اروح ع ذاك البيت بهاي الطريقه تمنيت اروح معززه مكرمه مو فصليه
حسن:بويه باجر يجون ياخذوج حضري نفسج ورفعي راسنه جانت امنيتي ازفج بيدي بل بدله ديربالج ع روحج وع رجلج ولتعصين اوامره حته تعيشين واحنه اكيد مراح نعوفج وايي شي تحتاجي احنه ورجلج موجودين
نور:ان شاء الله بابا ماخيب ضنك
زينب :بنتي العصر اروح نشتريلج نيشانج وغراضج لئن مثل متعرفين الفصليه كلشي مينطوهه واوصيج يمه طيعي زوجج ولبي اوامره حته يكوم يحبج
نور:ان شاء الله يمه
جنت كلش ضايجه وخايفه من الي راح يصير ورحنه العصريات اني وامي وهديل جهزنه كلشي ورجعنه بس مالي نفس بالي شي مالي خلك نفسي كرهانه روحي رحت صعدت الغرفتي لحكتني هديل
هديل:نور موجنتي التردي صار شبيج تبجين
نور:صحيح الي ردته صار بي موبهاي الطريقه ومنو يكول اروح الامحمد يمكن ينطوني الغيره شمدريج انتي
هديل:والله نور مادري شلون الله كريم
نور:ضليت متمدده وافكر بلي راح يصير حدما غفيت وكعدني ع عشه كتلهم ماريد ورجعت نمت لصبح اله كعدت امي جبرتني ع الريوك وتريكت وياهم وضليت بدون غده
حسن:نور جهزي روحج حته تروحين اليوم
نور:ماشي بابا
كملت وصعدت بدلت ونزلت سلمت ع هديل وامي وطلعت صعدت بسياره ابويه طول طريق يوصي بيه حدما وصلنه للبيت دك الباب تلكى محمد سلم عليه وضل يباوعلي كلي فوتي يم نسوان كتله خلي اودع ابويه سلمت عليه ابويه وحضنته وكعدت ابجي
محمد :من شفت نور هيج اهيس كلبي انمدرت وكلش ضجت عليهه ماتمنيت هيج يصير بيهه وتجينه فصليه بس كله سبب اخوهه هيه مالهه غرض بلي صار ودعت ابوهه وراحت يم نسوان وابويه وصاني عليهه وعرفت انو هوه يصير عمهه موابوهه وهيه يتيمه كتله عمي احطهه بعيني لتخاف عليهه طبيت لكيتهه واكفه كتلهه نور
نور:ها /محمد:جهزي روحج شويه ويجي السيد حته تعقدين
نور:صار
نور ضليت يم البنات سلمت عليهن وبست ايد امه وشبكتني وضليت ابجي حسيت بحضنهه امان جنت اهيس علياء ضايجه مني ماعرفت ليش وجنت خايفه اصير الغير محمد يزوجوني الغير رجال بس من غسلت اسمع محمد يحجي ويا سيد عقد عليه ارتاح كلبي وصار حلالي دلني ع غرفتي صعدت رتبت غراضي بيهه ولكيت غراض محمد ضليت اشتم بعطره
محمد:صعدت لكيت نور ترتب بغراضهه طبيت كعدت ع جربايه وابواوعلهه كلتلي شيخ
محمد:بعد لتكولين شيخ كولي محمد
نور:صار
محمد:تفظلي شنو ردتي تحجين
نور:شعجب انته عقدت عليه مانطيتني الغير رجال
محمد:موهسه اجاوبج بعدين وها شغله ثانيه لتخافين من شي اني هنا رجلج وهاي عائلتج الثانيه والي صار مالج دخل بي قدر وصار حكمته وقدر الله منعترض عليه اني انزل من تحتاجين شي حاجيني
نور:صار عافني محمد ونزل كعدت ابجي كلت لوامي موجوده وابويه ويشوفون الي صار وياي ضليت ابجي حدما هدئت وطبيت غسلت وبدلت وطلعت لكيت محمد موجود ضليت جامد بمكاني
محمد:احجي بكلبي اكول شنو هاذه الشعر والجمال عليهه سبحان الله شفتهه اجتي وضلت واكفه بمكانهه ستحت مني كتلهه تعاي كعدي يمي لتستحين
نور:تحركت من يمي رحت كعدت يمه كام يلعب بشعري كلي نور اني هسه مادنالج اله برضاتج ومن تتعودين عليه واريدج تتعودين ع اهلي
نور:ماشي بس سؤال انته راح ضل هنا يعني تنام وياي ع نفس الجربايه
محمد:ايي بس اذا ميعجبج انتقل الغير غرفه
نور:لاعادي ابقه زين محمد
محمد:عيون محمد
نور :اني تعبانه اريد ارتاح شويه محتاج مني شي
محمد:لانامي
نور:تمددت ع الجربايه وضليت اباوع ع محمد واكول معقوله اني بحلم معقوله الي اريده تحقق اشكرك ياربي حققتلي حلم حياتي وضليت احجي ويا نفسي حدمانمت
محمد:نامت نور ضليت اباوع ع شكلهه وهيا نايمه مفاتن جسمهه عبالك طفله ونايمه جكد صبرت ع هاي اللحظه واليوم تحققت ضليت العب بشعرهه وهيه نايمه اباوع عليهه حدمانمت
نور:كعدت لكيت محمد نايم عفته ع نومته لبست لبس طويل واسود وحجاب اسود ونزلت يمه البنات والحجيه
نور:مساء الخير
الجميع:مساء النور
ام محمد رحاب:يمه شو لابسه اسود
نور:يمه لعد شلون مالبس
رحاب:لايمه ميصير انتي عروس صعدي نزعي
نور:صار يمه ماحبيت اتجادل وياهه صعدت انزع لكيت محمد بعد نايمه كلت خوش خلي ابدل قبل ليكعد نزعت هدومي لبست غير شي درت وجهي لكيت محمد كاعد
محمد:طبت نور عبالهه نايم نزعت هدومهه من نزعت انتابني شعور قوي بل رغبه شفت جسمهه شلون مقسم وحلو وابيض كلبي كام يرف عليهه من دارت وجهه لكتني كاعده
نور:ها محمد كعدت محتاج شي
محمد:راح افوت اسبح اريد دشداشه سوده وعكال وجماغ والساعه والمحبس طلعيهن
نور:صار طب محمد للحمام حضرتله هدومه وكملت اشوفه طلع بل شور وفالينه شكله جان حلو متروس صاحب عضلات صدره عريض وجهه رجولي كلشي بي حلو كالبي كام يرفله مثل قبل انطيته هدومه بدل وكمل طلعت شخصيه
نور:محمد وين راح تروح
محمد:عدنه كعده ويا شيخ عشيره ثانيه
نور:اها اوك شوكت ترجع محمد:بليل
نور:بسته بخده وكتله ديربالك ع روحك
محمد:ماشي/من باستني حسيت بأثاره رجعت لهفتي وحبي الهه مثل قبل حسيت روحي راحت عطرهه يصطر حركاتهه شفايفهه كلشي بيهه حلو
تصويت وتعليق حبايب
