الفصل الثالث عشر [الجزء الثانى]
_________________________________
يارا : صحيح الكلام ده يا محمد
محمد : ايوة ومردتش اتكلم بس اللى حصل امبارح خلانى اتكلم
يارا : طب افرض فيه ناس غيرهم هتعمل اية
محمد : ربنا ييسرها بقا ، بس مظنش اللى موجود هيبقى اخطر من اللى فات
يارا : ازاى مش اخطر ، دول كانو هيفجرو القاعة بكل اللى فيها ، يعنى كان زمانو ميتين كلنا دلوقتى
محمد : سيبك يا يارا يلا نخرج ، تعالى نروح اي حتة
يارا : حاضر
محمد : البسى عقبال ما البس واكلم حسام اشوفو عمل اية
يارا : طيب
_______________
حسام : تفسيرك اية يا اكرم
اكرم بصدمة : محمد قدر يسافر للمنظمة ومقرهم وقدر يقتل رئيسها ويقتل كل اللى فيها !!!!
حسام : ايوة ، شوفت
اكرم : ده كان ممكن ميرجعش
حسام : ماهو اتصاب برصاصتين بس الحمدلله قام ، قولى بقا اية تفسير اللى لقيناه فى قاعة الفرح
اكرم : التفسير ان محمد مقتلش رئيس المنظمة زى مانت بتقول
حسام : نعم !!! ، ده ضربو 4 رصاصات ومات فعلا
اكرم : ما يمكن مش هو رئيس المنظمة الل قتلو ده
حسام : مش رئيسها !!!!
اكرم : الناس دى حريصة جدا جدا جدا ، رئيس المنظمة زى مانت بتقول مش هيظهر نفسه لحد غريب و اللى خلانى اقول كدا لان حتى لو اتبقى رجالة من المنظمة مش هيعملو كدا ، بالعكس دول هيهربو انما الرئيس هو اللى يأمر الاشخاص يعملو كدا
حسام : يعنى افهم من كلامك ان لسة المنظمة متقضاش عليها
اكرم : عندك تفسير غير كدا !!!
رن هاتف حسام برقم محمد
حسام : ايوة يا عريس عامل اية
محمد : تمام يا حس بس قولة عملت اية مع الواد
حسام : معترفش بحاجة بس انا قاعد مع اكرم
محمد : وقالك حاجة !!!!
حسام : بيقول معنى كدا ان رئيس المنظمة الحقيقى متقتلش وموجود فعلا
محمد : ازاى
حسام : يعنى اللى قتلته مش رئيس المنظمة ، ممكن يكون دراعه اليمين ، مش عارف
محمد : امممم ماشى يا حسام ، يبقى يحلها ربنا ، سلام
حسام : سلام
___________
طارق : عندك حل نشيل التلج اللى مغرق البيت ده
تامر : لا مش عارف مالها ممطرة النهاردة جامد كدا ليه
طارق : يوووه طب هنشتغل ازاى
تامر : طب اصبر انا هتصرف
طارق : هتعمل اية !!
تامر : هات اي حاجة ، طبق او حلة وتعالى معايا
طارق : يادى النيلة
تامر : اخلص يا طارق ، علشان لما اقولك نركب فوق الكوخ ده حاجة تمنع التلج ينزل تبقى تسمع كلامى
طارق : يعنى انا هعرف منين ان هيحصل عاصفة كدا والتلج يغرق المكان
تامر : يابنى انت عايش فى المانيا مش فى مصر ، افهم
طارق : حاااضر حااااضر ، امرى لله
________________________________
رامى : اية اخبار الشغل يا فارس
فارس : التقارير كلها اهى يا فندم بس فيه حاجة
رامى : اية
فارس : المسؤول عن تمويل مشروع الساحل سحب تمويله ورفض يبقى معانا
رامى : ازاى يعنى ، هو لعب عيال
فارس : انا استنيت حضرتك تيجى علشان تشوف الحوار ده
رامى : طيب روح وانا هتصرف
فارس : حاضر يا فندم
