22
عن حالته
كالت اني ما اعرف مثلكم هسه جيت من السفر وادعوالله بلشفاء العاجل هو ميستاهل اني اعتبره ابوصديق حنون قبل ميكون ابو زوجي
وراحت للمستشفى هم نفس الشي طريق ماكو الصحافه واكفه اباب المستشفة اتريد تدخل منكدر حاولوا الحراس يدخلوهة لكن الصحفيين هوايه وهي اختنكت وهنا حست ابيد
تلزم ايدهة وتدفعه الداخل المستشفه باوعت شافته هو حسام
ازهار بلهفه وشوك
ها حسام شلون عمي زين حالته شلونه؟؟؟
حسام الحمدلله حالته استقرت كسور برجله وجروح بوجه وكدمات بس انشاءالله يتعافه الدكاترة ممقصرين
ازهار ابتنهيده
اه ه ه الحمد لله خفت عليه ميستاهل عمي اني حبيته هوايه
وباوعت عله وجهة صاير اصفر
كالت
وانت لتخاف ابوك رجال قوي وديني اله بياردهة
وراحت وياه شافت ابو حسام متكسر بكل مكان بس يكدر يحجي
ازهار
عمي الحمدالله على سﻻمتك لتخوفنه عليك.
ابو حسام
اشكرج بنتي لتخافيين عليه اني ما اموت حتى اشوف ابن ابني بحضني
ازهار احمرت خدوده وكامت تتلعثم بحجيه وهي اتكول
عمي هسه ماطولك هيجي قوي اﻻ ازوجك
ابو حسام
هههه هاي اتريدن اتنسيني حجايتي اتعلمتي الدهاء من رجلج مالومج ابني اكبر ملعب بس مو عليج يحبج ادري بي
حسام باوع عليهم الثنين وطلع بره وعيونه متنقري
وازهار ظلت بحيرة ليش هاي نظرانه العجيبه لو اني بفطارتي ما اعرف اقره عيون الرجال لو هو رجال غامض بطبيعته ومحد
يكدر يعرف الي يدور براسه بس هسه شلون اكدر اطلع الحجابه من حلكه اخخخخخ منك حسام افندي جيت ادمرك دمرتني بقلم ذكريات
واتحول ابو حسام البيت ابنه وجابو ممرضات وممرضين وياه يداروا
وازهار مقصرت وياهم تشرف علة اكله ومﻻبسه وتبديله الجروح لحد ما كام يكدر شويه شويه يمشي
وحسام جان مأمن على ابو وياهم وبين يوم ويوم ياخذ اجازه الروحه ويساعد ابو ويطلعه للحديقه بلعربانه
حتى طاب ومشه وصارت فرحتهم جبيرة من مشه
حسام ابتسم من شاف ازهار وهي انصفك وتركض لابو وتحضنه واتبوسه وانكول الحمد لله مشيت جنت خايفه
باوعت على حسام شافته يبتسم اله ﻻول مره عرفت تقره عيونه ابتسم ابتسامه حنينه وشكر الازهار
وبعد يومين قرر اﻻب يروح العمله بلوزاره ويترك العرسان
وحدهم
حسام ازهار هذا ابويه منطيني كارت باسمنه عازمنه على العشه
ازهار لمه اجه حسام وخبره علة الدعوه رفضت وتحججت
اني تعبانه وهل اﻻيام مدى انام زين
حسام بكيفج بس راح اروح ويه لبنى دتلح عليه على طلعه
واني دا اعتذر منهة
ازهار بضوجه
بكيفك الي تشوفه وهي القهر والغيرة كاتﻻته
حسام
اي كلت اخبرج اخاف باجر تسمعين من غيري
ازهار
شعليه بيك متروح
والعصر بدل واتأنق لبس قاط اسود وقميص سمائي ورباط مشكل بلونين وشعره مسوي تسريحه رجوليه ﻻيكه ويه لحيته السوده خال عطر داخت بي ازهار
كالت ويه نفسه هذا سواهة صدك وراح يطلع ويه هاي الحيه
لبنى
ازهار الحسام
ها راح تروح
حسام
اخاف اتاخر ويمكن السهره اطول مو اتخابرين واتخربين الليله عليه صار هوايه مطالع من اتمرض ابويه لحد هسه
ازهار والنار شايطه بيه اتريد اتكوله انتظر ابدل واني اطلع وياك بس كبريائه مانعه هو البارحه يحجي عليه ويكولله انتي
مو بريئه وكل الي تهمتج بي صحيح شلون بعد تتنازل اله هذا
العدو الحبيب اي عدو وبنفس الوقت حبيب تعترف ازهار
هي عشكته ومتكدر بعد تغض النظر عنه هو هسه حبيب وزوج
وعشيق وكل الي عدهة بلدنيه وكلبه كام يصيح بس حسام
بس شنو بيدهة هو ميريدهة وهي خو مو تشمر روحه كوه عليه
يالله ساعدني وانطيني الصبر وكالت اني صار هوايه مﻻزمه السجاده ومصليه اخ نعله علة الشيطان اليخﻻني التهي بامور الدنيه وانسى صﻻتي وفعﻻ سبحت واتوضت واتجهت للرب الكون هو راح يحل كل مشاكلهة وفتحت القران وقرات كم سوره بيه منه(الم نشرح لك صدرك )
وراهة اتعشت منتضرت حسام ﻻن كللهة اني اتاخر عله العشه وشويه باعت بلتلفزيون الي بل الصاله ونعست ونامت
ومكعدت اله علة صوت واحد يهز بجتفه اكعدي صعدي بغرفتج
