وجع حنين - الكاتبه ريحانه الجنه

((الحلقة الرابعة عشر ))

حنين صممت طول الليل انها متردش علي يوسف علشان كانت بتحاول انها تمنع نفسها عنه علشان مش حتقدر تكمل معاه علشان ولادها وانها تحاول تنساه وقالت انها لازم تقوله كدة وتخليه يبعد عنها
يوسف : بيكتب لحنين :كدة يا حنين اقولك تعبان ومتسأليش عليا ولا حتي تردي
يوسف:ده حتي انتي السبب في اللي انا فيه مش انا بسبك كنت واقف في المطرة
يوسف:حنين علشان خاطري ردي عليا انتي وحشاني
يوسف:طيب قوليلي فكرتي في موضوع جوازنا زي ماقلتلك لو موافقة عرفيني بس متعذبنيش اكتر من كدة
يوسف :خلاص يا حنين انا حبعد ومش حديقك تاني واضح انك مش عايزاني
حنين :قرأت كلام يوسف وهي بتعيط وصعبان عليها نفسها وصعبان عليها يوسف وانها حتخسره وفضلت طول الليل تعيط وتفكر مش عارفة توصل لقرار
(في المستشفي )
أمير :ارتحت كدة لما صممت تمشي ماكنت قعدت لبكرة يا ابني بدل ماتتعب تاني وانت لوحدك
يوسف :لا يا أمير انا مش طايق اقعد عايز اروح وبعدين ما انا حاخد الادويه اللي الدكتور كتابها خلاص بقي
يوسف بيلبس هدومه ويادوب لبس البنطلون والجزمة ولسة مالبسش القميص ولقي الباب بيتفتح ودخلت الممرضة نعمة
يوسف:انتي ازي تدخلي كدة من غير ماتخبطي
نعمة: واقفة ومتنحة ليوسف ومبتردش
أمير:خلاص بقي يا يوسف معلش حصل خير
يوسف :انتي متنحة كدة ليه مش بكلمك
نعمة :اأأاصل . سمعت من الدكتور انك ماشي فقلت اجي اشوفك عايز تمشي ليه
يوسف :نعم ؟؟وانتي مالك امشي ولا اقعد انتي حتحسبيني
نعمة : لا طبعا بس قلت ليكون حد زعلك هو انا عملت حاحة ضيقتك قولي
يوسف :اللهم طولك ياروح يابنت الحلال انا بس عايز افهم انتي عايزة ايه
نعمة :ممكن اتكلم معاك لوحدنا
يوسف : نعم !! ليه بقي هو في بيني وبينك أسرار
أمير:بيضحك . خلاص يا يوسف انا حستناك برة لحد ماتلبس . ومال علي ويوسف وهو بيوشوشه . بس يارب تلبس مش تقلع
يوسف: زعد امير في بكوعه في بطنه
أمير:ايييي ايه ده كل ده وتعبان انا خارج متتاخرش
يوسف:اتفضلي قولي اللي انتي عايزاه علشان عايز امشي
نعمة:قربت من يوسف اوي وحطت ايديها علي كتفه وهي بتملس علي عضلاته
يوسف:نزل ايديها انتي بتعملي ايه انتي اتجننتي
نعمة:قربت منه تاني اه اتجننت من ساعة مشوفتك وانا مش قادرة ابعد عنك احنا لوحدنا مفيش حد متخفش
يوسف:لا انتي اكيد مجنونة وهو انتي لحقتي تشوفيني انا مكملتش يوم هنا
نعمة :ده انا من اول دقيقة وانا حموت عليك لو متضايق ان احنا في المستشفي اديني رقم تليفونك واكلمك ونتقابل برة
يوسف :لبس قميصة بسرعة . انتي عارفة اني ممكن ارفدك من هنا حالا بسبب اللي بتعمليه ده
نعمة:وانا عملت ايه كل ده علشان بقولك اني معجبة بيك وعايزاك
يوسف :اخد تليفونه وحاجته وخارج
نعمة:مسكته من ايده وقفت عند الباب . مش حتمشي غير لما تقولي حشوفك تاني امتي
يوسف:زقها بعد وفتح الباب وخرج

(في العربية )
أمير:هههههههههههههخ مش قادر حموت من الضحك البيت دي واقعة اوي
يوسف:انا مش عارف انت بتضحك علي ايه دي بت بجحة ومجنونة دي خطر علي العيانين
أمير:هههههههههه مش قادر كل ماافتكر شكلك وهي بتقولك عايزاك لوحدنا ابقي حموت من الضحك حسستيني انها حتغتصبك
يوسف:ههههههههه انت بتقول فيها انا لاقتها قفلت الباب وراك وجايه عليا قلت بس دي ناويه علي مصيبة. بنت المجنونة
أمير:ههههههه
يوسف:ماكفاية ضحك الله يخرب بيتك حتلبسنا ونعمل حادثة وارجعلها تاني
امير:هههههههههه
يوسف:هههههههههه
(تاني يوم في العيادة )
حنين دخلت وسلمت علي دنيا وقعدت وحاست انها مضايقة جدا دي اول مرة من شهور كتير تدخل العيادة من غير مايوسف يكون موجود
دنيا :تعرفي انا حظي حلو النهاردة حروح بدري الاستاذ يوسف اعتذر النهاردة ومش جاي
حنين:زعلت اوي . يبقي فعلا حيبعد عني زي ماقال ومش حيكلمني تاني ومش حيجي تاني علشان ميشوفنيش وعيطت حنين
دنيا :اتفضلي يا مدام حنين الدكتورة منتظراكي
حنين: بصوت مخنوق من العياط السلام عليكم
الدكتورة:وعليكم السلام . مالك يا حنين انتي كنتي بتعيطي
حنين:انفجرت اكتر واكتر في العياط
الدكتورة:خير مالك يا حنين اهدي انتي عارفة كويس انك مينفعش تزعلي اوي كدة انتي ممكن ترجعي تتعبي تاني ارجوكي اهدي بس واحكيلي مالك
حنين:وهي بتاخد نفسها من كتر العياط . انا ححكي لحضرتك كل حاجة انا خلاص مش قادرة اخبي اكتر من كدة
وحكت حنين للدكتورة كاميليا كل حاجة عن يوسف واحساسها بي من اول يوم لحد اليوم ده
الدكتورة:وليه محكتليش من الاول ليه خبيتي عليا
حنين:كنت خجلانة ومكسوفة من نفسي حاسة اني بغلط وبعمل حاجة حرام مكنتش قادرة اقول لحد بس خلاص تعبت تعبت مش قادرة حاسة اني بموت من غيره كل يوم. وفي نفس الوقت مش عارفة اعمل ايه
الدكتورة :خجلانة من ايه الحب لاهو عيب ولا حرام انتي معملتيش حاجة غلط
حنين:ازاي بس الحب لازم يكون في اطار شرعي لكن كدة لا
الدكتورة:طيب ماهو قالك انه بيحبك وعايز يتجوزك
حنين :ماهي دي المشكلة انا حاسة اني بين نارين مش عارفة اذا كان فعلا عايز يتجوزني ولا بيقول كدة بس علشان استمر معاه واقبله وخلاص .
الدكتورة :سيبك من يوسف دلوقتي وقوليلي انتي عايزة ايه عايزة . فرضا انه جد فعلا وعايز يرتبط بيكي حتكملي معاه
حنين:مش عارفة انا بحب يوسف حب عمري ماحبيته لحد قبل كدة حتي هشام علي قد ماحبيته بس مش زي يوسف يوسف مختلف . وفي نفس الوقت خايفة اكون انانية واظلم ولادي خايفة ميوفقوش ولو وفقه يبقي علشان ميزعلونيش مش علشان همامقتنعين . انا بجد محتارة محتارة اووي
الدكتورة: حنين انتي لازم تدي نفسك فرصة حبي واتجوزي وعيشي حياتك وفي نفس الوقت متظلميش ولادك ومهيالي اللي اعرفة عن شخصية يوسف انه انسان جميل جدا وصدقيني حيقدر يكسب ثقتهم وبحببهم فيه انتي بس ادلو وادي نفسك فرصة . يا حنين الحب اللي بجد مابيجيش في العمر غير مرة واحدة متضيعهوش منك علشان اكيد حتندمي اوي
حنين:يعني حضرتك شايفة كدة
الدكتورة:ابتسمت . اه يا حنين شتيفة كدة ومتقلقيش انا حتكلم مع يوسف واعرف منه كل حاجة ولو حسيت للحظة انه بيلعب بيكي صدقيني انااللي حقولك ابعدي عنه
حنين:طيب اعمل ايه دلوقتي
الدكتورة:كلميه واطمني عليه خليه يحس انك مهتمة بيه خصوصا انك السبب في تعبه ولا ايه
حنين:عندك حق انا السبب بس انا اتكسف اكلمه وبعدين انا معيش رقمه ممكن ابعتله رسالة وخلاص
الدكتورة: لا طبعا كلميه مينفعش رسالة وان كان علي الرقم انا حديهولك اهو يا ستي اتفضلي
حنين:بس انا محرجة اوي اكلمه
الدكتورة:محرجة من ايه هو انا بقولك روحيلو البيت ده تليفوم يا حنين
حنين:اتنهدت . خلاص ماشي ربنا يسهل

(في البيت عند حنين )
حنين متوترة ومكسوفة تكلم يوسف
حنين:اهدي بقي يا حنين وامسكي اعصابك كدة علشان تعرفي تكلميه
حنين: اخدت نفس جامد واتصلت بيوسف

يوسف في البيت نايم في السرير وباصص لفوق وبيفكر حيعمل ايه مع حنين ولقي تليفونه بيرن
يوسف:مين ده ده رقم غريب . مش حرد انا مفيش دماغ اكلم حد . تؤ وبعدين لما أشوف مين ده
يوسف:الو
حنين: اول ماسمعت صوته قلبها ظق جامد اوي وصوتها مش عايز يطلع ومكسوفة
يوسف:الو .. الو
حنين:بصوت هادي جدا . السلام عليكم
يوسف:فتح عنيه وقام قعد . حنين
حنين:احمم ايوة ازيك
يوسف :نط من السرير ووشه بيضحك وشال التليفون من علي ودنه وبص فيه ورجعه تاني . حنين انتي بجد حنين اللي بتكلمني
حنين: ابتسمت . ايوة انا حنين
يوسف:وحششششتيييينننننيييي
حنين :اتكسفت اكتر واتلجلجت . انا عرفت من الدكتورة انك تعبان فقلت اطمن عليك
يوسف:يعني صدقتي الدكتورة وانا لا ما انا قلتلك اني كنت تعبان ومردتيش عليا . هنت عليكي يا حنين
حنين :مش قادرة تتحمل طريقة الحنينة في الكلام دي . لا مش حكاية اني مش مصدقات انا بس حسيت انك.
يوسف: سكتي ليه كملي افتكرتيني بتهرب منك صح
حنين: لا مش كدة بس .... انا بصراحة متلخبطة ومش عارفة افكر
يوسف:ايه اللي ملخبطك يا حبيبتي بس والله انا بحبك وقد كل كلمة قلتها وفعلا عايز اتجوزك
حنين: الموضوع مش بالسهولة دي في حجات كتير جوايا صعب انك تفهمها
يوسف:لا ياروحي حفهم انتي بس اتكلمي وقولي انتي ايه اللي مخوفك مني وانا معاكي ومش حسيبك ابدا
حنين:عموما مش وقته الكلام ده المهم انت تبقي كويس انت صوتك تعبان خالص
يوسف:ابتسم . كنت تعبان لحد ماسمعت صوتك بقيت زي الحصان . حنين انتي كنتي واحشاني اوي . صدقيني انتي اول واحدة احبها كدة انا عمر مافيه واحدة عملت فيا كدة ولاحبيت اصلا قبلك
حنين:يا سلام يعني عمرك عرفت ستات ولا ارتبط لحد دلوقتي
يوسف :ماهو ده اللي انا عايز اكلمك فيه . حنين احنا لازم نتقابل ونتكلم انا عايز احكيلك كل حاجة عني مش عايز اخبي عليكي حاجة
حنين:بس
يوسف:قاطعها . مبسش لتزم نتكلم ارجوكي وافقي . انا حكلمك بكرة تقوليلي حنتقابل امتي والساعة كام
حنين:ربنا يسهل . يلا سلام بقي
يوسف:استني بس . انا ملحقتش اشبع منك ده انا مصدقت اسمع صوتك . اه يا حنين لو كنتي قدامي دلوقتي
حنين :ضحكت . ليه كان ايه اللي حيحصل
يوسف:وهو بيهمسلها كنت حخطفك واخدك بعيد في مكان مفيهوش غيري انا وانتي وبس
حنين:اتكسفت اوي . احمم يوسف بطل تتكلم بالطريقة دي انا متلخبطة خلقة
يوسف:هههههه . طيب خلاص حسكت بس اوعدك اول مانتجوز وتبقي في بيتي مش حخليكي تتنفسي بعيد عني
حنين: يوسف انا لازم اقفل بقي سلام
يوسف:سلام يا قلب يوسف
يوسف:حنين
حنين:نعم
يوسف:ب ح ب ك
حنين :قفلت بسرعة . وهي عمالة تضحك .وانا كمان بحبك يا يوسف بحبك اوي
يوسف :قفل وباس التليفون ورما نفسه علي السرير . اخيرا يا حنين اخيرا حلمي بيقرب وحتبقي بتاعتي