Ngayon ko sisimulan ang mga liham na para sa'yo
Alam kong darating ka naman mahal koPero nais kong malaman mo
Na kahit ano o sino ka pa, mahal kita
Nais kong idaan sa tula, lahat ng ukol sa'kin sinta
Hindi ko naman nais na papel ko sa iyo'y maging malinis
Nais ko lamang na malaman mo, mga gusto at ayaw koMga bagay na dapat maintindihan mo, alam kong tayo na hanggang dulo
Hindi ako perpekto, Oo
Hindi ako kasing-ganda ng mga babaeng pinapantasya mo
Hindi ako kasing-talino ng mga babaeng hinahangaan mo
Hindi ako ang maaaring nasa mga panaginip mo
Hindi ako ang laging nagpapahinto ng mundo mo
Hindi ako ang maaaring nakakapukaw ng atensyon mo
Hindi ako ang lahat ng maaari mong hilingin, Oo
Hindi ako, pero bakit tayo pinagtagpo?
Tingin mo, tayo hanggang dulo?Tingin mo, ako ang babaeng papakasalan mo?
Kasi kung Oo, ngayon palang payag na ako
Ikaw ang sa altar ay kasama ko, pangako
YOU ARE READING
POETRY NI MHEY
PoetryIto'y kalipunan ng mga tula na aking ginawa mula sa'king mga karanasan na nagtuturo ang nagiging bahagi ng buhay kong makulay.