Pusong manhid
Natutunan muling tumibok
Ngunit sa parehong sitwasyon,
Muling nawasak sa parehong paraan.
Mahal, halika't maglaro tayo ng tagu-taguan
Ako na ang taya
Ako na ang hahanap
Isa. Ang laman ng puso ko'y isa. Sa isip at gawa ko'y ang aking naaalala ay iisa. Akala ko "Its us against the world" ngunit ako lang palang lumalaban mag-isa.
Dalawa. Dalawa kami. Hindi maaari't kailangan ng mamili. Mahal ako naman ang nanatili. Sa lahat, ako ang kakampi, ngunit bakit? Bakit nahihirapan kang mamili?
Tatlo. Tatlong araw kong sinubukang lumayo. Sinubukan kong takasan ang nararamdaman ko. Sinubukan kalimutan lahat ng ating nagawa. Ngunit ang bagsak ko'y sayo parin pala talaga.
Apat. Apat na beses kitang pinakawalan. Nawalan ng gana't nawalan ng tahanan. Ayoko kumawala sayo. Ayokong umalis muli, ayokong mawalan ng tahanan
Lima. Limang daliring nakaipit saaking kamay, ang sarap sa feeling parang nawawalan ako ng malay. Sa mga nangyayare sa paligid ko kapag ikaw ang kasama, para bang ang nilalaman lang ng mundo, ay tayo lang dalawa.
Anim. Anim na buwan na tayong magkasama, tawanan, iyakan, hawak kamay tayong lalaban. Kahit alam kong ako lang rin talo sa laban na ito, atleast ako, lumaban. Lalaban kahit walang laban. Kasi mahal, ang iyong pagmamahal, ay siyang aking kalakasan.
Pito. Pitong araw tayo nagkakasama. Ang dalawang araw tila ba sobrang haba. Nagugutom sa iyong presensya. Gusto ko, araw araw kitang makasama
Walo. Walong oras kitang nakikita sa isang araw, natutulog ng maaga para mapadali ang pagsapit ng umaga. Upang maukit ang ngiti saaking mukha buong araw
Siyam. Alas nwebe. Alas nwebe ng tayo'y nagkita sa tagpuan, pinagmasdan ang alon niyakap ka na parang unan. Sabay sabi ng katagang nakakamatay "mahal kita" at kasabay ng malamig na simoy ng hangin, nararamdaman kong ika'y mawawala na saakin
Sampo. Higit pa sa sampo o isang daan ang dahilan kung bakit kita mahal. Higit pa sa kung anong meron tayo ang aking mga nagawa. Para sayo. Oo ginawa ko lahat para sayo pero bakit ramdam ko iba parin ang mundo mo?
Mahal?
Nasaan ka na?
Mahal?
Kanina pa kita hinahanap
Mahal?
Bakit may iba kang kayakap?
Mahal bakit ibang kamay ang hawak mo?
At sa lahat lahat ng ating pinagsamahan,
Nahanap kita.
Nahanap kita na may kasamang iba
Nahanap kita na bumalik sakanya
Nahanap kita at masaya kayong dalawa.
Isa dalawa tatlo apat lima anim pito walo siyam sampo
Iniwan mo ako.