يوسف:اتفضلي اشربي انتي فقدتي دم كتير
ليلى(برخامه):مش عاوزة منك حاجه
خلود:ليلى لازم تشربي يا حبيبتي علشان ميبقوش اتنين هات انت العصير هشربهولها
يوسف:شكرا
وقف بجانب هاني وخالد كان قلقا على ياقوت ومرت ساعات وكأنها سنين حتى خرج الطبيب واجتمعو حوله
رئيسها:طمني يا دكتور
الطبيب:احنا هنحطها تحت الملاحظة لان 3 رصاصات في اماكن مختلفه مش سهل ولولا انها قوية وبتقاوم كان زمانها ماتت
خالد:نقدر نشوفها امتى
الطبيب:اول ما يكون مسموح هبلغكم عن اذنكم
توجه خالد نحو غرفتها وكان يشاهدها من خلف الزجاج واتى رئيسها وعندما رأه تراجع قليلا حتى لا يراه خالد وبعد مرور يومين كان الجميع معها في غرفتها
ياقوت:شكرا يا يوسف على الزيارة
ليلى:بتشكريه على ايه
خالد:انا اصلا مخدتش بالي من قلقي عليكي
ياقوت:ايه يا جماعة يوسف جارى ومتربين مع بعض في ايه
ليلى:هي العملية افقدتك الذاكرة
ياقوت:خلي قلبك ابيض وبعدين عملت ايه معاها اوعى تقولي ان اللي حصلي منعك تتكلم
يوسف:دا انا اتكلمت وعملت واضربت
ليلى(وقفت بانفعال):انتي كنتي عارفة
ياقوت:هو كان يقدر يعمل حاجة من غير ما يقولي دا انا كنت خسفت بيه الأرض
ليلى:انا غلطانه اصلا اني جيتلك
ياقوت:يا مجنونه اقعدى هقوم وراكي ازاي
ليلى جلست على مضض
دخل رئيس ياقوت وجلس بجانبها وقبل يدها ورأسها وضمها له فتأوهت
ياقوت:براحة الرصاصه
رئيسها:أسف بس كنت قلقان عليكي
ياقوت:شكرا يا فندم لقلك عليا
هاني:مش كفايه ان سيادتك طلعت عارف انها ست وكمان بتميزها وبتبحها دا انا ياما اترميت في المستشفى وعمرك ما تفيت عليا حتى
رئيسها:لما تبقا في خبرتها وكفاءتها هبقا ازورك واحترم نفسك معايا في الكلام فاهم
هاني(تمتم):ربنا على الظالم
ياقوت:سمعتك
هاني:استري عليا يستر عليكي ربنا
رئيسها:انت بتعمل ايه هنا مش المفروض تستكمل التحقيق
هاني:ومش المفروض سيادتك تكون معايا في التحقيق
رئيسها:ما انا جيت علشان اخدك
