لو اننا لم نفترق

part 5

#لو_اننا _لم_نفترق
5
التفتت نفس البنيه ام السياره استغفر الله جريت نفس وزفرته انداريت بعصبيه تفضلي كالت
على كيفك شبيك بس دااسلم واروح
باوعت لنرجس ابتسمت بخبث وراحت رجعت كعدت
نرجس- منو هاي تعرفها
غسان- زبونه عدنا بالمحل  جريت نفس 
بس كلش توب وتعرفك عبالك
يمعوده لزكه كلتها بضجر تنهدت عكرت مزاجي وعيون نرجس صارت نضرتها بشك ابتسمت شبيج همست
مابيه شي اذا عدك شي وياها عادي احجي،
لا ماعدي واللي مخلي بباله ملاك يباوع على هالشكول كلتها متمعن بعيونها الخجلانه
نصيت راسي خجلت مبتسمه رجعت رفعته تلفوني دك صديقتي دتدك وكفت هاي رنا
شكو
لا اكيد خطنا اجه
اي علكيفج مشت سريع واني اختنكت حتروح وبعدني مشبعت منها  صعدت بالسياره وراحت تبتسم الولد صاحب صديقتها يريد يتجاذب اطراف حديث جان واكف ببعد اربع امتار كال
كلشي مفتهمنا منهم لا لزمه ايد لا حضنه
احترم روحك نترت بي بت عمي هاي
اذا بت عمك شكو طالع وياها متكعد ببيتكم تحاجيها عافني وراح اختنكت من روحي فعلا تصرفي غلط كان مفروض اعقلها مو اشاركها بالغلط رجعت للبيت بدلت وعدل للشغل بين الفرحان  بشوفتها وبين المخنوك   بغلط التصرف  وصلت الورشه ب3الضهر الحر يقره 55 ايمن ذاب السفر طاس وطالع  كعدت توني اتغده طبت سياره عاليه اهووو هاي البنيه الخفيفه وكفت ادور التيشرت جنت بالفانيلا المدهنه ماكو اختفه كوه لكيته لبسته ووكفت شايل هم  فكت شباك سيارتها
هاي بعدك هنا بهالحر
على لجباب الله خير شبيها السياره كلتها برزانه ولا كانه داكه ومتخرشه نزلت من السياره تقدمت باتجاهي بقيت واكف صلب درت وجهي استغفرت ربي ماكو هيج بششر رخيص
هاي شبيك متتحمل شقه
شتريدين انتي
اني كتلك لو بنص اهلك اطب وابوكك منهم
تره حرامات والله  باوعتلها من فوك ليجوه كشختج وسيارتج وشكلج ومكانتج حرامات ترخصين روحج لفيترباوعتها مشمإز
اني بحياتي ممنجذبه لشخص بكد منجذبتلك
ليش بله فريت بيدي ابتعد لزمتني من كتفي همست
تعال
لج بابا شيلي ايدج---- لشتي كلها كامت ترجف ---مممممتستحين انتي كمت ارجف ابتعدت احساس اول مره احس مااخفي عدي  سوالف اباوع افلام حالي حال شباب هالوكت بس مو دائما وهسه هالشي كله ديتهيا كدامي واحس لو اخذها واروح وياها كلشي اريده  بس رجع رضه الله ببالي كلام امي يمه شوي شوي تشوفها عادي لتقبل بالغلط يصير بلعت ريك رجعت ليوره بقيت اباوعها وارجع ليوره كالت
شتريد عدي فلوس وسفر اطلع من الحفره العايش بيها
انتي صدك متستحين اطلعي من الورشه لا افضحج اطلعيي
بقيت ساكته اباوعله بغضب عفته وطلعت بالسياره  وبسرعه مشيت متوقعت راح يرفضني توقعت حيكون طوعي صدمني وزيد اعجابي بي وحلفت الا اخلي يحبني
غسان- طلعت  من الشغل بليل رجعت للبيت اول مطبيت رفعت راسي على شباكها ماكو البرده مسدوده  والضوه مطفي سمعت ضحك الولد عرفت مجموعين بالحديقه شون  اخابرها لا اخاف طبيت البيت صنطه امي مبقيتلي عشا بالجدر مال خبز لفتين اكلتهن وببالي اليوم نضراتها وعيونها التارسها الخجل ههه كمت اضحك وي روحي دكت ال12 باوعت عالتلفون دكه وحده ادك واسده دكيت وسديته شوي ودكت عليه كلبي وكف
الو
ها هلو
هه شونج
الحمد لله زينه
خومصار شي اشكال من رجعتي
لالا الحمد لله
باعي نرجس هاي اخر مره نسويها
لا اني هم كلت اخر مره هاي
عفيه عليج
اي مااعرف شصار بيه هذا حبيب صاحبتي مادري شون باوعني
اي باعي اني هم سمعني كلمتين اذتني ورديته كتله بت عمي  احترم روحك سكت المهم بعد منسويها تجيج حجايه اني مااقبلها عليج
اي ميخالف
وصديقتج حتى لو حاجتج وكلتلج كوليلها لاماريد
اي اوك
واحنا تلفونات ومن نريد نتشاوف هاي بالحديقه المحج كافيني كلش كلش بالسطح كلتها وسكتت
بالسطح!!!
ها اي ليش لا تكدرين
اخاف يشوفوني
اي لعد عوفيها
فد يوم البييت مابي احد وامولك
اوك بس انتبهي لاتبينين
اي زين ههه 
حتى لو ضلت صديقتج تكولج هذا مدام ميطلع وياج ميحبج لتهتمين كوليلها  من الصغر يحببني يخاف عليه تجيني حجايه لتخليها تاثر عليج لو تعوفيها اصلا احسنلج
اكولها يحبني من الصغر همست
بقيت ساكت مبتسم تمددت بفراشي
ها شبيك
ماكو شي تنهدت
احجي همست
شحجي صوتي كام يكطع من همست
تحبني ?
بقيت ساكت مغمض عيني
جاوبني اريد اسمعك احجي وكلبي يدك سريع
بقيت ساكت ونفسي يرجف وي دكه كلبي
قسان
همم
ليش مترد اريد اعرف اني شنو بالنسبه الك
انتي جربت نفس انتي الاولى والاخيره انتي اللي من جنت طفل اول وحده  حسيت روحي  رجال عليها وانتي اللي اذا نزلت دمعه منج احترك  واذا سويتي شي وبقيتي خايفه اتخبل اريد اكونلج حايط تحتمين بي دمعت عيني حرموني منج نرجسه  انتي اللي من صغري اغار عليها اذا طلعت بره بلبس مومحشوم رغم جنتي طفله بس مااتحمل وانتي اللي جنت الشغلات الاحبها لازم الج منها حصه لان اعز وحده على كلبي انتي الاولى والاخيره نرجسه
نرجس- بقيت ساكته وارجف حتى دموعي جرت بله ماحس على روحي  سكت شوي جر نفس  وهمس
اني بيج عرفت شي اسمه تعلق وحب ورجوله وهتمام شعرج هذا من ينزل على عيونج ويقسم النضره قسمين يفرفح كلبي
نرجس- اني اسعد وحده بصديقاتي ومن يحجون باللي يحبوهم اتذكرك واكول محد بيهم يكول اني الكسرت الجامه ومو هو الكاسرها حتى بس اني ماانضرب من اهلي
غسان- هه متدرين شنو انتي بكلبي حتى تحجين هالحجي بس تدرين شكد مرتاح من دااحجيلج
نرجس- قسان
نعم احلى شي من حلكج اسمي قسان ههه لتغيري احبه هيج
اني هم احبه بالق هه قسان
نعم نعم
احبك
بقيت ساكت غمضت رجيت راسي عالمخده بنفس يرجف
شبيك همست
مااعرف نمل جسمي ورخه
بقيت ساكته انتضر يرجع يردها انتضرت سكوته هواي
نرجس
نعم غمضت تسارعت دكات كلبي  منتضر الكلمه
يله روحي نامي باجر عدج كعده ماريد عيونج تتعب انتي سادس
هفففف اي يله تصبح على خير
هه ليش ضجتي ب3شوكت ننام
لا يله هاهي تصبح على خير
وانتي من اهله بقت ساكته لا بي اسده ولا يهلي وهي هم بس سديته حتى ترتاح اخ يابه كلبي كلما اتذكر حجيها اذوب --- مرت الايام يوميه نحجي بليل شوي  ونسزه نسولف ونضحك ارتاح لحجيها ابتعدنا عن كلام الرومانسيات شوي لحد متكمل دراستها جانت تحجي واني مااحجي بس اغمض مرت ايام البنيه الخفيفه موصلت بعد  للورشه امتحنا نهايه السنه والحمد لله نجحت بقت نرجس ----
شهد- محمود الخبيث تواعد وي فاطمه من طلعو اهلها حانت تكولي على كل  تفصيل يصير بينهم ---
هلو فاطمه
هلو شهد باعي باعي هذا لو هذا الثوب
دزت صورتين وثوب انكس من ثوب بقيت صافنه
هاي وين رايحه عرس
لا متواعده وي حبيبي
حتطلعين وياه
لا
لعد شوون
يجي لبيتنا امي رايحه لكربلا وبابا بالشغل
عزه بعينج تطببي جوه
لا لج بيبي جوه بالحديقه  شوي نحجي يريد يحضني حيموت
لا لج لا عززه هذا موخوش ولد
شون تحجين هيج مو ابن عمج
باعي فاطمه اني احذرج وانتي كيفج بعد تره موخوش ولد والله يوميه يشرب اني كدامي اشوفه حتى مدري شيطحنون بالنركيله  ويخلون قريت عنها بالنت يكلون حشيشه مثل المخدرات
ادري بي يحجيلي واصلا يرتاح من يشربها اني كل الاريده راحته
عزه بعينج فاطمه انتي مخبله بابا عوفي خلي يولي
انتي شنو تغارين
لا والقران خايفه عليج
لتخافين اني احبه ويحبتجني وحيجي يخطبني بعد الامتحانات
بقيت ساكته ممصدكته وهي طايره بي جريت نفس شوكت يجيج
بعد ساعه لج يله داريد اسشور شعري
لبسي الازرك اقلها استر
اوك باي
باي سدته مني وراحت واني فكيت البرده اباوع شكد حقير ووصخ الله يطلعها بيك بقيت اراقب شفته طلع من البيت ضهريه ويتلفت جنه حرامي وصل لبيت فاطمه طب فاطمه وره الباب عزه الثوب شكصره هاي متستحي بقه يباوعلها مبتسم جرته للحديقه بصفحه حايطنا بقيت اباوعلهم جمدت جرها حضنها وغمض عينه يجوز صدك يحبها مااعرف شصار بيه كلبي كام يدك عبالك الي حاضني حسيت بخوف رجعت للباب قفلتها ورجعت اباوعلهم  لزم وجهه ويباوع على جسمها تقرب باسها اني كمت ارجف رفع راسه صدفه ولمحني عكد حاجبه فاطمه ذابت ونامت على صدره اني جمدت من شافني بقه خازرني  كمت ارجف خايفه رجعت راسن وره البرده تاكدت انه شافني باوعت من البرده التول شفته طلع من بيتهم ورجع لبيته يباوع على شباكي مخنزر عزه بعيني شافني عبالي مشافني خرب ببليس شسوي خاف ياذيني لو يكول لغسان خربشوي ودكت فاطمه رديت
الو
هلو شهوده
هلو بلعت ريك فشلانه ووجهي صاير نار عركانه
اجه يمي لو تدرين شون احساس حلو من حضنتي وباسني ردت اموت
همست اي واتذكر الشفته كلبي كام يدك من يمي وخايفه خاف كللها دتباوع صدك هسه تكول تغار مني بقيت اسمع منها
بس مادري شبي خاف وراح كال خاف احد يشوفنا وانهزم تمنيت يبقى بعد بس تخبل عليه كال جسمج يخبل
ممممم رديت واعصابي بردت من عرفت مكاللها  بقيت بس ساكته لحد مراحت ونزلت جوه امي شافتني
ام غسان- ماما شبيج شو وجهج اصفر
بقيت صافنه امي صديقتي احجيلها كلشي خايفه كلش وحست عليه تقربت منها ماما باعي
هاماما شبيج احجيلي
ماما اني شفت محمود وي فاطمه كمت ابجي وبعدها الرجفه بيه
ششفتي يمه شبيج ياستار
ماما ماكو فاطمه تحب محمود  ويجيها للحديقه ويحاجيها وشافني شفتهم خاف يكول لغسان
شيكوله يمه وليش خايفه انتي نغلطانه حبيبتي الغلط بي هو
اي اي اهز براسي واحجي اي اي والله ماما  هو الغلط
اي بس بعد لتباوعين عليهم خلي يولون وهاي فاطمه نصحيها
برد كلبي ماما نصحتها اكثر من مره ميفيد
عوفيها معلينا حبيبتي انتي حصني روحج من كلشي حتى لو شفتي هالشغلات لتعجبج لان الحرام يودي التهلكه
اي ماما والله ادري
يعني عبالج هذا محمود حيخطبها مستحيل تدرين ليش ليش نفسها هانت عليها وسوت هيج وياه
هزيت راسي اي ماما والله اعرف جريت نفس براحه همزين خلصت وكتلها لامي كلشي-----
مر يومين وبعدها داومت طلعت من بيتنا الصبح داامشي عالرصيف  فتت من يم بيت عمي على رصيفهم انفتحت الباب الجبيره محمود  واكف يحجي بالتلفون باوعلي سكت بقه خازرني اني كمت اتعثر بمشيتي كال وثول سلحفاه. غمضت عيني وسرعت  مشيتي رجليه كامت ترجف لحد موصلت المدرسه وره كم يوم هم  تواصلت وي فاطمه شكد ماريد ابتعد عنها ترجع تتصل واخجل اطردها  ابقه اسمعها من لا جاره كالت اليوم بليل يجيني
عزه بعينج وج ابوج موجود
لا راح عده فاتحه وسافر للمحاويل
وامج
ماما تنام من وكت
والله فد يوم يلزموج
انتي بس لتنكين واسكتي
شعليه اني
اكولج  عدج حمره طعمها طيب
ايع طاح حضج لاماعدي مكياج
دروحي مفد يوم بردتي كلبي باي دااتحضر وارجع اخابرج ب11احجيلج التفاصيل
بقيت ساكته سدته وراحت بقيت كاعده عالجربايه اقره بس بالي يمهم شنو ممكن ديصير هسه وكفت يم الشباك شوي فكيت البرده ضوه خفيف بحديقتهم  شفته طلع من بيتهم باوع على شباكي سديت البرده راسن بقه يباوع ويمشي داباوعله من وره البرده وصل لبيتهم وكف نفس المكان فتحت شويه من البرده مابين ابد بقيت اباوعلهم بفضول وخوف شفته جرها راسن باسها بقوه هي غمضت عينها بس هو رفع عينه عليه يباوعلي ويبوس بيها يباوع لمكان شباكي بنضره مرعبه ابتعدت وره الحايط خليت ايدي على حلكي خايفه بقيت افسر نضرته لا هذا ديشوفني واكفه لو لا اكيد مديشوفني متاكده ممبينه رجعت باوعت يحاجيها وكلسا يباوع على الشباك يرفع  تك حاجب  ضل بالحديقه وياها كلسا حاضنها ونضرته عليه طلع من بيتهم مشه على سرانا باوع عالشباك قبل ليفوت  لبيتهم كال سلاحف النينجا  عرفت قصده عليه دكتلي فاطمه حجتلي كلشي واني مسطوره بخوف ليش عينه عليه سالتها اخر شي
انتي كايلتله اني ادري
ها اي كتله تدري كلشي واحجيلها ملشي وكايلتله ماعدي غير صديقه
بقيت ساكته فركت وجهي تعبت حلفت بعد ماباوعلهم ومالي دخل مر كم يوم وطلعت للمدرسه وياها جان واكف بالباب من شافها ابتسم وتقدم وكفت  يمه  فاطمه سرعت مشيتي  الشارع فارغ وكفت انتضرها براس الفرع نطاها ورده طبيعيه  اخذتها وجتي بقيت اباوعلها من دتوصلي باوعتله غمزلي ورفع حاجبه يمه كلبي هذا ليش يخوفني مشت فاطمه ويايه واني سرحانه وميته توتر وخوف اخر شي  التفتت عليها ---باعي فاطمه من اليوم لاعرفج ولا تعرفيني ومااروح واجي وياج بعد عذريني وعفتها ودخلت المدرسه وهم من على كلبي انزاح
---غسان- السنه الدراسيه الجديده بلشت نرجس انقبلت صيدله اهلي لان معدلها ب75 جنت طاير بيها ومكيفلها زادت علاقتنه وكمت اعترف بحبي بسهوله وحب واحاول ارجع من وكت حتى احاجيها امي حست وايمن عرف  بس اني اعرف هاي عرضي وبيوم ردت اشوفها كتلها صعدي خل اشوفج مدااكدر بعد كالت حصعد صعدت للسطح واني جنت منتضرها
نرجس- هه هلاو
هلاو حبيبي جريت نفس اموت على شعرج
واني اموت على دورت وجهك والرصعه
ولج لتتغزلين عيب هههه تقربت كرصتها من خدها  على كيفي غمضت عينها  بقيت اتلمس خدها همست متدرين شكد احبج
كولي شكد
يكفيج اذا كلت اكثر من روحي
ههه واني هم احبك
نرجس ديري بالج من الشباب عفيه لتخلين احد يحاجيج روحي تحترك
ومنو يسوه احاجي وانت صورتك من الليل غافيه ببالي
غمضت انتجيت عالحايط اوف يابه حجيج ينسيني التعب يله روحي خاف احد يجي كرصتها من خشمها ابتسم ونزلنا رجعت خابرتها صار بيننا كلام كمت اعرف الصغيره والجبيره عنها زادحبي وتعلقي وهي هم زاد حبها وتعلقها بيه يومين مره عطل تلفوني وجبت غيره من اتصلت بجت من سمعت صوتي نترت لتعوفني بعد لتعوووفني
والله مو بيدي وكم مره ردت بس المحج
اذا محمود افندي لزم ولد المنطقه كل يوم جايبهم
ميهم عمري لتضوجين جايبلج هديه منصعد فوك
اي ههه اي اي نصعد صعدت راسن
باوعتلها من دتصعد بلهفه على درج سطحهم ابتسم وكفت عالطابوكه ابتسمت جنت مشتري حلقه ذهب مجمعها مال شهرين لبستها  وايدي ترجف هديت روحي. الها دمعت عيوننا سوه همست الها
عمري بس نكملزالسنه اخطبج
واني ماريد غيرك اكمل حياتي وياه
هزيت راسي انشاء الله يله خل ننز ةل اخاف  عليج
اوك
نزلت جوه دك تلفوني رقم غزيب رديت الو
غسان مو
اهوووو ---نفس البنيه شتردين انتي
سيارتي عطلانه واستاذك كال خابري يجيج
بقيت ساكت باوعت تلفوني خط ثاني ديتصل استاذي سديته منها رديت
نعم استاذي
ابني غسان اطلع لبيت المدرسه يم المدرسه بيتهم هسه تتصل بيك صلحلها السياره هاي معميلتنا
عمي خلي ماجد ابنك يروح
لا يابه انت سبع هذا يروح يسوي شي بالسياره روح بابا روح
اوك عمي صار جريت نفس  ولبست وطلعت بس روحي واصله لخشمي اتصلت دلتني بيتهم عالوصف وصلت راسن فتحت الباب كالت تفضل مكياجها طوخ والشعر فالته اخاف اخطي خطوه جوه طبيت  نشف ريكي ارجف جابت كلاص مي جريته احاول ماباوعلها وعلى اعصابي طابب وكفت بالطرمه يم السياره    وواكفه بصفي فعلا جانت عطلانه سويت بيها الكيبلات كانت بدلتهن وسويتها  اشتغلت  ايدي كلها دهن كالت تفضل غسل جوه  لالا شكرا
هاي شبيك خايف عيب انت رجال
عليش خايف لا مخايف
طبيت البيت بثقه غسلت ايدي واكفه بصفي تباوعلي بالمرايه كالت
البيت فارغ بس اني بي
جرتني دفعتها فتحت سحاب كلبيتها  بيدها شغلات بحياتي مشايفها رجعت ليوره فتحت كل عيني ابلع ريك خايف وارجف رجعت تقدمت رخه كل جسمي ورجف جرتني واني احس روحي ضعفت طببتني بغرفه النوم بين كلبي اليصرخ باسم  نرجس وبراءتها وبين الحرام وكلام امي وصلاتي وبين رغبتي الجامحه اللي مايوم تدنست حتى وان كان بصوت مره مو بجسم  وبين كفه الرحمن وكفه الشيطان مالت كفت الشيطان  غمضت عيني وسلمت روحي. محسيت على روحي الا واني مبتعد عن جسدها مشمازه روحي صافن اني شسويت بروحي  صحيت اني شنو الصار بيه   عيني غوشت الاذكره مثل الالحلم جنت مو واقع بس هاي هياتها كدامي جرت روبها تلبس نصيت راسي ابجي   غرفه النوم جسمي نححل
مرد كلبي وكرهت نفسي ه سولت نفسي رحت وراه  كدامه  ليانبك ضميرك كل الصار بركبتي اني خليتلك حبايه بالمي وهيج صرت انت مالك ذنب
بتوعت بعينها نزلت دموعي ليش هيج سويتي مخفتي الله
اني حبيتك وحاولت وياك ومقبلت تجي لا بحلال ولا بحرام
نصيت راسي هسه صار الردتي اني بحياتي مكايس مره غطيت وجهي بيدي
اعرف مبين عليك بس والله خليها ببالك مراح اكول لاي احد  تلمست وجهه ومسحت دموعه وكف لبس مخنوك بحسرته رجع كعد على الدرج غطه وجهه بيده   كدامه حبيبي غسان كتلك انسه الصار
باوعت بعينها انتي شيطانه هزيت راسي شجابج عليه
حبيتك واني مطلقه وعمري محاسه برجوله رجلي السابق ولكيتك تريدني اضيعك من ايدي عالعموم روح لبيتكم حبيبي وانسى الصار وارجع لحبيبتك لتخاف ماراح اتقرب منك ابد
بقيت منصي راسي  مداصدك رىحي مسيطرت على نفسي رجعت باوعتلها شنو طيتيني
حبايه تزيد عدك  الرغبه 
هزيت راسي وكفت ورحت لبيتنا الملم بروحي بقيت واكف بالباب شون خباوع بوجه امي نرجس اذا اتصلت شكوللها شون حوكف عالسجاده طبيت وعيني اخجل ارفعها على شباكها طبيت راسن للحمام مثل المغتصبيها اجلف بجسمي وابجي شون هيج سويت اتذكر واغمض عيني واضرب على راسي اطلعي من راسي سبحت وطلعت دك تلفوني نرجسه   مكدرت ارد------------