لن اتخلى عنك💕

البارت الثاني عشر💕

منى: تمشي توا لحوش عمك محمد و تفسخ الخطبه😒
معاد و فرقان انصدمو😳.. فرقان حست انه فرح ليها علاقه بالموضوع😑
معاد: لا انا مستحيل نتخلى عن شهد غير قوليلي بس علاش شن دارت😨
منى: انا قلتلك تفسخ الخطبه ولا نغضب عليك ليوم الدين وكلمتي وحده😡.. وخشت عنهم
معاد مزال مصدوم و مش عارف شن ايدير😳💔
معاد: لا حول ولا قوة الا بالله🙄
فرقان: خيرها زعما؟!🤔
معاد طلع وسكر الباب بقوة😤
____________________
وفرقان تفكر قطع حبل افكارها صوت النقال📲 كان رقم غريب ..ردت
فرقان: الو؟! من معاي؟!😕
الرقم: انا ليلى😥
فرقان: تفضلي شن مزال تبي انتي وصاحبتك بعد اللي درتوه فينا😒
ليلى حست بالذنب 😞وقالتلها: سامحيني والله كله من فرح انا ماليش أي علاقه باللي يصير معاكم و انا انهيت علاقتي بيها😔.. نبي نخبرك بس انها بتجي و بتحرض امك على شهد
فرقان: تأخرتي😒. و امي قالت لمعاد يفسخ الخطبه🙄.. اسمعي ابعتيلي عنوان حوشها في رساله
ليلى: تم.. و بعتتلها العنوان
___________________
اتصلت فرقان بشهد و خبرتها ومشو لحوش فرح
وصلوا و خبطوا ع الباب, كانت فرح بروحها في الحوش.. فتحت الباب وتفاجأت
فرح: انتم ك كيف عرفتوا العنوان؟!😳
شهد شدتها من شعرها: انتي شن تبي مني بالضبط😠.. كل يوم دايرتلي مشكله ماتمليش🙄.. معاد خاطبني انا يعني احنا لبعض, و انتي مش مكتوبلك تكوني معاه.. علاش الحسد هدا كله😣.. اخطينا كل يوم طالعتلنا بمشكله.......وهزبتها و روحت😤
فرح: والله لما تشوفي عليها يا بنت محمد👿
_____________________
فرقان: اسمعي امشي معاي لحوشنا عشان نفهموا امي كل شي😑
شهد: تمام😪
وصلوا لحوش عبدالله, وخشوا لقو منى في الصاله
منى: هذي البنت شن ادير عندي, مايشرفنيش اشخاص هكي يخشو حوشي اطلعي برا😒
فرقان: يا امي غير اسمعيني انا توا نفهمك🙄
شهد: يا عميمه اللي قالاته لك فرح كله كذب و اهي فرقان صاحبتي وتعرفني كويس 😥
منى: ماتحكيش معاي و اطلعي برا حوشي😠
فرقان اتصلت بليلى وفتحت المايك
ليلى: الو😐
فرقان: ليلى اسمعي نبيك تحكي كل شي داراته فرح توا نبي امي تسمع منك كل شي🙄
وحكت ليلى كل شي خططتله فرح و كل المشاكل اللي جو من وراها
منى سكتت ماعرفت شن تقول😳
منى: سامحيني يا بنتي غلطت في حقك.. ماكنتش نعرف انها تكذب عليا😔
شهد: حصل خير ان شاء الله ☺
منى: سامحيني يا بنتي😔
شهد: مسامحه عميمه مسامحه, وباست راسها😘
و على خشت معاد لقاهم مجتمعين مافهمش شي😐
معاد: خير شن في😕
منى: سامحني يا ولدي غلطت في حقك انت و شهد😞..
معاد: مسامحه يا امي وباس راسها😘.. ربي يطوللنا في عمرك ان شاء الله وما يحرمنا منك❤
وشهد طالعه شدتها منى.. منى: اقعدي تعشي عندنا يابنتي😀
شهد: صحيتي عميمه لاكن خليها مره تانيه😅
منى: لا والله ماتجيش
شهد: تمام توا انكلم امي عشان ما تقلق😊
قعدت تعشت معاهم وروحت
_______________________
نسرعوا الاحداث شويه و بالتحديد في الشهر اللي فيه عرس شهد😍.........
بسام جي وطلب فرقان و وافقوا وقرروا انهم ايديروا عرسهم مع عرس شهد و معاد😍
قرب موعد العرس و جهزوا كل شي😆 ......
قبل العرس بيومين فرح دفعت لجماعه عشان يخطفوا شهد😈
شهد كانت في المحلات مع صاحباتها كل وحده خشت لمحل..... لما شهد طلعت سحبوا عليها و خطفوها😰
تجمعو البنات و خشو للمحل اللي كانت فيه شهد و سألوا صاحب المحل وعطوه اوصافها قاللهم طلعت😐
فرقان:......