عِند آم كِبرياء ؟

ارتباك

في صباح اليوم التالي اوصل حازم نهي والفتيات الي الشركة ثم ذهب هو و رنا الي المكتبة
وصل حازم ورنا الي المكتبة وقاموا بفتحها ثم قال حازم:
هروح اجبلنا فطار صاحبتك جاية اكيد اجبلها معنا
رنا: اه هي جاية كلمتني قبل ماانزل اكدت عليا
حازم: تمام هروح اجيب انا طيب
رنا: قشطة
في الناحية الاخري قام جاسر باقناع والدته بذهاب مني الي العمل بعد محاولات كثيرة ثم اخذها معه في طريقه ليقوم بتوصيلها والتعرف علي صاحب المكتبة
جاسر: مبدأين كده فلوسك اللي هتغديها ديه انا مليش دعوة بيها طلباتك اللي كنتي بتطلبيها انا اللي هاجبها يامني فاهمة
مني: ان شاء الله يا جاسر
جاسر: مني
مني مستسلمة: حاضر ياجاسر
جاسر: انتي كده اختي حبيبتي
مني: معلش
جاسر: تصدقي انك عيلة رخمة صحيح ده انا لسه متمرمط فوق بسببك عشان اخلي ماما توافق
مني:خلاص مصلحة وخلصت
جاسر: بقي كده ماشي شوفي مين هيوديكي يلا هنرجع علي البيت حالا
مني: لا لا خلاص اسفة
جاسر: ايوه كده اتعدلي
مني: حبيبي يا جاسر والله..
جاسر ساخرا: اه واضح
وصل جاسر ومني الي العنوان وقامت منى بمهاتفة صديقتها لتخبرها عن مكانها تحديدا اخبرتها رنا ثم اغلقت معها الخط ذهب جاسر ومني الي المكتبة ثم دخلوا اليها رحبت رنا بصديقتها ثم سلمت علي اخاها جاسر
رنا: مني عاملة ايه وحشتيني اوي
ثم قامت باحتضانها
مني: انا تمام الحمدلله وانتي اكتر بكتيير
رنا: ازاي حضرتك يا استاذ جاسر
جاسر: انا تمام الحمدلله ازيك انتِ
رنا: الحمدلله
جاسر: مش هوصيكي علي مني بقي
رنا: ماتقلقش حضرتك ان شاء الله كل خير
جاسر متسألا: هو فين صاحب المكتبة مش المفروض اني هشوفوا
رنا: هو بس خرج يجيب حاجات وجي خمس دقايق بكتير وهيبقي هنا
جاسر: تمام
دخل حازم الي المكتبة وجد شخصيا يعطيه ظهره ويقف يتحدث مع رنا ومني
حازم: لو سمحت في حاجة تؤمر بيها نساعدك في ايه
التف جاسر لمصدر الصوت فوجد امامه حازم
اندهش الاثنان عندما رآوا بعضهم
حازم: جاسر؟!
جاسر: حازم؟! انت بتعمل ايه هنا
حازم: انا صاحب المكتبه ديه انت اللي بتعمل ايه هنا
جاسر: انا اختي اللي صاحبة الانسة رنا وكانت جاية تشتغل هنا
مني مقاطعة حديثهم : ايه ده انتوا تعرفوا بعض ازاي ومنين وامتي وفين و...
جاسر مقاطعا: ايه يا بنتي في ايه اهدي علي رزقك شوية هقولك بعدين
مني: لا انا لازم اعرف دلوقتي
جاسر: استغفر الله العظيم يارب انا مش هخلص النهاردة ..حازم اخو نهي اللي معايا في الشركة
مني: اه نهي اللي حكتلي عليها وبتقعد تتكلم عنها كتير ديه ومبتبقاش داري بنفسك و..
اسرع جاسر بوضع يده علي فمها ثم قال: ايه يا مني يا حبيبتي في ايه مالك فوقي كده ثم نظر الي حازم و رنا قائلا: معلش مني ساعات بتهبل في الكلام كده
نظرت له مني شذرا
حازم وهو يضحك ماكرا: اه طبعا طبعا
جاسر محرجا: اه اكيد معلش هستأدن انا بقي حازم مش هوصيك
حازم: متقلقش من حاجة ان شاء الله كل خير
جاسر: ماشي شكرا ثواني هاخد مني معايا وارجعهلكوا
ارخي جاسر يده من علي فمها ثم اخذها وخرج سريعا من المكتبة
جاسر متعصبا: انتي متخلفة ايه اللي انتي عملتيه ده الله يخربيتك خليتي شكلي وحش
مني: انا عكيت جوا؟
جاسر: انتي هتستعبطي انا غلطان اصلا اني وافقت انا اللي جبته لنفسي
مني: والله مكنتش اقصد انا اتفاجئت لما عرفت انك تعرفه
جاسر بحدة:اه تروحي تعكيها علي نفوخي انا صح
مني وهي تحاول الا تبكي: والله ما اقصد لو عايزني اسيب المكتبة ماشي يلا نروح بس متاضيقش مني جامد كده
جاسر وهو يجاهد ان يكون طبيعيا: خلاص يا مني حصل خير انا هتصرف
مني: لا خلاص يلا نروح
جاسر: هو لعب عيال يا مني يلا خلاص وانا مش مضايق
مني:بجد
جاسر مبتسما: اه خلاص يا حبيبتي حصل خير انا هتصرف
مني:خلاص ماشي ربنا يخليك ليا
جاسر: ويخليكي ليا يلا ادخللهم
دخلت مني الي المكتبة لتبدا اول يوم عمل لها ثم ذهب جاسر في اتجاه الي الشركة
دخلت مني الي المكتبة رحب بها حازم قائلا: اهلا بيكي يا مني ان شاء الله تتبسطي معنا
مني: شكرا
حازم: رنا هتعرفك علي كل حاجة بقي بس الاول يلا عشان نفطر
مني: لا شكرا انا فطرت في البيت
حازم لرنا: اقنعيها انتِ طيب
رنا: لا والله يا مني مش هاينفع ده حازم راح جابلنا اكل وجبلك معنا متكسفهوش بقي
مني: خلاص ماشي
اعطي حازم لكل منهم طعامه وبداوا في تناوله
في الناحية الاخري وصل جاسر الي الشركة وهو يفكر في منظره امام حازم حتي قرر الايشغل باله بهذا الموضوع وان يتركها علي ربه
دخل حازم الشركة ثم صعد الي مكتبه وجد جاسر نهي وهي تقوم بعمالها بجد حتي انها لم تنتبه لوصوله قرر جاسر ان يلفت نظرها قائلا: صباح الخير تعالي ورايا عايزك
ثم قام برزع باب مكتبه
انتفضت نهي من طريقته الصارمة ثم قامت من مكتبها واطرقت علي بابه حتي اذن لها بالدخول
جاسر وهو يمد يده ببعض الملفات: معلش ممكن ترجعي دول تاني وتدهملي
نهي: وحضرتك معملتهمش ليه هو مش ده تبع شغل حضرتك!
جاسر: نعم! هو ايه اللي معملهمش ليه ! انا مديرك علي فكرة انا حر اعملهم او اخليكي انتي تعمليهم.. لو سمحتي رجعيهم وهاتيهم عشان انا تعبان ومش قادر ممكن..
خجلت نهي من طريقتها معه فقامت باخذ الملفات من يده قائلة: حاضر ..
ثم خرجت من مكتبه وذهبت الي مكتبها لتقوم بمراجعة الملفات
بينما جاسر فقد جاء له تليفون هام ينص بضرورة سفر مجموعة من الشركة الي الغردقة ليقوموا بانجاز بعض الاعمال هناك ولمدة ثلاثة ايام ظل جاسر يفكر في طريقة لاقناع نهي ان تأتي معهم فهي تنجز الكثير من الاعمال
قرر جاسر ان ينتظر حتي تأتي له بالملفات ثم يقوم بفتح الحوار معها ...
بينما هدي كانت تعمل طلب علي منها اللجوء الي مكتبه لانه يريدها في موضوع هام ولا ينتظر تعجبت هدي من اصراره ثم ذهبت اليه ..
اطرقت هدي باب المكتب حتي اذن لها بالدخول ثم دخلت اليه
هدي: ايوة حضرتك عايزني ليه؟!
علي:اتفضلي اقعدي معلش عشان الكلام هيطول شوية
هدي:شكرا مش عايزة اقعد
علي: لا اسف مش هينفع مش هكلم غير لما تتفضلي تقعدي
هدي بنفاذ صبر:طيب
ثم قامت بالجلوس قائلة: اديني قاعت اهو ممكن حضرتك تقول في ايه
علي: مبدأين كده انا معجب بيكي وعايز رقم والدك عشان اتقدملك
هدي وهي تهم بالجلوس: بعد اذنك
التف علي ناحيتها ليمنعها من الخروج واقفا امام الباب سادا الباب قائلا: مفيش خروج من هنا غير لما اخد الرقم انا بقولك اهو..
هدي:لو سمحت عديني مبحبش كده
علي:انا قولت كلمة ومش هكسرها الرقم هتخرجي مش هتدهولي خلينا كده للصبح انا فاضي مواريش حاجة
هدي:اووف استغفر الله العظيم لو سمحت عايزة امشي
علي:افأفي براحتك لا يعني لا
هدي:خد الرقم وخلصني عايزة امشي
علي:ايه ده بجد
هدي بنفاذ صبر:صبرنا يارب لوسمحت عايزة امشي
علي:خلاص خلاص هاتي الرقم
هدي: ......01256
علي:شكرا جدا اتفضلي
خرجت هدي الي مكتبه مسرعة نحو مكتبها لتكمل عملها بينما عقلها يفكر فيما حدث
انتهت نهي من مراجعة الملفات ثم ذهبت الي مكتب جاسر لتسلمهم له اطرقت نهي الباب اذن لها بالدخول
نهي:اتفضل انا خلصتهم
جاسر:تمام شكرا معلش في موضوع عايز اكلم معاكي فيه
نهي:ايوة موضوع ايه
جاسر:احنا جايلنا شغل في الغردقة ومطلوب مجموعة من الشركة تروح وانا علي راسهم وطبعا انتِ معايا عشان انتي مساعدتي
نهي:بس انا مينفعش اسافر
جاسر:مش هينفع انتِ مجيش عشان انا رايح وانتِ المساعدة بتاعتي
نهي: وانا حازم مستحيل انه يوافق اصلا
جاسر: كلميه انتي ومهديلوا وسيبي الباقي عليا وانا هكلموا
نهي: طيب هو السفر امتي وقد ايه
جاسر: كمان يومين المفروض نقعد هناك 3 ايام بس احنا هنسافر قبليها بيوم انا وانتِ عشان نضبط الاماكن وكده
نهي: انا مش هعرف ارد علي حضرتك غير لما اقول لحازم
جاسر: انا عارف اكيد انتي لما تروحي كلميه براحة كده ومهديلوا وبعدين ابعتيلي مسج زي بتاعت امبارح كده قوليلي انك كلمتيه وانا بعديها هتصل بيه اقنعه تمام؟
خجلت نهي لتلميحه لرسالتها وحاولت ان تداري ارتباكها قائلة: تمام حضرتك عايز حاجة تانية
جاسر مبتسما من ارتباكها:لا شكرا اتفضلي
خرجت نهي مسرعة من المكتب بينما ظل جاسر محافظا علي ابتسامته...
جاء وقت الغداء واجتمعن الفتيات وقامت هدي بقص ما حدث علي مها و نهي
مها: ممكن ازغرط؟ انا هزغرط مليش فيه
وضعت نهي يدها علي فم صديقتها لتقوم بمنعها قائلة: اسكتي يا بنتي احنا في الشغل مش في البيت
مها وهي تبعد يد نهي عنها: خلاص خلاص مش هكلم
هدي: بس انتوا الاتنين وسبوني في المصيبة اللي انا فيها ديه
نهي: مصيبة ايه مفيش مصيبة الراجل كويس ودخلك دوغري علي طول واخد رقم والدك في ايه
هدي: ما انا مش عارفة
مها:خلاص سبيها فترة خطوبة لو مقتنعتيش سبيه
هدي : مش عارفة بقي انا مش قادرة افكر انا هروح دلوقتي ولو حد شافه قوله اني روحت واني مقدرتش اجي اخد اذن عشان تعبانة سلام
ثم خرجت هدي من المطعم ثم الشركة متجهة الي بيتها
نهي: انا كمان هروح اكمل شغل
مها: هتسبوني لوحدي ! خلاص انا جاية معاكي يلا
ثم ذهبت كل منهن الي مكتبها
بينما الشباب فقد اجتمعوا في مكتب جاسر واخبرهم جاسر بامر سفره هو ونهي واخبره بانهم سيقوموا بعمله لحين ان يرجع ثم اخبرهم علي بما فعل..
رامي:يا ابن الايه يا علي
جاسر: ايه ده كل ده وانا معرفش
علي وهو يغمز له: سيبينك احنا مع نفسك بقي
جاسر: بس يا بابا شوف مين اللي بيتكلم
رامي: يلا بقي انا همشي عشان ورايا شغل كتير
علي: وانا كمان سلام
جاسر: اهربوا اهربوا انا يتخبي عليا كل ده ماشي اصبروا عليا
ضحكوا الشباب ثم خرج رامي وعلي
بينما نهي علي مكتبها وجدت علي ورامي يخرجوا من باب مكتب جاسر فطلبت من علي ان تحدثه
وقف علي معها قائلا: ايوة اتفضلي يا انسة نهي
نهي:احم.. هي هدي روحت
علي:نعم ! ومجاتش تاخد اذن ليه
نهي:هي كانت تعبانة ومش قادرة وقالتلي اقول لحضرتك
علي:ايه تعبانة! تعبانة ملها ايه اللي حصلها
نهي وهي تحاول ان تداري ابتسامتها:لا متقلقش هي كويسة بس حست انها مرهقة شوية
علي بارتباك:اه طيب تمام..شكرا بعد اذنك
نهي: اتفضل
ثم ذهب كل منهم الي عمله....