هدى بنت هناء: واو هالة انت كل يوم تفاجئينا باكل جديد ونيولوك جديد شنو هالجمال هنيال خالي عليج😍😍
هالة باابتسامة:☺☺اني شعندي غير لؤي حبيبي لازم ادلعة
علا:هلا هلا خالي لو موجود هنا ويسمع هالغزل جان انطردنا قسم بالله
هالة بخجل:اتادبي ولج ☺
مهى:علا عيب شنو هالحجي بس الصراحة اني وياها جان انطردنا
والكل ضحك على ردة فعل هالة الخجولة (هه لايغركم مظهري اني انسانة مكسورة من الداخل وجمعة البنات الوحيده الي تطلعني من المي وقهري وطبعا غزلي بلؤي مجرد كلام صح احبه بس هو اذاني حيل ومن تزوجنا لليوم ماحسسني للحظة بانوثتي ولحد هسه احنا كل شخص بغرفة )
وفعلا لؤي جان موجود وحضر الكلام من اوله طبعا هو اتعود على كلامها وغزلها من يجون البنات بس اليوم انتبه للبسها كانت لابسة برمودا ضيقة وبدي ربع ردن وشعرها فالته
بس كالعادة اختنك من شكلها مااحبها مدااتخيلها زوجتي ولادااحس بوجودها اصلا صرت اكره بيتنا بسببها واكره الجمعات الي تصير لان هالة تصير كتلة كذب وانا اصلا مااتحملها وهسه اتحملها هي وكذباتها اووف عفتها وطلعت من البيت اشتاقيت لحبيبتي نونيتي
طلعت من البيت لان عندي موعد وياحبيبتي 😍
مرت فترة طويلة وطبعا كل هالفترة وحقدي وكرهي يزيد لهالة كل شيء فيها يقرفني ويكرهني حاولت كذا مرة ابين الها هالشي لكن هالبنت لااحساس ولامشاعر كرهتهاااااا احسها السبب ببعدي عن نورهان حبيبتي وكل مرة اشوفها اتمنى اقتلها الي مصبرني عليها هو والدي وتهديده اليه لان عرف بعلاقتي بعدها ويا نورهان
هالة:اوف ياحالي كل يوم يمر عليا بسنة كرهت عيشيتي وحياتي وكرهت دراستي وعلم النفس كرهت الي حوالي كلهم تعبت منهم كلهم
هملت نفسي لفترة بسبب اهانات لؤي ودائما يحسسني اني مو بنت ولاعندي ذرة انوثة كل يوم يمر يقتل كل حياة بداخلي حتى الجامعه كرهتها بس ماقدرت اخذ اجازة لازم اداوم حتى اخلص من هالكابوس الي ورطت نفسي بي اووف رحمتك ربي
اليوم نجتمع عند عيالي سمعت اذان الظهر استغفرت ربي ودعيت يهدي لؤي او يبعده عني باهون سبب لان تعبت رح تمر سنة على عذابي ويااا وهو مطايقني ومشكلتي حبيته على شنووو مادري يمكن لان اول شخص دخل حياتي
اوف ربي دعوتك استجب لي اذا زواجي من لؤي خيرة فااتمه يارب واذا لافاانهي بااهون سبب صلت الظهر وكملت وبعدها لبست وكشخت وراحت لبيت عيالها يكون قريب على بيتها
و اجتمعوا البنات ببيت حماتي عالية وطبعا بما ان ست الحسن صديقة للعائلة اجتي اني لبست فستان طويل لونه بيجي واسود وحجاب اسود
اما ست الحسن جانت لابسة بنطرون جينز وقميص مدري بدي قصير حيل وضيق وحجاب والحجاب لنص شعرها ومكياج فول 😒😒ترة مااحجي عليها هيج لان اغار بس هذا واقع حال
وشائت الصدف اني عطشت ورحت للمطبخ وست الحسن موجودة بس لفت انتباهي هي كانت تتصل بااحد وتتغزل بي فضولي خلاني ابقى ردت اسمع شنو تحجي ويا زوجي هه شكد حلو زوجي يخوني واني مالي حق احاسبة رحمتك ربي بس الكارثة تتغزل بشخص ثاني
نورهان:احمد حبيبي والله احبك
شنو صدوك رح تتزوجني ياااي احلى خبر سمعته ياحياتي وانا اموت بيك
كمل الاتصال واني في حالة ذهول وصدمة واتصل شخص ثاني
نورهان:اووف هذا وكته
نورهان:نعم عدي شتريد
اوووف كتلك مااريدك ماحبك.
ايي ايي جنت اتسلى يلا كافي
وسدت الفون بوجهه
نورهان:اوووف شنو هالنماذج التعبانة الي اعرفها بس يلا هواية صرف عليه عدي ههههههه😁😂😂 وهذا لؤي شلون ابعده عنه لازك لزكة جونسن اريد اتزوج حبيبي احمد اصلا مليت من لؤي
هذا كله تحجي ويا روحها هه صدوك العقل زينة تخبلت المخبلة😂😂😂
(هالة ياهالة ياام الصدمات ) هالة:ظليت صنم بمكاني معقولة هذه الي يحبها وفضلها علية هذه حثالة المجتمع 😮😮وينك يالؤي تعال اسمع الي فضلتها عليه
مااتحملت ابقى بمكان اخذت جنطتي استاذنت ورجعت للبيت عصبيتي فول
نورهان:جنت بعدني بالمطبخ من هالة استاذنت واني اخذتها فرصه كلت خلي اتصل بلؤي بلكي يتعاركون ويتركني لان مليته منه واتصلت وغزل ومن هالسوالف مااسمع الا صوت عالي ولؤي سد الفون هههههههه هاهاهاي نجحت اول خطوة واخيرا رح افتك منه ودخلت للبيت وجان اسمع زوجي العزيز الخاين يتكلم مع ست الحسن 😒😒وفوكاها شافني وظل يتغزل بيها اني هناا فقدت اعصابي وشمرت الجنطة بكل قوتي
لؤي"جنت بالبيت وحدي اتصل على نونيتي حبيبتي ماكو ماترد ظليت بحالة قلق اعرف هي ببيت اختي عالية بس ماتبقيني فترة طويلة لازم تتصل وبعد 15دقيقه ردت واخيرا وظلينا ندردش بس فجاءة هالة دخلت ومبين عليها عصبية حيل مااهتميت اني شعلية بس صدمني فعلها سديت الفون بسرعة من نورهان
لؤي:هالة شبيج ؟؟
هالة:وانت من شوكت تهتم اني شبيه من يوم الي تزوجتك لليوم واني حال اي قطعةاثاث بهالبيت متت عشت ماتهتم مهتم بس بالحثالة الي تعرفها
طررراااخ
لؤي سمعتها من جانت تحجي وقدرت ظرفها صح اني مقصر وياااها كومة بس من حجت على حبيبتي وكالت حثالة محسيت الا ايدي على خدها
هالة بصدمة من الكف:تضربني تضربني لان حجيت على ست الحسن هذه حثالة المجتمع تعرفك وتعرف عشرة غيرك اصحى يامغفل
هالة"فقدت اعصابي اكثر من الكف وصرت احجي كلشي بداخلي
محسيت الا لؤي يضرب بية من كل مكان رفس ضرب كفوف كل شيء تتوقعوا بالحزام بايده واني بس اون من الالم فقدت صوتي تعبت
لؤي"فقدت اعصابي ونزلت عليها ضرب حقيرة كلبة تتجرأ تتكلم معي بهالاسلوب مر وقت وانا اضرب بيها لحد ماانهد حيلي وهي ظلت تون من الالم عفتها وطلعت من البيت بكبره مخنوكة وتعبان وضايج من كل الي صار
