت بعلات الصوت اضن تلكون روحي مناطره الجيه اضن تلكون دمعه بعيني تترس اذا اهده الشمس تلكوه مطفي ومابيه كلت خل يرد وحشه الليل بديت اخلص لحد ماخلص البيه بديت اتناوش السبعين وانه صغير سنه عمري بغيابه يزيد يوميه وكمت اندفع لو من يمي نمله تفوت وارجع كيلو لو مرت الشرجيه بده جسمي يتخرخش من درت مكفاك بديت اتناوش بفركاك عوجيه ومن اكح يصعد بحلكي فراكك الجتال ختنك خنكه بغيابك مو طبيعيه تعال ومن ترد لفرش الكاع احضان وذبك عالمتن ذبه الخاجيه
