Ganito ang dapat mong gawin,
Ganyan dapat ang iyong mithiin,
Tila dapat sumunod sa lahat ng sabihin
Walang sariling desisyon na dapat unawain
Ito ang tama, iyan ay mali
Ako ang masusunod, ikaw ay makinig
Sa mundong lahat ng mata ay nakatingin
Lahat ng galaw ay kailangang pansinin
Ngunit sarili mo ay hindi sa kanya
Pagkatao mo ay hindi sa kanila
Ikaw ang may hawak ng sarili mong buhay
Nasa palad mo ang sarili mong husay
Kumawala ka sa kadena ng mga nagmamatyag
Suportahan ang ikaw na tunay at tapat
Ipakilala ang sarili, taas noo at sumigaw
Ipagmalaki ang iyong puso na totoo at mababaw.
