طلعت ريم اوضتها ومش كانت مهتمه بصت عادى لاقت علبه صغيره وعليها كارت فتحت العلبه لاقته خاتم وكارت مكتوب فيه " تتجوزينى "
وف اللحظه دى باب الاوضه خبط ودخل امير
ريم بصتله متفاجئه بال شايفاه .. امير : تتجوزينى يا ريم
ريم متفاجئه لانها مكنتش متوقعه من امير الحركه دى وف لحظه حست انها رايحه طريق مش عاوزاه او معنى اصح طريق رافضاه ...
ريم: امير
امير قرب حاول يمسك ايد ريم بعدت نفسها: اسف نسيت انك مش بتحبى حد يلمسك.. كتير بحسد رامى انا من قربه ليكي
ريم : امير ....
امير قاطعها :ريم من غير تزويق كلام انا من زمان وكنت عاوز افاتحك بس مش لاقيت فرصه وقلت لما تخلصى الجامعه ووضعك اتحسن ولاقيتها فرصه كويسه بجد اتمنى تشاركينى حياتى وكل حاجه عندى
ريم بتحاول تجمع : امير ..انا بجد مش عارفه اقولك ايه
امير: متقوليش حاجه فكرى وقوليلى ردك انا مش مستعجل هستناكى
خرج امير من الاوضه وساب ريم ف حيره وهى بتبص ع العلبه ومش عارفه ايه ال حصل وليه وهتعمل ايه .... شويا حست بخنقه من الضغط فاتصلت ب غاده وحكتلها ع ال حصل
غاده: مفهاش حاجه يا ريم كده كده سواء امير او غيره مش هتعيشى عمرك كله لوحدك الي حواليكى مش دايملك والوحده ال حساها بوجودهم هتحسيها بغيابهم اكتر انتى محتاجه حد يشاركك حياتك وظروفك وخوفك والمك .. شخص يشجعك ع المواجهه الحياه وامير اكتر شخص مناسب لانه مش محتاج يعرف حاجه عنك لانه عارف وموافق .. كل فتره امير بيتصل يسألنى ع حالتك ووضعك وكان بيجى المستشفى وكان طالب منى مقولش ليكى لكن مدام وصلنا للنقطه دى يبقى لازم تعرفى علشان تاخدى قرار والصوره واضحه قدامك ... انا مش بشجعك توافقى انا بوضحلك صوره وانتى عندك حريه القرار فى الاخر ...
ريم: بس انا مش بفكر ف الجواز ..مش عاوزه اتجوز ..مش عاوزه اعيش مع شخص الفكره نفسها رعبانى بجد يا غاده مش هقدر
غاده: طيب متضغطيش ع نفسك وفكرى ..شوفى قرارك الاخير ايه والي هتوصليله مهما كان انا هقف معاكى فيه ....!!!
ريم قفلت مع غاده وحاولت تنام معرفتش فغفلت شويا والشويا الي نامت فيهم ذاكرتها رجعت لايام باباها ومامتها وهما ف البيت وطريقه تعامل باباها مع مامتها وحبسها ف الضلمه وقامت مفزوعه ..فكره انها تعيش مع راجل ويقربلها رعباها .. فتحت عنيها لاقت نفسها ف اوضتها والنور شغال وبتبص حواليها ملقتش حد حست بخنقه لما افتكرت الي حصل زمان وفتحت ف العياط ... ومعرفتش تنام الا الصبح ... مش قادره ريم تقتنع بكلامهم والي مسيطر عليها احساسها بس والرفض ....
خرجت من اوضتها تسأل علي امير لاقته سافر وهيرجع كمان اسبوعين
وهما قاعدين ع الفطار مامتها فتحتلها موضوع
أنت تقرأ
لقاء مستحيل ليآرا سمير
Romanceاللقاء.. هبه ..هديه من ربنا لينا متحدد ميعادها وزمنها من غير ما نعرف .. اللقاء ..بيغير حياتنا كتير او ممكن متتغيرش .. فى لقاء بيبقى بدايه لـ احساس وحياه تانيه احسن ونعيش فاكرينها باقى العمر وفى لقاء ولا بنحس بيه ولا بنفتكره وبننساه مع الزمن وفى لقا...
