اوف يادنيا وين صرنا ووين كنا
حياتنا المأساوية الى اين........
مرت نصف ساعة واني ممدة بالصالة والالم من كل مكان الم جسدي نفسي قهري الم السنة الي ضيعتها مع واحد مريض مع كل الالم الي صارلي استجمعت طاقتي وصعدت لغرفتي ابجي والم بهدومي وذهبي ومستمسكاتي اخذتها مستحيل ارجعلة بعد
اي شيء من الذهب والملابس جابه الي عفته اله ركبت سيارتي ولبيتنا وصلت للبيت بالكوة البجي والالم والقهر الي حسيت بي كان كفيل يسببلي انهيار دكيت الباب على اهلي ساعة1بالليل ماما خطية فتحتلي الباب اني اغمى عليه محسيت نفسي الابالمستشفى ماعندي كسر بس رضوض وايدي كانت مجروحة وضمدوها وونظفوا الجروح الي بجسمي
للعصر اني بس ابجي الكل يمي بس ماما عرفت الي صار مقبلت اي احد من اهل لؤي يشوفني وحجيتلهم الي صار وصدمتهم ماتقل عن صدمة ماما
والدة هالة:ساعة 1بالليل اندك الباب قلبي صار يرجف خوف قلق شفتها بالكاميرا هذه سيارة هالة شعندها فتحت الباب وهالة متبهذلة وكلها دم واغمى عليها اتخبلت واخذناها للمستشفى اني وابوها شكيت يمكن حامل فسالت الدكتورة وصدمتني باول صدمة بنتي باكر
ام هالة:دكتورة بس هي متزوجة من سنة شلون شنو هالحجي؟
الدكتورة:حاليا بنتج كعدت وتكدرين تساليها بنفسج
الصدمة الثانية القصة الي حجتها بنتي الي عن غراميات زوجها ويا نورهان
حسيت نفسي بدوامة صعبة بنتي هذه وحيدتي شلون صار بيها هيج سودة علية بنتي
اجوي اهل لؤي اطمئنوا على هالة وانصدموا بطلبها الطلاق لامستحيل ليش
خالو وهالة ثنائي يجنن
هالة حبابة مانكدر نتركها
شنو صار ليش تريد الطلاق
والد هالة حجة لوالد لؤي وانصدم بتصرفاته ابنه الطائشة ووافق على طلب الانفصال واعتذر من هالة واهلها
هالة:لاول مرة اشوف عمي بهالحالة من الانكسار حيل كسرني من شفته واعتذرلي وظل يطلب السماح ووافق عل طلاقي من لؤي
والد لؤي:صح ابني يحب الي ماتتسمى واني اعرف علاقته بيها ابدماانكطعت بس ماتوقعت ولاتخيلت للحظه وحده ممكن ابني يبدر منه هالتصرفات الطائشة
هالة انسانة تدخل للقلب حبيناها واعتبرتها مثل بناتي منظرها وهي تعبانة ابد مايروح من بالي والصدمة الي كسرتني البنت طول هالسنة ماشكت ولا لحظة من ابني دوم رافعة راسة وتمدح بي وهو اوف من الحقير ابني لا لا هذا مستحيل يكون ابني كسرني ونزل راسي بالارض ماشفت لؤي من هذا اليوم وبلغت اخوانه يوصلون اله خبر طلاقها وغصب عنه يطلقها وحقوقها كلها توصلها
هالة مر يومين بالمستشفى بابا رفع قضية طلاق وانا طلعت بالسلامة بس هوماكو (لؤي)
لؤي:من بعد ماضربت هالة طلعت من البيت رجعت الفجر لمكان الضرب شفت الدم وهالة مو بالبيت والاتصالات كومة على تليفوني ومسجات ان هالة بالمستشفى وانهم عرفوا قصتهم غلق تليفونة وبعد يومين راح لوالده
ابو لؤي:انت واحد عاق وانا بري.........
ام لؤي:لا يبواحمد لادكولها بغلاتي عليك اسمع منه مثل ماسمعنا من بنت الناس
ابولؤي:يامراا ابنج كسرني وبهذلني كدام العالم وصغرني تعرفين شنو يعني صغرني
لؤي واقف واسمع كلام امي وابوية لاول مرة احس اني لاشيء وطول هالسنة انا كنت اخرب بالاشياء بدل مااصلحها ياربي شسويت ماحس الا والده لزمة من قيمصه ودفعه
ابولؤي:فهمني انت ليش هيج سويت يلا
لؤي بقهر:لان مااحبهاااا مااحبها ياعالم ياناس وانت جبرتني انت كسرت البنت وكسرتني اني وحبي
ابو لؤي:اسكت هذا حجي نسوان مو رجال مشورب كدامي
لؤي بعصبية:يابة اني ماغلطت والبنت مكدرت اتقدملها حسبتها مثل اختي 😡😡
ابو لؤي:تترك مرتك ودكول اختك وتروح تحبحب بالغريبة انت شنو
اجوي اخوان واخوات لؤي وكانوا يحاولون يهدئون الوضع خصوصا لؤي ماخذ عصبية والدة
ابو لؤي:اسمعني ياااعاق انت كلمة مااثنيها البنت طلكها وكل مستحقاتها الزوجية تروحلها البنت وردة ماتستاهل واحد مثلك تفو عليك حسافة ربيت واحد مثلك اطلع بررررة اطلع
لؤي:سمع الكلام وبدون تعليق طلع
احمد:يابة شلون تاخذ مستحقاتها بالشرع هم بحكم المخطوبين فقط لان لؤي مادخل عليها
سامي:اي صح شلون فاتتني
ابو لؤي:اعرف كل هذا بس البنت تستاهل كل خير مو كافي اخوك الشفية مااحترمها وكسر وجهنا كدام اهلها
احمد:اي صح حقك يابة سالفة لؤي مداتدخل عقلي لؤي الرزين العاقل هيج يسوي
سامي:يمكن الولد مسحور انتوا ماشفتوا شلون مايشوف غير هالبنت
ابولؤي :مسحور ولامخمود هالولد هذا فشلني كدام العالم وكسرني رحمتك ربي شسوي
#
