شهد: تعرفي.. حاسه ان فرح ليها علاقه بالموضوع😥
فرقان: أي حتى انا ..ربي يكفينا شرها وخلاص😥
قعدوا يهدرزوا لعند العشاء ...روحت فرقان لحوشهم وخشت شهد اطيب في العشا🍱
_______
في حوش عيلة عبدالله🏠
خشت فرقان للمطبخ ولقت معاد يدير في ساندوتش 🥙
فرقان: حي عليك 😱علاش ما استنيت لعند نروح ويدك توجع فيك☹
معاد: تي وطي صوتك توا تسمعك امي.. و بعدين جيعان قاطعني الشر تبيني نستناك😒
فرقان: به امشي قعمز توا نكملها انا☺😂
معاد: به تمام
دارتله ساندويتش وعطتهوله وقعمزو يتفرجو ع التلفزيون📺
معاد: اسمعي الساعه 1 في فيلم رعب 😍وتيلنا بوشار 🍿عشان نكسدو عليه وانا توا ماشي للمحل شويه و جاي
فرقان: تمام.. من زمان ماكسدنا على فلم😍
طلع معاد جاب مشروب و شيبس 🍾🍟وروح لقى فرقان دايره بوشار ... الساعه 1 بدا الفيلم وقعمزوا يحضروا
...كانو مندمجين مع الفيلم😂
فرقان: حي على امها الغبية بيقتلها😱😆
معاد: نقصي حسك ليل راه 😂😂
قعدو سهرانين لعند الساعه 2:30 كملو الفيلم و خشو رقدو😴
___________
في الصبح
ناضت فرقان دارت فطور وكلمتهم يفطروا🥐🍞.. غسلت الماعين وضمت الحوش و اتصلت بشهد📲
فرقان: صباحو شهوده شن اخبارك😘
شهد: تمام حبي الحمدلله وانتي😘
فرقان: تمام.. قتلق اليوم قاعده في الحوش انتي🤔
شهد: أي علاش😐
فرقان: قلت نكلموا البنات ونكسدوا عندك☺
شهد: أي خلاص تمام😃
فرقان: نتلاقوا معناها الساعه5😉
شهد: تم
(طبعا كان عيد ميلاد شهد. والبنات متفقين انهم ايديرولها مفاجأة😍)
فاق معاد وشاف للتاريخ في نقاله: اوو اليوم عيد ميلاد اميرتي😍.. رن على شهد📲
شهد: احم احم و ردت بصوت هادي: صبااحو❤
معاد: احلى صباح لاحلى شهوده.. شن هالصوت اللي يرد الروح تي انا بنجي و بنرفعك من هلك اليوم😍
شهد: ههههه ريح روحك صبح ره😂
معاد: لالا قايله😂.. ههههه عنجد ريح روحك وانتي شن ليك علاقه خطيبتي و بنخطفها😌.. عنجد ريح روحك هههههه😂
شهد: ههههه بربي اهبل😂❤
معاد: والله انا كنت مواطن عادي من الحوش للكليه للجامع جيتي انتي و طيرتي العقل شن ذنبي يعني😂
شهد: ههههههههه😂
معاد: نجيلي هالضحكه يارب😍
شهد: باهي شن جوك و شن عندك محاضرات اليوم😊
معاد: أي عندي محاضرتين لاكن مابنمشي
شهد: ويا عيني علاش ان شاء الله😐
معاد: لا عينك لا فمك😂... هكي نحس في روحي مصدع و ماعنديش نيه اليوم😅( مايبيش يمشي عشان بيديرلها مفاجأة لعيد ميلادها)
شهد: اها سلامتك😘.. خلاص سامحتك 😌😂
معاد:يعني مفروض نخاف على اساس واعره و هكي😂
شهد: و علاش مش عاجبك ولا كيف😒💔
معاد: ليش هو في شي يعجب فيا غيرك يا اميرتي😍
شهد حشمت: احم☺
معاد: حليلي من اللي يتحشم😍... اسمعي سلام توا بعدين نكلمك عندي مشوار😘
شهد: اوكي باي☺
معاد: حق شهوده نسيت نقلك😍
شهد فرحت تحساب بيهنيها بميلادها😍
شهد: نعم عيوني😍
معاد: حليلي ع الكلام العسل اللي يطلع منك😍حرام عليك يابنت الناس والله تعذبي فيا صوت على كلام عسل واجد عليا ره😩❤
شهد: ههههه مبردك😂
معاد: سخنيني😂
شهد: ههههه باهي شن كنت بتقولي☺
معاد: اليوم مرات نمشي اني و بوي بنشوفو صاحبه في المستشفى يعني احتمال ما نكلمك😅
شهد في خاطرها( ماهمه غير صاحب بوه و انا كيف الهبلة نحاسبه متذكر عيد ميلادي☹💔)
شهد بصوت حزين: اممم تمام اوكي☹
معاد: خيرك حسيتك تضايقتي😥
شهد: لالا تمام .. نستأذنك توا بنطلع انا وماما مشوار😊
معاد: به لاكن البسي كويس و ماتلبزيش وجهك و بلاش منه تشمير السروال😉
شهد: اوكي😌
معاد: نجيلي المطيع 😍هيا سلام توا انحبك😘
شهد: حتى انا باي☺
سكرت منه شهد و هي متضايقه و زعلانه ☹تحسابه نسى يوم ميلادها
معاد سكر منها وهو يضحك: من جدها الهبله زعلت تحساب نسيت يوم ميلادها😂... تي ننسى ميلادي ولا ميلاد اميرتي😍
أنت تقرأ
لن اتخلى عنك💕
Randomرواية #لن_اتخلى_عنك💕 للكاتبة عائشة الهادي رواية ليبية خيالية تحكي على اثنين حبوا بعض ❤💍 بس في حد بيخرب بينهم، هل حيفترقو او لا؟! حنشوفو كله في الرواية وحتصير احداث واجده hope you enjoy reading it 😄❤ . . الشخصيات:: شهد (بطلة الرواية) مواليد 97 خوه...
