نور:هم اشترت منهن ورجعنه كلش تعبانين ونمت مااهيس اله ساعه بل 10:00 الصبح غسلت وبدلت ونزلت اتريك ساعدت امي حدما صار الغده جان يوم ملل كلش ضليت كاعده بغرفتي حدما صار العصر قررت مااروح ساعه اكول اروح ماعرف شريد ضليت حايره اجتي هديل
هديل:شبيج نور شو احسج ضايجه
نور:ماعرف شبيه اخاف اروح وهم شوفه ويضوج مني خاف يكول عليه لزكه
هديل:عندي حل الج لتباوعين اله خلي هوه يباوع واذا باوعلج انتي باوعيله
نور:خوش لعد
اجه المغرب تعشينه وكملنه وساعدت امي وصعدت بدلت وخليت مكياج خفيف ولبست شال ع راسي كلت خاف عيب ونزلت
حسن:شنو هاذه الجمال نواره
نور:خجلتني بابا
زينب:طالعه بنيتي حلوه اليوم
نوره:عيونج الحلوه ماماتي
بهل اثناء نزلت هديل
هديل:طالعه حليوه نور
نور:انتي الاحلى حياتي
زينب:تبارك الرحمان عليجن مشاء الله كلش حلوات ربي يحفظجن الي بناتي
نور وهديل:تسلمين مامه
حسن:يله بنات روحن صعدن علي شو مامبدل
علي:اني ماروح اخذ بناتك ورح
حسن:براحتك ابني
نور:حسيت علي ضايج ويباوعلي بعصبيه
علي:مااتحمل نور تروح من عندي جنت كلش ضايج وعفتهم وطلعت
نور:صعدنه بسياره جنت بين الفرحانه وضايجه ماعرف احساسي شيريد مشاعري وين راح توصلني
وصلنه للبيت مال شيخ جان البيت كلش جبير هديل كمشت اديه واجه الشيخ رحب بينه وفتنه يم النسوان
محمد:اول ماشفتهه كلبي كام يدك وشفت جمالهه ماصيطرت ع نفسي كمت اباوعلهه وطالعه بذن الملابس كلش حلوات فرحت بجيتهه وفاتن يم نسوان وابو علي كعدته بل ديوان
نور:فتنه يم نسوان عدهم خدامه والبيت كلش جبيره عدهم ثنين نسوان وكعدنه يم الحجيه سلمنه عليهن ورحبن بينه ذاك الترحيب وكعدنه نسولف عرفتنه ع البنات وطلع محمد مزوج ومرته ميصير عدهه جهال بذاك الوكت جكد ضجت ونقهرت ودنيه سودت بعيني ضليت ضايجه حدما كالو يله وطلعنه انتبه عليه جنت ضايجه وماباوعتله ابد ومن ذاك اليوم قررت اشيله من بالي لئن طلع مزوج ومرت الايام وضجت كلش ضايجه وكئيبه مالي خلك احد
محمد:شبيهه طلعت ضايجه اكيد عرفت بيه مزوج لذالك نقهرت ربي راح اموت من الحركه وتفكير شلون شسوي ضليت بحيره حدما صعدت للغرفه لئن اني انام بغرفه وعلياء تنام بغير غرفه ميربطنه ايي شي بيناتنه عبالك مومرتي غربه ضليت بهل تفكير ونمت حدما صبح الصبح عليه وحسيت ع نفسي وكعدت كل عاده فنس الروتين
نور:كعدت وعيوني مرمه ضايجه تفتر بيه الدنيه ومريضه غسلت ورجعت لفراشي ماتريكت ضليت ع نومتي ولحد الليل صار عندي مضاعفات وانغمه عليه ودوني للمستشفى حست بيه هديل ع محمد وعيت واني بل مستشفى حدما صرت زينه ورجعوني للبيت صعدوني للغرفه ونزلو بقت بس هديل
هديل:شبيج خاف ضايجه وتمرضتي ع محمد
نور:هديل والله ضايجه منهد ماعرفته مزوج واني روحي طالعه
هديل:وليش ضوجين مومرته مجيب جهال
نور:حتلو ماكدر اذا صارت عدي علاقه بي اصير ضره مااتحمل وحده شاركني بي
هديل:والله ماعرف شلون
نور:هديل شوفي من جاي يتنصط خاف واحد جاي اشوف رجلين
هديل:عزه ولج هاذه علي عزه العزانه رحنه بيهه
نور:صار الجنت خايفه منه شلون بينه هديل روحي لحكي
هديل:نزلت اركض مالحكت بي ماعرف وين راح
نور:دخيلك ربي عدي اليوم ع خير
هديل:ان شاء الله يتعده ع خير
علي:سمعت نور وهديل يحجن بمحمد اني فارت روحي بعد ماشوف طريقي طلعت سلاحي ورحت للبيت محمد حته اكتله طلعت تركض برايه هديل ماحكت اخذت السياره ومشيت اعله سعره صرت مخبل رحت البيتهم كمت اصيح محمد الجبان يل مسوي روح شيخ وصيتك حلو وتنهاب اطلع لك محمد اطلع وضليت اصيح وجان ينزل محمد واخوانه
محمد:سمعت صياح رجال بل باب مال حوش يصيح ويغلط نزلت اركص لكيته اخوه نور كتله شرايد
علي:شعدك ويا نور احجي لوافرغ السلاح براسك
محمد:انتي شتحجي اني شمعرفني بنور وشعندي قابل وياهه
علي:جماله تنكر كمت وجهت السلاح ع صدره ردت اضرب جان اخو يصير كباله وكام يجي بدمه اني تخبلت كمت اصيح ومااهيس بعد بروحي
محمد:علي جان يحجي وياي جان يرمي عليه اجه سلام دفعني وكعت الطلقه بصدره ضليت صافن ع صار دخلت بحاله صدمه ماعرف شسوي واصرف اخويه رسول كام يصيح صار حالتنه حاله خابرو ع شرطه اخذو علي واسعفنه سلام ماتلاحكنه عليه نص طريق ومات البيت نكلب كلاب بواجي وامي تخربطت ع اخويه سوينه مراسيم الدفن وخسرت اغلى انسان بحياتي ع شغله مامسويهه
وعلي اخذ جزائه ودخلانا بسجن وصارت كعدت عشائر وخيرناهم ينطون فصل ومره لو نبقي ابنهم بل سجن ونكتل زلمه منهم واختارو الفصل والمره
نور:طلع علي من البيت واني حسيت راح يصير شي بسببي ضليت خايفه حدما خابر وسمع صياح وعياط جوه وكف كلبي كلت علي سوه شي نزلت كتلهم شكو صاير هديل كامت صيح من براح اخويه كتل اخو الشيخ ودخل سجن اخويه دخل سجن بسببج بعز شبابه اني نقهرت وكعدت ابجي كتلهه قابل اني كتله روح اكتله شدخلني اني ابويه كال باجر يسون كعدت عشاير الله يستر شنو راح يصير
وسو كعده وخيرونه خيارين وابويه ختار ينطي فصل ومره وكعت شغله براسي واني رحت فصليه لئن هديل مخطوبه ابد ماتمنيت
