13
ازهار
مو كتلك لتنغر
عافته وراحت
حسام ظل يضحك وكال لتنسين اني عازمج عله العشه الليله
بره حضري روحج
وبعد ساعات
طب حسام عله ازهار وهو ﻻبس قاط اسود وقميص سمائي
ومفتوح الدكم الفوكانيات وحذاء اسود وتسريحه شعرة هل
المرة رجوليه اكثر وبين حسام كانما ممثل سينمائي
انبهرت بي ازهار هي ممتعوده تشوف مثل هيحي وجه اﻻ
بلتلفزيون بس حاولت تكتم اعجابه بي بس هو ﻻحظ عليه
ابتسم وكال
شنو متروحين
ازهار ﻻزمه كتاب للطبخ تقرة بي
ﻻ بيدي كتاب اريد اكمله وضايجه ما اريد اطلع
حسام اخذ الكتاب من ايدهة وكال
بله هاي من كول عقلج هذوله الخدم الجوه بلمطبخ واتريدين
تتعلمين طبخ المن الي اني ما احب اكول اله من ايد ابو رامي لتعبين روحج
ازهار
مو اكولك انت مغرور منو كللك اني اريد اطبخلك
حسام
دائما بكولون الطريق الى قلب الرجل معدته وانتي اتريدين
ادخلين بهاذا الطريق بكلبي بس احب اكولج اني ما احب اكل البيت دائما احب انعشه بره ويايه وحده حلوه وجه بشوش يضحك ذاك الوكت اكول
ازهار هسه شتريد اني ما اجي روح ويه وحده حلوه او وجه بشوش
حسام
شسوي مجبور اذا مطلعنه الليله راح تثبت علينه اﻻشاعات
وابويه راح هم يتعب وتعال حسام وروح حسام
ازهار
هاي لخاطر عمي راح اروح واحذرك اذا صار اي استفزاز
منك ماتعهدلك شراح اسوي وساعته يمكن تتندم جي اخذتني وياك
ﻻﻻﻻ انشاءالله ميصير شي يستفزج
حسام جان يتمنه ويه قراره نفسه ميشوف وحده من صديقاته
وﻻ واحد من الصحفيين اللزكه
وبعد ساعات نزلت ازهار وعيون حسام انصدمت بلي شافته
هي عمرهة محاطه مكياج
وهليوم مقصرو ا البنات جهزنه الي تلبسه مﻻبس ﻻيقه بلسهرة والي اطلعله اﻻكسسوارات والي اتمكيجهله واتسرح شعرهة
طلعت اﻻميرة ازهار زهره حسام الي ميكدر يتقرب منه ويشمه
وبهاي الساعة عرف حسام انو هاي الي يدور عليه من بين كل البنات يمه وهو ﻻهي عنه وين جانت لؤلؤته المكنونه
بلبحار العميقه وكانما حسام صار صياد وطلعه من اﻻعماق
وصارت نصيبه
حسام
يله خلي نروح لزم ايده ونزله من السلم وهو يباوع مثل الخبل
ازهار وخرت ايدهة ونزلت
وراهة فتح السايق باب السيارة
وصعدت وهو وراهة والطريق كله وهو يباوع عليه ويكول من هي هاي الجتي وطبت بحياني بسرعه د ون اي سابق انذار
يمكن هي هاي صحيح قسمتي وهي الي راح انكون المرأه
الوحيده بحياني وام اوﻻدي ليش ﻻ وكل المواصفات الي جنت
احلم بفتاه احﻻمي بيه
ازهار كسرت هذا الصمت
احنه وين رايحين نتعشه
حسام كانما جان نايم وفز
ها اي مكان اتحبين تتعشين
ازهار
لتسالني اني مااعرف مطعامكم الفاخرة بس اي مطعم اكله طيب اروحله وعلواه بسرعه ﻻنو كلش جوعانه
وخبر السايق عله مطعم عدهم اكﻻت كلش طيبه
وفعﻻ وصلوا وكعدوا ورحبوا بيهم وطلب حسام اكﻻت معينه يحبه هو وحب تاكل منه ازهار ويشوف رده فعله
تصويتتت
قدم الشيف بنفسه اﻻكل الحسام وازهار بعد ما رحب بيهم
وتركهم بعدهم يستطعمون اﻻكﻻت العراقيه الطيبه من كباب وكص ومشويات تكه وغيرهة ويه الخبز الحار وانواع السلطات
كعدت ازهار تاكل وممصدكه هي جانت كلش جوعانه
وهي تاكل جان حسام يباوع عليه بكل حنيه واستغراب
حسام
عله كيفج لتغصين بلاكل
ازهار وحلكه متروس
اني ما غص اﻻ اذا وخرت عينك مني بس اذا بقن عيونك تراقبني
يمكن راح اختنك وبودوني بلاسعاف
حسام
ههههه يله راح اوخرهن لعيوني ومناك اتقربت وحده من صديقاته لحسام جانت كاعده ويه ابوهة وامهة
مساء الخير حسام
حسام
مساء النور اندار عله ازهار وهو خايف لتسويه مشكله وكال
ازهار اقدملج صديقتي ايام الجامعه نور
ازهار
اهﻻ وسهﻻ
نور
هاذي زوجتك
اي نعم
طبعا كولش حلوة متشبه الصور الي بلجرايد
حسام يعرف شنو فصدهة عله لبنى
حسام
ﻻ هاي وحدة من البنات المعجبات واستغلته فرصه وقدمت
نفسه زوجتي وصديقج حسام جان شارب وميدري بلدنيه
نور.هيجي هههه يعني ورطتك
ازهار
(تم النشر بواسطه #امير_ديالى)
مسحت حلكه من اﻻكل بقطعه الكلينس الي يمهة وبعدين كالت اني اترخص اريد اغسل ريحه الكباب متروح اذا مااغسله
زين وكامت
نور افتهمت قصدهة والتفتت عله حسام وكالت
زوجتك رغم صغر سنه هي امبين عليهما شاء الله ذكيه وجميله شلون اتعرفت عليه وشلون هاي لبنى خلتك تتزوج؟
حسام
هاي قصه طويله يرادلهة كعده ولتشغلين فكرج بس اكولج كلمتين
القسمه حظ ونصيب تردين شي يطلعلج شي ﻻخ
نور افتهمت لتكمل واني اتمنالك الحياة الحلوة وياهة واني اترخص
حسام بعد ما جتي ازهار طلب مثلجات واكلوا بعدهة طلعوا من المطعم وراد حسام يفتر بلسيارة هو وازهار وحدهم كال
للسايق انت اخذ اي سيارة وروح اجازة الليله
