عِند آم كِبرياء ؟

الاخير "احبك"

"مين قالك اني بحبك ماني واقع بداهية ❤"
خرج كل من جاسر ومني من الغرفة وقاموا بالجلوس علي احدي المقاعد..
جاسر:الحمدلله الحمدلله انا مش مصدق بجد الحمدلله
مني مبتسمة:الحمدلله..
جاسر وهو يحتضنها: ربنا يخليكي ليا انتي وهي
ابتسمت له مني ولم تعلق...
في الغرفة ..
ظل حازم يحتضنها لوقت طويل وهو يبكي حتي هدأ فابعدها عنه وقام بتقبيل رآسها وظل ينظر اليها وهو مبتسم
نهي:حازم انا والله العظيم بقيت كويسة خلاص بقي
ابتسم لها حازم قائلا: انا سكت اهو..
نهي: لا متسكتش احكيلي بقي
حازم:احكيلك ايه
نهي:انا سمعت جاسر بيقول انه بيجي هنا لما انت تمشي عشان متشوفهوش هو ايه اللي حصل...
حازم:انا ازاي ماخدتش بالي
ثم قام سريعا واتجه خارج الغرفة وترك الباب مفتوحا
انتبه كل من جاسر ومني من خروج حازم فقام جاسر بالوقوف ليدخل الي نهي..
امسكه حازم من قميصه قائلا: انت رايح فين
فزعت مني مما يحدث فوقفت حاجز بينهم
مني: في ايه يا حازم
حازم:ملكيش دعوة انتي .. انتي بتدخلي ليه اصلا
جاسر:ايه ده في ايه انت بتكلم معاها كده ليه .. ابعدي يا مني
قام جاسر بازاحة مني بعيدا
حازم:انا مش قايلك اياك اشوفك هنا ! انتوا ايه اللي جبكوا اصلا...! انا مش قولتلك تبعدوا عننا ولا انتوا مبتفهموش
جاسر:وانا قولتلك اني بحبها وهاجي هنا غصب عنك وعن اي حد..
كان الصوت عال واستمعت نهي الي المشدة بينهم وظلت تنده علي حازم ولكنه لم يسمعها..
كانت مني قريبة من باب الغرفة فسمعت منادة نهي فذهبت اليها باكية..
نهي:في ايه بره حازم وجاسر بيزعقوا كده ليه وانتي بتعيطي ليه
مني باكية:حازم وجاسر بيتخانقوا بره جامد وحازم مصمم ان جاسر السبب
نهي:طيب قومي بسرعة ناديهم يلا
ذهب مني سريعا الي الخارج فوجدت حازم يجلس فوق جاسر ويقوم بضربه وجاسر يحاول ابعاده عنه وهناك الكثير من الناس يحاولون ابعاد حازم ..
دخلت مني بينهم وهي تصرخ بحازم وتقوم بضربه
مني:ابعد عنه يا متخلف انت ايه التخلف اللي انت بتعمله ده
حازم وهو يقوم بتكملة ما يفعله: ابعدي عن وشي
مني صارخة: بقولك ابعد عنه وروح شوف اختك بتنادي عليك قومي بقي يا اخي انت ايه
توقف حازم وظل مذهولا من حالة مني ثم قام وتوجه الي غرفة اخته..
كانت نهي في الغرفة تستمع الي ما يحدث وحاولت ان تذهب اليهم ولكنها لم تقدر من شدة الم الجرح..دخل حازم الغرفة فوجدها تبكي فجري عليها:
حازم:في ايه تعبانة انده الدكتور؟
نهي باكية: ايه اللي حصل بره وايه اللي انت عملته ده مين قالك تعمل كده هو معملش حاجة
حازم: مين ده اللي معملش حاجة هو السبب في كل اللي حصل
نهي: هو السبب ازاي هو كان يعرف ان الصفقة فيها حاجة غلط منين..! هو اصلا لما حس ان فيه حاجة غلط مكانش عايزين اروح معاه وانا اللي صممت اروح معاه المخازن وبعد اللي حصل صمم اني ارجع عشان يحميني مكانش يعرف اللي هيحصل يبقي هو السبب ازاي..ازاي..
ظل حازم صامتا ومندهشا من كلام نهي فكيف انه لم يفكر في كل هذا ونظر للامر بسطحية..
نهي صارخة:ما تنطق .. رد.
حازم:ااانا مفكرتش كده انا كنت قلقان عليكي وكل اللي جيه في بالي انه مقدرش يحميكي بس ..
نهي: لو كنت انت اللي معايا كنت هتعمل زيه مكنتش هتعمل اكتر ولا اقل...وبتتخانق معاه وبتضرب يا حازم..! ليه من امتي..؟
حازم:نهي..انا مش عارف انا عملت كده ازاي
نهي متنهدة بتعب:اخرج بره يا حازم..انا تعبانة وعايزة انام
حازم بحزن :لا يا نهي انا مش هسيبك والله انا كنت قلقان عليكي والله متزعليش مني ارجوكي
نهي:حازم انا مش زعلانة لو سمحت اخرج انا عايزة انام وياريت تراجع نفسك كويس
حازم متنهدا: حاضر
قامت مني باسناد جاسر للوقوف ثم اجلسته علي احدي المقاعد وشكرت الجميع وطلبت منهم الذهاب
مني باكية: جاسر انت كويس..
جاسر بالم: انا كويس يا مني متقلقيش مكانش جامد اوي
مني صارخة: مدفعتش عن نفسك ليه
جاسر: عشان هو مش في وعيه هو كده عشان لسه مش مستوعب اللي حصل ..واظن الموقف ده حصل معايا قبل كده مع اختلاف الاسباب
مني: بردوا مكانش ينفع تسيبه .. قوم يلا عشان نروح مينفعش نفضل كده اكتر من كده
جاسر: مش همشي يا مني انا ملحقتش اقعد معاها هي ملهاش ذمب
مني: طول ما هو هنا يبقي لا..
قطع حديثهم خروج حازم من الغرفة ..تألم حازم من طريقة تحدث مني عليه وعلم انه قد خسرها..جلس حازم علي المقعد الذي امامهم واسند راسه عليه واغمض عينيه ..
ظلت مني حبيسة مشاعرها فهي تشفق عليه وفي نفس الوقت تبغضه لما فعله في اخاها
اما جاسر فقام من مجلسه وقام بالجلوس بجانب حازم وقام بوضع يده علي كتفه ..
نظر له حازم ولم يتحدث فابتسم له جاسر قائلا:خلصت الشحنة ولا لسه..
ادمعت عين حازم ولم يعلق فقام جاسر باحتضانه قائلا: فكك من اي حاجة دلوقتي او اي حاجة هي قالتهالك جوا احنا بنحمد ربنا انها قامت بالسلامة قول الحمدلله
ظل حازم ناظرا الي جاسر متعجبا..
جاسر: متبصليش كده انا كنت عارف انت حاسس بايه كويس خلاص حصل اللي حصل.. قول الحمدلله قول ..
حازم متنهدا:الحمدلله
جاسر: ايوه كده .. شد حيلك بقي عشان هي محتجالك الفترة ديه
حازم مبتسما: حاضر..جاسر...انا اسف..
جاسر ضاحكا:ولا يهمك يا صاحبي.. دين وبيترد عادي
ابتسم حازم ولم يعلق..
جاسر:مش هندخلها كلنا طيب..
حازم:قالتلي انها هتنام..
جاسر: ديه بتضحك عليك بتوزعك عشان تمشي قوم معايا هندخلها يلا..
حازم:تفتكر..
جاسر:طبعا يلا
قام جاسر وحازم وذهبوا للدخول الي الغرفة ولكن اوقفتهم مني
مني:جاسر انت رايح فين
جاسر: في ايه داخلين جوه
مني:طيب استني هدخل اشوفها الاول اكيد يعني قاعدة لوحدها ومش لبسة الطرحة اصبر هشوفها لو صاحية تلبسها وتدخل..
جاسر:اه تمام ماخدتش بالي
نظر حازم لمني بامتنان ولم يعلق..
دخلت مني الي الغرفة واغلقت الباب وجدت نهي تجلس علي الفراش وهي شاردة
مني: الجميل سرحان في ايه..
نهي منتبهة:ايه ده انتي دخلتي امتي
مني:لسه حالا اهوو.. ها كنتي سرحانة فمين ها ها..
نهي: مفيش
مني: عليا برضوا.. تكوني سرحانة في الواد الحلو اللي بره الطول بعرض ده اللي اسمه جاسر؟
نهي بخجل:ايه ده في ايه لا طبعا
مني: مم ماشي طيب لو مش هو قولي مين
نهي متنهدة: في حازم..
عبس وجه مني عندما استمعت لاسمه..ولاحظت نهي ذلك.
نهي:مالك كشرتي ليه..؟
مني:لا ابدا مفيش..وحاولت ان تصبح طبيعية:سرحانة فيه ليه
نهي:عشان اللي عمله مع اخوكي
مني:لا متقلقيش هما اتصلحوا بره وانا داخلة ابلغك تلبسي طرحتك عشان هيدخلوا..
نهي:وقاعدة ترغي كل ده..دول هيضبطوكي ناوليني الطرحة طيب
مني ضاحكة وهي تعطيها الايشارب : يستهلوا هما الاتنين دول مرمطوني معاهم
قطع حديثهم صوت طرق الباب فاذنت لهم مني بالدخول
جاسر: ايه ساعة بتقوللها تلبس الطرحة
مني: معلش ..
جاسر: والله..ماشي هعديهالك بمزاجي
مني مبتسمة:ولا تقدر تعمل حاجة اصلا
نهي موجهة حديثها لجاسر وهي تشير علي وجهه:انت كويس ..
جاسر:اه متقلقيش حاجة بسيطة
نظرت نهي لحازم بالوم ولم تعلق..
جاسر:لا متبصلوش كده الواد معملش حاجة هو كان مش في وعيه بس بعدين بياخد تاره يعني
نهي:تار؟ يعني ايه مش فاهمة
جاسر:احم.. قبل السفر بيوم لما حازم جيه متخرشم انا اللي كنت عامل فيه كده
نهي: ايه انت..؟ انت مجنون ليه عملت فيه كده
جاسر: خليه يبقي يحكيلك هو بعدين بقي...
حازم:ممكن متزعليش مني انا كنت قلقان عليكي والله
نهي مبتسمة:انا مقدرش ازعل منك اصلا..
قام حازم وجلس جوارها وقام باحتضانها وتقبيلها من رآسها..
جاسر:طيب بالمناسبة السعيدة ديه بقي انا طالب ايد نهي منك يا اخ وموافق مش موافق هجوزها
خجلت نهي من كلام جاسر واختبئت في حضن حازم فضحك جميعهم من تصرفها العفوي..
حازم ضاحكا: ماشي يا عم خلينا بالذوق احسن .. انا معنديش مانع بس نعرف رآيها هي..
ثم نظر الي نهي موجها كلامه: ها ايه رائيك يا عروسة ..
لم تقدر نهي ان تتحدث من فرط الخجل فقامت بضرب حازم علي صدره
حازم:اه طيب وانا مالي انا هو اللي قال مش انا
نهي هامسة:هو كده
حازم:طيب ها موافقة..
هزت نهي رآسها ولم تنظر لهم
جاسر فرحا: والله لو كنت بعرف ازغرط كنت زغرط
ضحكوا جميعهم وظلوا يمزحون لفترة حتي استاذن جاسر ان يذهبوا ليرتاحوا قليلا وسلم عليهم وذهبوا الي المنتجع..
في غرفة جاسر ومني بعدما قاموا بتبديل ملابسهم وجلس كل منهم علي فراشه
جاسر:انا فرحان جدا جدا الحمدلله
مني:يارب يا حبيبي دايما انت تستاهل كل خير
جاسر:حبيبتي عقبالك يارب
ابتسمت مني ولم تعلق
جاسر:انا هنام بقي عشان بكره ورايا يوم طويل..
مني:تمام وانا كمان عشان تعبانة تصبح علي خير
جاسر:وانتي من اهله
ثم خلدوا الي النوم..
في غرفة نهي ظلت نهي تحاول ان تقنع حازم ان بذهب هو ايضا ليرتاح قليلا ولكنه لم يوافق واصر علي البيات معها ظلوا يتحدثون كثيرا في مواضيع عامة حتي نامت نهي وظل حازم ينظر لها ويشكر ربه علي نجاتها ثم نام علي الكرسي بجوارها..
في صباح اليوم التالي استيقظ جاسر ووجد ان مني مزالت نائمة فدخل الي المرحاض وقام بالاغتسال واداء فرضه وتبديل ملابسه وقام بارسال رسالة لها لتراها عندما تستيقظ يخبرها انه سيذهب الي القسم لينهي موضوع التحقيق ويذهب الي المشفي..
خرج جاسر من الغرفة ثم من المنتجع وركب سيارته وتوجه الي المديرية..
دخل جاسر الي المديرية وذهب الي مكتب جمال واخبر العسكري ان يقوم بابلاغه بانه يريد مقابلته..دخل العسكري الي جمال واخبره فامره بان يقوم بادخاله ..
دخل جاسر الي المكتب وسلم علي جمال ثم جلسوا..
جمال: عامل ايه ونهي عاملة ايه دلوقتي
جاسر مبتسما:انا كويس الحمدلله..نهي فاقت امبارح
جمال: بجد..! حمدلله علي سلامتها
جاسر: الله يسلمك يا جمال..
جمال:هي كويسة دلوقتي الحمدلله..؟
جاسر:اه الحمدلله..كنت جيلك عشان التحقيق لو حابب نروح دلوقتي انا هكلم حازم اقوله
جمال:ياريت عشان انا ماجل القضية علي ما هي تفوق بقالي كتير..
جاسر:تمام
هاتف جاسر حازم واخبره بضرورة اجراء التحقيق فاخبر حازم نهي وسالها اذا كانت قادرة علي اجراءه الان فوافقت اخبر حازم جاسر بالموافقة فاخبره جاسر انهم سياتون اليهم الان ثم اغلق الخط..
جاسر:تمام يلا
جمال:يلا..
خرج جاسر وجمال من المديرية وتوجهوا الي المشفي..
في المشفي كان حازم ييقوم باطعام نهي
نهي:والله العظيم شبعت كفاية
حازم:نهي مش عايز دلع الاكل كله هيخلص
نهي:يوووه
حازم:يلا ولا كلمة
نهي:طيب.. حازم
حازم:ايه
نهي:هو في حاجة بينك وبين مني..!
ارتبك حازم من سؤالها وحاول ان يداري ارتباكه:ها لا بتسالي ليه
نهي مستنكرة:متاكد..؟
حازم:يوووه انتي عايزة ايه يا نهي..
نهي:عايزاك تحكي احكيلي اللي في قلبك فيها ايه يعني
حازم:نهي بعدين هحيلك
نهي باصرار:لا دلوقتي
حازم:بوووه ..ايوة فيه انا بحبها معرفش هي كمان ولا لا بس خلاص مبقاش ينفع عشان انا بني ادم متخلف وعكيت الدنيا
نهي: مينفعش ليه عملت ايه احكي...
قص حازم علي نهي ما فعله مع مني منذ علمه باختطافها وانه قد اهانها بطريقة حديثه معاها في السيارة وانه لم يكتفي بذلك بل قام باهانتها اكثر هنا في المشفي وانه لا يعتقد انها سيقوم بمسامحتها..
نهي:انت عكيت جامد بس مشكلة اعتقد انها هي كمان بتحبك لاني لما جبت سيرتك كانت مضايقة اوي ولو كنت بنسبالها عادي مكانتش جات عشان تديك المفتاح بعد كلامك معاها في العربية بس دلوقتي هتلاقيها واخدة جمب منك بس لو بتحبها فعلا اثبت لها ده وافضل وراها لحد ما تصالحها
حازم:رائيك كده؟
نهي:طبعا
حازم:تمام ادعيلي..
قطع حديثهم طرق الباب فوضعت نهي حجابها ثم اذن حازم لمن بالخارج بالدخول..
دخل جاسر واخبرهم بان جمال سيقوم بالدخول ليأخذ اقوال نهي الان فاشاروا له بالموافقة فقام بادخال جمال
سلم جمال عليهم واخبارها بانه سعيد لشفائها واخبرهم جاسر ان جمال هو من تبرع بالدم لها فقاموا بشكره كثيرا ثم استأذن جمال ان يقوم ببداء التحقيق.. وبدا جمال باخذ اقوالها وقصت نهي ما حدث معها بالتفصيل حتي انتهوا فشكرهم جمال ثم استأذن ان يذهب وسلم عليهم وخرج...
ظل جاسر وحازم ونهي يتحدثون في مواضيع عامة حتي سأل حازم عن مني
حازم:امال مني فين مجاتش معاك ليه
جاسر:كانت نايمة لما نزلت
حازم:اه تمام..
صمت حازم قليلا ثم تحدث قائلا: جاسر ممكن تخليك هنا مع نهي عقبال ما اروح اجيب شوية حاجات من اوضتي
جاسر:اه طبعا اشطا
حازم:تمام..سلام
خرج حازم من الغرفة ثم من المشفي وتوجه الي المنتجع..
وصل حازم الي المنتجع وصعد الي غرفته وقام باخذ بعض الملابس واغراض له ثم قام بالاستحمام وتبديل ملابسه واخذ الحقيبة التي اعدها وخرج من غرفته..
توجه حازم الي غرفتة جاسر ومني قام بطرق الباب..
مني من الداخل:ثواني
قامت مني بارتداء حجابها ثم فتحت الباب ووجدت حازم امامها..
مني:انت بتعمل ايه هنا ..!
حازم:مني لو سمحتي يلا البسي عشان هنروح المستشفي
مني:انا رايحة لوحدي عايزني اجي معاك عشان تهزقني تاني..!
حازم:مني لو سمحتي هستناكي تحت ونتكلم في الطريق عشان مينفعش افضل واقف كده
مني:لا هنا ولا تحت مفيش كلام بيني وبينك
ثم قامت باغلاق باب الغرفة..
وذهبت لتبدل ملابسها لتذهب الي المشفي
ظل حازم واقفا علي الباب حتي خرجت مني
فزعت مني عندما رآته وقالت:انت لسه هنا
حازم:ايوة يلا
مني:وانا مش جاية معاك قولت
حازم بترجي:معلش تعالي علي نفسك شوية لو سمحتي
مني متنهدة:طيب..
نزلت مع حازم وقاموا بالركوب وحرك حازم السيارة متجها الي المشفي.. ظل حازم صامتا لفترة ثم تحدث
حازم:انا عارف اني غلطان وانك ليكي حق متبصيش في وشي واني اتعصبت عليكي واحنا في طريق وزعقت فيكي وانتي ملكيش ذمب... واسف علي اللي حصل في المستشفي انا عارف اني غلط فيكي جامد وعكيت في الكلام بس انا مكنتش في وعي.. انا كنت تعبان ومش قادر افكر في حاجة مكنتش شايف غير ان جاسر السبب وكنت عايز ابعده عن نهي وكنت عايز ابعدك انتي كمان عشان انا بحبك..ايوة انا بحبك وكنت بقول لنفسي ان كده مينفعش افضل احبك فكنت بحاول ابعد كنت متخلف لما فكرت كده بس انا كنت تعبان ومش عارف افكر..انا كنت بتوجع لما بشوفك بتعيطي بسببي بس كنت بقول مينفعش غير كده وكنت بموت لما لقيتك خايفة مني لما سمعتي صوتي وماسكة في جاسر جامد.. انا اسف اسف بجد واتمني انك تقبلي اعتذاري وتسامحيني ..
ظلت مني مندهشة مما سمعت وظلت صامتة لا تستطيع الرد
حازم:مني ردي عليا متسبنيش كده لو سمحتي..
نظرت اليه مني ولم تستطع الرد عليه فنظرت الي الاتجاه الاخر
فهم حازم من تصرفها انها لن تقوم بمسماحته فحزن حازم..
حازم حزينا:خلاص يا مني انا عرفت اجبتك مش هضغط عليكي وانا اسف مرة تانية..
اما مني فحزنت لانه فهم تصرفها بشكل خاطئ ولم يعرف انها لم تجيب عليه لانها خجلت من حديثه..
ظلوا طوال الطريق صامتين حتي وصلوا الي المشفي وخرجوا من السيارة ودخلوا الي المشفي..
صعد كل من حازم ومني الي غرفة نهي وقاموا باطراق الباب فاذنت لهم نهي بالدخول ودخلوا..
جاسر: ايه ده مني انتي جيتي ازاي..
حازم:كانت جاية وانا قبلتها فجبتها معايا
جاسر:تمام..
لاحظت نهي عبوس وجه كل من حازم ومني فقررت ان تعرف ما حدث بطريقتها..
نهي: ما تروحوا تسألوا الدكتور انا هخرج امتي عشان انا زهقت
حازم:حاضر
جاسر:استني انا جاي معاك
خرج جاسر وحازم من الغرفة فالتفت نهي الي مني ..
نهي:ها بقي احكيلي ايه اللي حصل
مني:ها ؟ ايه اللي حصل في ايه..!
نهي:حازم كلمك صح..
مني:ها...
نهي:مني انا عارفة كل حاجة فقولي عادي ده انا مصدقت عرفت اوزعهم ها يلا بقي
مني: طيب..
قصت مني لنهي ما فعله حازم قديما وما فعله ليقوم بمصلحتها وانها تفاجئت بتصريحه لها بحبه وانها لم تستطع الرد عليه لشدة خجلها وانه قد فهم الامر بانها رافضة لحديثه...
نهي ضاحكة:والله العظيم انا اخويا ده غبي
مني: اه اوي انا كنت هضربه من غباءه
نهي غامزة: وهيهون عليكي..؟
مني:يووه بس بقي
نهي: طيب استني سبيه عليا
مني:انتي هتقوليلوا ايه
نهي:متخفيش مش هعك زيه مش غبية انا
مني ضاحكة:ماشي..
قطع حديثهم طرق الباب فاذنت لهم نهي بالدخول..
نهي:الدكتور قالكوا ايه
حازم:يومين كمان عشان نطمن وتقدري تخرجي..
نهي:يوووه انا زهقت
جاسر:معلش هانت..هكلم علي عشان اقوله انك فوقتي ويطمن الباقيين..
نهي: تمام
قام جاسر بمهاتفة علي واخبره بافاقة نهي فسعد علي كثيرا وطلب منه ان يقوم بفتح مكبر الصوت وانه سيذهب لهدي في مكتبها لتحدث نهي اخبر جاسر نهي فوافقوا علي الفور وذهب علي الي مكتب هدي واطرق الباب
هدي:اتفضل
علي:هدي كلمي تليفون عشانك
هدي بتعجب: عشاني انا؟ مين طيب
علي:كلمي طيب وانتي هتعرفي
هدي:الو
نهي:الو ايوة يا هدي عاملة ايه
هدي صارخة: نهي..! انتي فوقتي حمدلله علي السلامة
نهي ضاحكة:طرشتيني..الله يسلمك انتي عاملة ايه
هدي:انا تمام الحمدلله.. احنا هنجلكوا علي كان قايلي لما تفوقي هنجلكوا
ثم نظرت في اتجاه علي قائلة: صح يا علي..؟
علي مبتسما: صح يا هدي
نهي: لا تيجوا فين انا يومين وهخرج من المستشفي وهنرجع علي طول..
هدي: لا احنا جايين مليش فيه
نهي: هدي لو عايزة راحتي متجوش وجهزوا الخطوبة اللي اتاجلت بسببي ديه عشان اول لما ارجع نفرح بقي..
هدي: يا نهي لا...
نهي مقاطعة:هدي عشان خاطري انا اعملوا الخطوبة علي الخميس اللي جاي هكون رجعت
هدي متنهدة: حاضر يا نهي
نهي:ايوة بقي...
علي: الله عليكي يا نهي
جاسر: والعة معاك انت
علي: انا مش ناقص
ظلوا يمزحون قليلا ثم قاموا باغلاق الخط..مر اليوم سريعا ولم يحدث اي جديد وذهب كل من جاسر ومني الي المنتجع واصرت نهي ان يذهب حازم ايضا فذهب معهم لانه ايضا اراد ان يرتاح قليلا..
مرت الايام والوضع كما هو لا يتحدث اي من حازم ومني مع بعضهم حتي جاء يوم خروج نهي من المشفي..
ذهب جاسر وحازم الي المشفي صباحا اما مني فقامت بتجهيز الغرفة التي استبدلها حازم له ولنهي ..فكانت مني تقوم بوضع ملابس نهي ورصها في الدولاب وظلت تنتظرهم حتي يآتوا
اما المشفي في سيارة جاسر نزل حازم وسبقه الي غرفة نهي ليقوم بمساعدتها في تجهيز حاجاتها..
دخل جاسر الي المشفي وقام بذهاب الي الحسابات وقام بمحسابتهم ثم صعد الي غرفة نهي..
اطرق جاسر الباب ثم دخل...
جاسر: ها جاهزة يلا؟
نهي:اه تمام
حازم: جاسر خد الشنط معاك عشان اسندها
جاسر:ماشي هاتهم
اعطي حازم جاسر الحقائب وقام حازم باسناد نهي وخرجوا من الغرفة ثم من المشفي وتوجهوا الي السيارة..
قام حازم بمساعدة نهي في الركوب في المقعد الخلفي اما جاسر فكان يضع الحقائب في السيارة ..
انتهي جاسر وقام بالركوب في السيارة اما حازم فوقف قائلا: انا هروح الحسابات هحاسب واجي تمام
جاسر:تمام..
ذهب حازم للحسابات واكتشف ان المبلغ قد دُفع من قبل شخص مجهول لم يذكر اسمه فعلم ان هذا الشخص هو جاسر فذهب الي السيارة سريعا وقام بالركوب ثم التف الي جاسر قائلا: انت بتستعبط ولا بستهبل يعني..!
جاسر وهو يحاول ان يتظاهر بالاندهاش: انا..!
نهي: في ايه يا حازم
حازم: ايوة انت اومال مين يعني اللي دفع الحساب غيرك..!
جاسر : اللي جوه قالولك انه انا..؟
حازم: لا حد مقلش اسمه
جاسر مبتسما باستفزاز: خلاص يبقي مش انا
حازم: جاسر متستعبطش
جاسر: خلاص يا حازم بقي الله بعدين مش انا ..هي حصلها كده في سفرية تبع الشركة فبتالي الشركة هي اللي بتقوم بتكلفة علاجها خلاص بقي..
حازم:لا والله..!
جاسر:اه والله وده بيحصل في اي شركة لو مش مصدقني لما نرجع ابقي اسال الموظفين ..
حازم: طيب يا جاسر طيب...
نظر له جاسر وهو مبتسم ولم يعلق ثم طلب جاسر من نهي ان تقوم بمهاتفة مني وتخبرها انهم في طريقهم وانهم قد اقتربوا للوصول ولكن نهي اخبرته انها لا تعرف اين هاتفها منذ ما افاقت وانها تعتقد انه قد ضاع منها فطلب جاسر من حازم ان يهاتفها.. ارتبك حازم من طلب جاسر وحاول ان يصبح طبيعيا وقام بمهاتفتها..
تعجبت مني عندما وجدت هاتفها يشير بوجود اتصال حازم ثم ردت عليه..
مني:الو
حازم:الو ايوه يا مني عاملة ايه
مني:تمام كويسة
حازم: جاسر بيقولك ان احنا قربنا نوصل
مني:تمام وانا مستنياكوا
حازم:تمام سلام
مني:سلام..
اغلق كل منهم الخط وظلوا شاردين..
بعد وقت قليل وصلوا الي المنتجع وقام حازم باسناد نهي وجاسر بحمل الحقائب وصعدوا الي الغرفة..
اطرق حازم علي باب الغرفة لانه يعلم بان مني بها ففتحت لهم مني وسلمت عليهم..
مني:اتفضلوا..
نهي:تعبتك معايا يا مني مش عارفة اقولك ايه
مني:بس يا هبلة انتي اختي
نهي:حبيبتي
جاسر: هنقضيها كده كتير
نهي:ملكش دعوة انت
جاسر:الله..! هنرجع للعند وتنشيف الدماغ تاني انا كده اطمنت عليكي.. انا اللي جبتوا لنفسيي
حازم:بتقول حاجة ياريس..
جاسر:لا ابدا بكح بس..
ضحكوا جميعا وظلوا يمزحون واستأذن جاسر ومني وذهبوا الي غرفتهم ليرتاحوا قليلا..
اما حازم ونهي فقد بدلوا ملابسهم وجلس كل منهم علي فراشه وكان كل منهم صامتا..
قطعت نهي الصمت قائلة: عارف..انت غبي اوي
انتبه حازم لحديثها قائلا:ايه ده في ايه..؟ ليه!
نهي:عشان اللي عملته مع مني.. في حد يقول لوحدة انه بيحبها بالطريقة ديه
حازم مندهشا: هي قالتلك..؟!
نهي: ايوه قالتلي وقالتلي انها مردتش عليك وانت فهمت سكوتها ده رفض عشان انت غبي... طبيعي البنت مش هترد عشان اكسفت هترد عليك ازاي يعني ..
حازم: ايه..؟
نهي: يعني انت غبي وكل ما تجيلك الفرصة بضيعها بغبائك
حازم: يعني يعني هي قالتلك انها بتحبني ..!
نهي:مقالتش ومش هتقول..بس انا حستها من كلامها
حازم:طيب..طيب انا المفروض اعمل ايه دلوقتي ..
نهي:تصالحها وتكلم معاها باي طريقة اتصرف
حازم:انا هبعتلها مسج.. وبكره واحنا راجعين هحاول اكلمها
نهي: اعمل اللي انت شايفه صح..انا هنام تصبح علي خير
حازم:وانتي من اهله..
امسك حازم هاتفه وظل يفكر فيما سيفعل حتي قرر ان يقوم بارسال رسالة لها..
حازم:مني ..انا مش عارف اقولك ايه الصارحة عشان انا كل ما باجي اصلح بعكها.. انا اسف بس انا عملت كده عشان بحبك.. عارف انك ممكن مترديش بس لو فعلا سامحيني ولو بتحبيني زي ما بحبك ابعتيلي اي حاجة ان شاءالله لو هتبعتيلي نقطة بس ردي طمنيني..
قام حازم بارسال الرسالة وظل منتظر ردا منها ..قرات مني الرسالة وظلت تفكر فيما ستفعله حتي قررت ان ترسل له كما قال نقطة..
مني: .
ابتسم حازم عندما وجدها قد رأت الرسالة وانها ردت عليه فقام بارسال رسالة يقول لها فيها انه يحبها رآتها مني ولم ترد عليه فضحك حازم ثم خلد الي النوم..
في صباح اليوم التالي استيقظ الجميع وقاموا بتجهيز انفسهم ثم نزلوا واجتمعوا علي الافطار وظلوا يتحدثون ويمرحون مع بعضهم ثم توجه الي السيارات..
جاسر: حازم هو ينفع نهي تركب معايا يعني ومني تركب معاك
حازم غامزا:اشمعني يعني ها..
جاسر:انت عيل رخم علي فكره
حازم:بقي كده..! طيب لا بقي..
جاسر:ده انت حبيبي يا حازم ده انا بهزر
حازم:عيل بتاع مصلحته..
ثم نظر الي نهي:اركبي يا ختي معاه..ويلا يا مني احنا
توجه كل منهم الي سيارته وبداوا في التحرك في اتجاه القاهرة..
في الطريق في سيارة حازم كان يعم السكوت فقرر حازم ان يقوم بقطعه قائلا: انتي لسه زعلانة مني؟
مني: لا ابدا والله
حازم مبتسما:اومال ساكتة ليه
مني:مش عارفة اتكلم في ايه
حازم:اي حاجة احنا قدمنا طريق طويل
مني:ماشي..
قام حازم بفتح الكثير من المواضيع ليتحدثوا بها وظلوا يمرحون وفي سيارة جاسر لم يختلف الوضع كثير فظلوا يتحدثون ويمرحون ويستمعون الي نوع الموسيقي المفضل لهم ويغنون معه...
وبعد وقت طويل وصلوا الي القاهرة وقام جاسر بايصال نهي الي بيتها وذهب حازم الي بيته وسلم عليهم ثم صعدوا الي منزلهم وقاموا بتبديل ملابسهم والخلود الي النوم .. ركبت مني مع جاسر وظل يمزحون سويا حتي وصلوا الي بيتهم وصعدوا اليه وقاموا بتبديل ملابسهم وخلدوا الي النوم...
مرت الايام وجاء يوم خطوبة هدي وعلي وفرح الجميع كثيرا لهم ودعوا لهم ان يتم زواجهم علي خير وبعد انتهاء الحفل طلب جاسر من حازم ان يتحدث معه فوافق حازم واخبره انه ايضا يريد التحدث معه
حازم:ايوة يا جاسر خير
جاسر:انا عايز احدد معاد الفرح
حازم:فرح..! انتوا مش هتعملوا خطوبة الاول وكده
جاسر:لا احنا عارفين بعض كويس وانا اخدت رآيها قالتلي اللي حازم يشوفه..
حازم:طيب اتفقتوا علي معاد..
جاسر:لا انا جاي احدده معاك..
حازم:وانت عايزه امتي
جاسر:بعد اسبوع
حازم:نعم..؛
جاسر:اسبوعين ومش اكتر من كده
حازم:شهر يا مفيش جواز من اصله
جاسر مستسلما:طيب.. انت كنت عايز ايه
حازم:ها.. احم ..انا عايز اطلب ايد مني منك..
جاسر:جيتلي برجليك يا حلو
حازم:اللي بعملوا معاك هيطلع عليا ولا ايه..
جاسر:واكتر كمان
حازم:ماشي يا عم كله عشان خاطر اختك
جاسر:استحمل بقي
حازم:ماشي يا عم
ظلوا يمزحون سويا ثم ذهب كل منهم الي سيارته متجهين الي بيوتهم
في سيارة حازم
حازم:جاسر حدد معايا معاد الفرح
نهي:اه كان قايلي هيكلمك اتفقتوا علي ايه
حازم:الفرح بعد شهر
نهي:بتقول ايه؟ انا مش هلحق
حازم:احمدي ربنا ده كان عايزه بعد اسبوع ولما قولتله لا قالي اسبوعين بكتيير
نهي:ده مجنون
حازم:وفيه حاجة كمان
نهي:ايه كمان؟
حازم:انا طلبت ايد مني منه
نهي صارخة:بجد
حازم ضاحكا:اه والله ..
نهي:مبروك يا حبيبي..
حازم:مش لما توافق الاول
نهي:هتوافق متقلقش
حازم:يارب..
ثم ظلوا يتحدثوا ويمزحون حتي وصلوا الي بيتهم وخلدوا الي النوم
في سيارة جاسر اخبر جاسر مني بما حدث واخبرها بطلب حازم فلم تعرف بما تجيب فاخبرها جاسر بالا تتاثر به وان تفكر بعيدا عن علاقته هو ونهي وظلوا صامتين حتي وصلوا الي المنزل..
قام كل منهم بالدخول الي غرفته وبدلوا ملابسهم ..ظلت مني تفكر في غرفتها ثم قامت وذهبت الي غرفة جاسر واطرقت الباب اذن لها بالدخول فدخلت اليه..
جاسر:ادخل
دخلت مني ووقفت علي الباب ثم
مني:جاسر انا موافقة..
ثم خرجت سريعا وتوجهت الي غرفتها مرة اخري
ضحك جاسر اثر تصرفها العفوي وظل يفكر في كل التطورات حتي خلد الي النوم..
مرت الايام وقاموا بعمل حفب للمقربين فقط وتم اعلان خطوبة حازم ومني وكان الجميع سعداء واعترف رامي لمها في الحفل عن حبه لها واعترفت له مها ايضا وانتهي اليوم علي خير..
مر شهر وجاء اليوم المنشود يوم زفاف جاسر ونهي..
استيقظ الجميع مبكرا وتوجهت الفتيات الي مركز التجميل بين المرح والغناء والشباب توجه الي منزل جاسر وظلوا يحتفلون معه .. في المساء قاموا بالتوجه الي مركز التجميل وظلوا منتظرين الفتيات حتي قرر حازم ان يدخل ويراهم
دخل حازم له وظل مدهوشا عندما رآي اخته وادمعت عيناه فقتربت منه وقامت باحتضانه ثم ابتعدت عنه ...
نهي:ايه رائيك
حازم مبتسما:قمر حلوة اوي ما شاء الله
نهي:وانت كمان شكلك حلو جدا
حازم:يلا نطلع بقي عشانهم مستنين بقالهم كتير
نهي:طيب
خرجت نهي وهي ممسكة بيد حازم ومن خلفها الفتيات...
اقترب جاسر منهم وقام حازم باعطائها له ثم ذهبوا وركبوا السيارة التي كان يقودها حازم وبجانبه مني...
وبعد فترة قصيرة وصلوا الي قاعة الفرح بدا الجميع في المباركة لهم وظلوا يرقصون معهم ويمزحون حتي جاء معاد الرقصة الاخيرة لهم وبدات احدي الاغاني المعروفة لرقصة العروسين وبدأوا بالرقص..
علي الجانب الاخر كان يقف كل ثنائي مع بعضه حازم ومني علي وهدي مها ورامي وكانت رنا تقف وحدها.. اقترب منها باسل قائلا: عقبالنا
رنا: افندم...
باسل: انا بحبك..
خجلت رنا من تصريح باسل ولم تعلق
باسل: طيب ردي عليا طيب طمنيني ..موافقة تتجوزيني..
لم تعرف رنا بماذا تجيب فظلت صامتة وتنظر ارضا..
باسل: لو فضلتي كده انا مجنون وهروح اقولك في المايك وبوظلهم الفرح ها...
رنا:لا خلاص خلاص..
باسل:طيب ايه.. ردي طيب
رنا بخجل:وانا كمان..موافقة..
باسل:ايوة بقي...
خجلت رنا وظل باسل وقفا معها وقام بالتحدث معها في مواضيع عامة..
عند جاسر ونهي وهم يقوموا بالرقصة الاخيرة في الفرح
جاسر:انا مش مصدق نفسي عنيدة هانم بقت مراتي..!
نهي:وانت مش عنيد خالص اطيب واحد في الكون
جاسر ضاحكا:طبعا..
ظلوا ينظرون لبعضهم وهم ينظرون لفترة ثم قان جاسر بتقبيلها علي رآسها..
جاسر:بحبك
نهي مبتسمة:بحبك...

تمت بحمدالله :)