انا عمري ما نسيتك
انا ما صدقت لقيتك
و بتسال لو حبيتك وانا دايب فيك
مروة الو ليوثي ليش متحجي ليث ساكت بعدين كللها انتي تدرين عمري مافكرت اضلمج بس
غيرتي عمتني ومخلتني اشوف اني شكد قسيت وياج واني ماستاهلج انته وين تعال للبيت خالتي خايفه عليك ليث ما كدر اسف ماي العيون احبج وياريت تكدرين تسامحيني نغلق التليفون
مروة تتصل ماكو مغلق الدنيا فترت بيها اهله يتصلون محمد يعرف شي عنه والده تخربط وصارت بي جلطه ملازم علي صديقه الوحيد المقرب يعرف ليث جان جايهم واجب شهرين والمكان خطر مجان ليث ناوي يروح بس فجأتاً غير رايه وكللهم نروح واني والسريه مالتي ووقع كتاب الواجب واخذه ملازم علي ليث ليش تريد تموت انته لو شنو ليث ليش منو كالك اني مميت ليث انته فكر بالطفل الي جاي شلون يحي عالدنيا بدون اب انته شبيك كله ليث ميهمني الطفل وعمري جبته بدون هالشي ومفكرت بي اني عمري جان بس الشخص وهالشخص بعد كرهني ماكو داعي بعد واصلا ميهمني الطفل اني ضيعت طفلتي وزوجتي وحبيبتي وحياتي وهواي علي كلش نقهرت عليه وبجيت عليه وعلى حاله ليث تغير حالة وكلش فقد من وزنه وماله خلك لاي شي بقى شهرين بالواجب خلص الواجب وراجعين لاهاليهم سريه كامله رجعت الرتل نص الطريق طلعت عليهم سياره كيه حمل محمله جذوع مال شجر ليث شنو هاي يمعودين خلي احد يكللهم يصفطون على صفحة لمن يمر الرتل حاجوهم بجهاز المناداة ماكو ميرجعون وتقدمو اكثر ليث عرف هذا كمين ناداهم هذا كمين ارموهم نفتحت الكيه وطشرت الجذوع عالرصيف والسيارات بدت تنكلب وطلعو مسلحين من جهة البساتين وبدو يرمون عليهم قاذفات وطلق ليث ووياه اربعه فتحو باب السياره وشمرو نفسهم منها عالبساتين وبدت معارك وياهم يباوع على جماعته الي مات والي اخذو وبقى هو وياه اربعه يرمون عشوائياً ليث حسيت روحي راح اموت بذيج اللحظه تذكرت مروة وامي شلون حيصير حالهم اذا متت صحيت على روحي بس خل اطلع منا عايش وبدى صوت الطلق يقرب عليهم شافولهم بيت رجال واكف بالباب يباوع على الي ديصير ليث الجماعته تعالو خل ندخل سيدي اذا دخلنا يجوز يبيعنه باوعلهم كل واحد يبقيله طلقهوحده من سلاحه مو يخلص اذا توازينه وشفنه نفسنه نحصرنا كل واحد يفرغ الطلقه براسه نموت موتت شرف ولانخلي هذولي يذبحونه مثل الغنم باوعوله بخوف نعم سيدي صاحهم الرجال حجي بالعمر دخلو دخلو انتو هنا بامان دخلو للبيت بي حجي بس مبين عليه شيخ مهيوب كعدو الكم الامان باوعله ليث حجي بس هذوله راح يجون ويدخلون اكيد للبيت عددهم هواي احنه مانريد ناذي عيال بيتك احنه نطلع منا الشيخ كللهم اكعدو والله محد يمسكم انتم بحمايتي وشتل تليفونه يخابر احمد شرطي عند ليث سيدي هذا يخابر يمكن باعنه ليث عنده خبرة بهاي المواقف كللهم لا ماعتقد مبين عليه ابن عشائر ومراح يفرط بينه ليث اريد بس ارفع معنوياتهم كلهم عدهم اطفال وعوائل اشوف عيونهم يستنجدون بيه خايفين الرجال خابر ولد عمامه تعالو جيبو كل اسلحتكم ماريد احد يوصل للبيت ليث دقايق وقوى صوت طلق النار الرجال لتخافون هاي العشيرة كلها انتم بحمايتها ليث صدك باوعت من الشباك جان اشوفها كلها مسلحة وملثمة ومحاوطه البيت منً كل جهه حمدت ربي وتندهت الرجال عمي شوفو هسه الدنيا نهار كدرنا نحميكم لان عددهم مو هواي ونهزمو لكن بالليل ماضمنكلكم مايرجعون واكيد يرجعون عددهم هواي وماراح نكدر نحميكم ليث والله والنعم منكم ماقصرتو اريد منكم تليفون نخابر على اهالينه كال اي تدللون كلمن خابر وطمن اهله طبعا جماعتي اربعتهم متصاوبين واني ماحس برجلي لمن كال الرجال بويه راح بجيكم ابن اخوي معاون طبيب يضمدلكم جراحاتكم وغسلو واكلو ومنا للمغرب يصير خير اتصلت على ملازم علي من سمع صوتي ممصدك بس يبجي سيدي المقر نكلب عليكم كللولنا صار كمين والرتل كله مات والي اتاسر ليث اسمعني ماريد اهلي ياخذون خبر ملازم علي سيدي اكيد اخوك خالد عنده علم لان هو المسؤل عالاتصالات ليث احنه هسه بامان يم رجال خير بس منا للمغرب وراها لازم نطلع والمكان البي احنه منكدر نطلع منه عايشين الى طيارة لان المسلحين بكل مكان واني اعرف مستحيل طياره توصل شوف المسافه كلها ربع ساعه بس الخطر اريدكم توكفون بالنقطه الفلانيه ونطاهم تعليمات وسد التليفون ليث عمي احنه هذا جيملك فوك راسي واني مانسى الك ومديونين الك بركابنا الرجال انتو مثل ولدي ودمعت عيونه اني ولدي اربعتهم ماتو وبقيت بس اني والحجيه ماعندي شي اخسره خابر على واحد من ولد اخو ها جبت الاغراض كاله اي دخل شاب عربي مبين كله غيره جابلنه ملابس دشاديش وشمغ غيرنه ملابسنه ونطيانهم هوياتنا ملابسنا اخذوهن حركوهن لبسنة لبس مال رعاه غنم شوفو بويه انتم راح تصعدون ويه راهي عالولد ابن اخوه بكيه مال حمل غنم على اساس انتو تشتغلون بالحلال بس كل اثنين يصعدون سوى بكيه يعني كل كيه ساعتين ظبط يلا تطلع وراها الثانيه لان هذوله كل ساعتين يغيرون شفت حتى مايشكون بيكم اذا مرتين تكررت الشغله يشكون وانتو وحظكم بعد لو طالعين لو لازمينكم توادعو
وياه جماعته ويبوسون بليث يبجون كللهم انشاء كل احنه نطلع واذا اني متت وواحد منكم طلع اريده يوصل لمرتي وامي ويكلهم اذا ولد اجاني يسموه ميعاد واذا بنيه يسموها ملاك وضحك طلعو ووصلو يباوعون المنظر مرعب جاي يتجمعون مسلحين يردون يصير الظلام ويهجمون وصلو يمهم وتحققو منهم وكللهوم احنه على باب الله وخلوهم يعبرون ليث من عبرنا دكيت على ملازم علي كال احنه كبالكم وصلت وكلها حاضنه ليث وتبجي ممصدك طلعت من الموت يمكن الله راد يراويني ومنتظر جماعتي هم بطلعون لازم كلبي خاف يلزموهم
ليث منتظر جماعتي يرجعون عبرت ساعتين وماكو عرفت لزموهم كللهم بسرعه خل نتحرك لزموهم واكيد راح يوصلون النه بعده ماكمل كلامة نفتحت عليهم بيكسيات وهاونات بس هالمرة هو عنده سلاح قوي وجماعته وياه بقت ساعتين المواجه ليث حسيت بروحي عركت وعيوني غوشت وحراره بصدري بس بعدين تاكدت اني متصاوب بصدري والدنيا سودت بعيني بعد ماشوف بس ظلام
ملازم علي سيدي نريد اسعاف ناده بالجهاز عدنا مصابين نقلوهم للمستشفى ليث رصاصتين وحده بصدرة والثانيه ثاقبه وحدة من كلياته وضعه خطر اخوانه ويعاد وكل اصدقائة بالمستشفى منتظرين بصاله العمليات مروة فاقده من الصدمة تكعد تصرخ ليوثي وترجع ينطوها مسكن والحمل فقدته صار عدها اسقاط لان من سمعت ليث متصاوب طلعت تركض متقبل توكف لحد ماوكعت وسعاد تركض وراها طلع الطبيب ها دكتور شنو وضعه خالد اخو ساله باوعلهم الطبيب المريض فقد هواي دم وصدره كدرنا نطلع الرصاصه منه بس كلياته وحده لازم نشيلها لان نثقبت والثقب ميتعالج واذا عالجناه بمرور الايام تلتهب يعني لازم نقلعها بس زينب بس تبجي وتلطم كللته دكتور ليث هو اصلا من ولادته عنده كلى وحده يعني شلون يعيش سعاد مجانت تعرف ابنها هيج بي نصدمت شنو شتكولين زينب كلتلها اي عنده تشوه ولادي بس كلى وحده دكتور كلتله سعاد اني اتبرع بابني بكليتي كللهم الدكتور حالياً مراح نشيلها ننتظر ٤٨ ساعه بعدها من يصحى نبلش بعمليه زرع الكلى بس اني افضل تنقلو لطبيب للخارج احسن والده كاعد على كرسي مقعد بس يحجي كله لخالد روح سوي كل الاجرائات واخوك لازم نطلعه للخارج نسوي عمليته خالد صار يابه الطبيب بس لازم متبرع كليته تطابق للمريض سعاد صاحت اني وابوه هم صاح اني واحمد اخو هم كللهم اني بعدني شباب واستحمل زينب كللتهلم محد يتبرع غيري اريد اكفر عن غلطتي وياه الطبيب بعد ماسولهم تحاليل طلعت كليت زينب تطابق لليث فرحت وكللهم الدكتور كملو اجرائات السفر واخذوهم لفلان طبيب هذا رقمه واني انصلت عليه ومجهز كلشي ونقلو ليث للخارج وياه زينب واخو خالد ليث فتح عيونه زينب اني مسامحج والله بس اذا متت خلي مروة تتزوج لتبقى هيج هاي وصيتي الها امانه بركبتج توصليها زينب تبجي لا ليث انته حتعيش اني اموت كبلك
مروة من صحت كلتلهم اريد اشوف ليوثي كللوها ليث بالخارج يسوله عمليه تخبلت كلتلهم جذب اكيد مات مو سعاد ماما والله مامات بالخارج ليث حضروهم للعمليه وزينب راح تتبرع بكليتها الة خالد نطيني الموبايل خابرلي على امي خالد انته متكدر تحجي ليث اترجاك خلي احاجيهم قبل لادخل العمليه كوة يتنفس خالينه عالاجهزه سعاد الو ها يمة ليث وتبجي يمة شلونك ليث نطيني روحي مروة اخذت التليفون قبل لتنطيها سعاد مروة ها ليث شلون تعوفني وحدي مو تدري بيه ماعندي غيرك ودموعها تصب ليث صيري قويه اذا اني مارجعت لازم تعيشين حياتج انتي بعدج زغيره الف من يتمناج اموت ولا اسمعك هيج تحجي ليوث مروة بس الك ومتصير الغيرك واذا مارجعت لحضني اقسم بعزة رب العالمين وجلاله اسم روحي ولج شنو هيه شوكت روحج هاي روحي امانه عندج تحافظين عليها سمعتي اسكت يلا تعال اني معليه اريدك ترجع ليش عفتني ليش وبدت تصرخ وتلطم لحد ماوكعت ليث هاك الجهاز خالدونزلت دموعه بعد مرور اسبوع بالمطار منتظريهم سعاد ومروة وابوهم واخوته بس لابسين اسود منتظرين جثه بس جثه منو تعرفون جثه منو جثه زينب ليث عاش بس زينب ماتت تحت البنج لان عدها ربو بس ماكلت للطبيب خافت يتراجع وميسوي العمليه لليث بس كاتبه ورقه وناطيتها الخالد قبل لتدخل العمليه وحلفته ميفتحها ويقراها بس اذا ماتت
ليث ابن خالي وزوجي بالنسبه الك اما بالنسبه الي انته كلبي الينبض من واحنا زغار جنت احلم انام على ايديك واحلم تصير عندي اطفال منك بس الله ماقسم وشاء القدر يحرمني من هالفرحة بس اني جنت انانيه وحرمتك انته هم منها اتمنى تسامحني وهاي كليتي اكيد ماراح تتعبك لانها تحبك وتتمنى تسير بجسمك تدري كلش فرحانه اخيراً جزء من جسمي صار بجسمك مروة اريدج تسامحيني ليث سعادته وياج ياريت اذا جتج بنيه اكيد تطلع حلوة مثلج تسميها على اسمي حتى تبقى ذكراي بلسان ليث /
هاي جانت كتبات زينب
رجع ليث ما يباوع على اي بشر بس ميشو حضنته وتبجي ولج اخ موتدرين بيه عمليه توجعني خبيثه اسفه حبيبي باوعلها ولج اصلا ماحس باي الم بس خله ايده على بطنها شلونه ابني نصت وببجت ابنا خسرناه باوعتله مضايج اهم شي انتي عندي واني ماريد اي طفل انتي طفلتي وحبيبتي الوالد يلا خل نروح نكمل الفاتحه مال المرحومة مروة والله اني نقهرت عليها جانت تحبك يمكن اكثر مني ليث اعرف بس اني احب منو هو هذا المهم
بعد مرور ست اشهر طلعت من الدكتوره ليث ها عيني اكيد بنيه مو طلعت من السونار مروة وتضحك لا عيني ولد ليث ضاج سعاد عجيب اني شايفه الرجال يريد ولد ويفرح وانته تريد بنيه ليث اريدها لانها حتطلع نسخه من روحي واني اصلا ماريد ولد هو شباقي بالعمر اريد بس روحي يمي عاشت مروة احلى ايام حياتها ويه ليث وصارت محاميه وكملت ماستر وتدرس بالجامعه استاذه وعدها زينب وميعاد ولد ليث طلع من الدوام تقاعد ككللهم ماريد شي يشغلني عن عائلتي ودائما يتذكرون زينب ويروحون للمقبره يزورون سعاد وابوه وزينب
ليث حياة الروح باوعتله وضحكت كافي يرجال تدلع بيه مو جهالنا كبرو ضحك ولج هو ياجهال التحرمني منج اكول اريد اروح للعمرة تروحين وياي لو اتزوجلي حجيه هناك حتى يصير الاحرام حلال مروة خزرته والله حتى احركك انته والحجيه وحضنته
صح فارق العمر جبير بيناتهم بس حبهم جان مثل الطفل تربى بنصهم وكبر ويوم عن يوم يكبر خلصت قصتنا اتمنى عجبتكم بنات العبرة منها عمر الحب مجان بالعمر او بالغصب مثلاً زينب حاولت شكد يحبها وتحافظ عليه تالي خسرت بس بقت ذكراها بي لان حبها اله بقى زرعه بنص جسمه اما مروة مافكرت هو بكد ابوها لان شافت بي حب لو حابه شخص بعمرها ماحست بالسعاده والراحة والامان نفسه ليث شكد حاولت بنات ونساء تغري مكدرن لكن طفله ببرائتها وعيونها سيطرت عليه وعلى عقله ودائما الله يعوض شخص من ياخذ منه شي يعوضه بمكانه بدون ميحس
