لو اننا لم نفترق

part 13

#لو_اننا_لم_نفترق
13محمود- رجعت منه الف كسره بخاطري غسات تغير مو ذاك الاولي  جان لازم يعرف كلشي  واخذ موافقته يله اتزوج اخته  مرت يومين والدتي معانده متدخل بيت عمي  ---
حسين- افراح غير تروحين انتي الهم غير انتي ام الولد حتى الاصول متعرفوها

افراح- اني اعرف الاصول كلش زين اعرف الاصول للي يعرفها اني قاسمه يمين من انشال من ذهبي اني مااوصل لاسراء بعد عليه الحراميه اني القاهرني شغله وحده بس  انه اضطريت اخذ منها مره واخليها ببيتي بس والله ثم والله اذا مدت ايدها  هالشهد لا اكطعها الها
حسين- اللهم طولج يارررروح  انتي شنو فهميني
مثل مسمعت طبعا عيني الحجايه المتعجبك تفشخك  ليش لعد
اني اروح للشغل احسلي لتنتضروني اليوم ابات بالقاعده
اي الله وياك
نرجس-  رحت لاهلي زياره وانما امي بعدني شايله بكلبي عليها عرفت بسالفه محمود متت قهر على شهد  بس من جانب اخر داشوف التغيير باخويه  وكسران الخاطر والضعف البي احسه مكسور مو محمود المشيطن  ابو الخباثه  شفت اهلي وكعدت وياهم ورجعت للبيت زوجي حباب بس اني المشكله بيه اني مااحبه اني كلبي يم النحرمت منه كل ما يقترب مني واني ميت موته اموت كام من يسافر مااطلع وياه على انه عدي دراسه جان يتوسل يكولي اني ادرسج هناك بعمان واني ارفض  حالته الماديه ممتازه كانت عده مجموعه صيدليات  هو واخوته  ويشتغلون بيها بعدني كل فتره اسال عن غسان والجواب كان ياذيني بعده على حاله التهينا بعرس محمود كان عرس بسيط بس والدي قدر الامكان مراد يقصر اني طلعت وجهزتها وكانت ويايه انتبهت دائما تاخذ الشغلات التغطي ضهرها  وانتبهت على انها عصبيه وشايله هم اعرف بشهد من اول تكرهه لمحمود  ومحمود  ابد مو موده بس شسوي هاي قسمه تاخذ التكرهه واني اترك الاحبه ويحبني  اخذنا كم غرض ووالدي اخذلها ذهب بس كلاده وحلقه  وتراجي بس مرتبه  بينما رفل اخذتلها امي100غم  ومااعرف اذا اخذتها من تطلكت  لانها مو بحالها  مر الاسبوع واجه الخميس  سوينه حنه بسيطه حنينه البنيه ببساطه  حفلتهم يمكن كل العازميهم 12 نفر من عشيرتنا المقربين واخت خاله اسراء  العايشه بالكوت جتي وحدها  اباوع لشهد طلعت كلش حلوه  خطيه تمرد كلبي من اتذكر سوالف اخويه شنو ذنبها بله غير الفقر الحرمنا  من اللي نحبهم  كملت الحنه وامي مطبت خاله اسراء مهتمت تباوعلي بتوسل تقربت مني
فدوه نرجوسه بس حاجي امج ووصيها بشهد هم بت عمج هاي
بعيني خاله وتره ابويه طاير بيها معليج من امي
اسراء-هزيت راسي الله كريم يمه الله كريم
شهد- اجه يوم الزفه عمي ميدري شيسويلي كلما شافني وكلي عمي شتومرين موجود انتي بس تومرين وعمج يسدد جان كلامه بلسم على جروحي القديمه والجديده جنت احس روحي بكلامه  بخير وماكو شي اخاف منه ومن اتذكر محمود كل جسمي يكش  وروحي تجز منه  جهازي خليته بالجنط واجهزبهاء اخذه شايله هم لطبتي لبيتهم  اخاف من ام محمود  خاله افراح كل الاتذكر منها بس صياحهاعلينا بس اتذكر عمي اجر نفس شهد بعد صارت وباجر زفتج كعدي وسكتي والدي جان مكيف بس امي خايفه عليه ايمن الحمد لله رجع  يتدرب عالمشي  بس بالم  هالفتره كمت احسه فرحان ويصفن هواي وكم مره سمعته يحجي بالتلفون همس شكله اخويه داخل لحب جديد  الخميس العصر لبسوني بدلتي مرحت صالون اجتي نرجسه وسشورت شعري نزل على طوله وغطه ضهري المعيوب  مكيجتني هاديء  ولبسوني البدله. صفنت على روحي امي انهزمت من يمي تبجي  والدي باسني وهمس
عذريني اذا قصرت وياج بابا
رديت عمرك مقصرت بابا الفلوس مو كلشي انتي كفيتني بحنانك محد تدلل مثلنا حبيبي بست ايده وراسه نرجسس عينها دمعت البدله جانت كلش حلوه عليه  واني ممصدكه بيها طكتلي نرجس ميت صوره لكل حركه اتحركها  عرفت منها انه خاله افراح مسافره لبيت اخوها اللي بعمان تسوي عمليه لعينها الله شكد ارتاحيت من سمعت جتي الزفافه  ومتوقعت عمي يجيب زفه لان بصفنا ومو اول زواج واشوف بهاء وعمي بالطرمه يركصون  ومحمود واكف على صفحه يحجي وي واحد من الولد الجانو وياه بالحديقه يكعدون قبل لابس قاط  بقو يدكون واني كلبي وي كل دكه ينقبض اكثر ايمن ورايه كال شوي طيني مجال اطلع جان مبدل حبيبي طلع للباب ركضله بهاء مشاه وكفه يمهم ورجع يركص وي عمي طبو يمنا لان ماعدنا غربه نرجس ركصت وي ابوها عمي يمكن الوحيد بينا فرحان جان. اخر شي باس راس ابويه وايده اني مااعرف شصار بيه دموعي ضلت تجري محمود ابد مباوعلي وبهاء يباوعلي مبتسم. يكولي طلعتي تفلشين عبالي جكمه ضحكني بكلامه  تقرب محمود من عمي بامر من ابو وباس ايده وراسه اشر عمي كال يله يابه طلعت وامي مموجوده كدامي عفتها براحتها باجر اجيها ماريد اقهرها واني بصفهم لبسوني البياض وطلعت حسيت مد ايده لزمني من ساعدي قساوه لزمته ذكرتني باللي ارتبطت بي وحقارته صعدت للسياره مضلله
محمود- وخري للقماش جري نفس تره السياره مضلله
شهد- وخرته جريت نفس احرك بيدي اريد هوا باوعتله صافن عليه عاكد حاجبه  شكو نترت بي
محمود- بقيت صافن كلش متغيره الحفيفه غيرتها رفعه حاجبها وصفاء  وجهه بين وسع عيونها ورموشها الكحليه وجهه انكلب  تعجبت ولا عبالك هاي شهد  شعرها النازل الاسود باوعتلي مستغربه ونترت تاكدت هاي هي درت وجهي بهاء ديسوق مكدرت احجي وياها وصلونا فندق ونزلنا نرجس وبهاء ويانا ورجل نرجس صعدتنا ونزلو شوي وبهاء جاب الاكل وراح  كعدنا نرتاح باوعتلها متباوع بوجهي  درت وجهي نزعت الستره
باعي شهد بكد ماانتي تكرهيني اني مراغب بيج
باوعتله تدري بيه امرهك ليش تقدمتلي وتدري بيه فقيره وابويه  راح ينطي ويقنعني  اباوعله باستحقار
تصدكين اني وره ماابويه اخذ الاوك من ابوج كلي اني لاحجيت ولا اريد اتزوج  لعبت نفسي من كل الزواج
بقيت صافنه عليه اني القاهرني سالفه وحده جريت نفس اني الجنت احذز صاحبتي منك تالي اني الاتزوجك
ديله عساس اني ميت عليج اني كاشه روحي منج ذبيت الرباط واكتفيت من سمها القاتل فوك قتلي ---بابا اني لخاطر عمي قبلت لان مديتقبل اي مساعده  وايمن مسكط وكاعد بالبيت احجي بنتره بديت ارجف باوعتلها عينها مدمعه تباوعلي باستصغار عفتها الحجي ميفيد احنا حقدنا دفين من الصغر وسالفه نرجس كملتها وطلعت سالفه غسان بعد انتهت  فتحت الشباك ردت اجر نفس اختنكت كالت
تخليني اكمل دراستي مو تذكرت من كال كاشه روحي منج اكيد عجمن وره تشوهي  
هزيت راسي ابويه كال تكمل هاهي كملي دراستج وصيري التردي ببيت عمج طلباتج مجابه  احجي بدون ماباوعلها بده وجع بطني والرجفه زادت وينك يابهاء موعد الابره لزمت التلفون وكع من ايدي
شهد- فزيت وكع التلفون من ايده  بقيت اباوعله ايده ترتعش تقربت نصيت شلت التلفون طيته اله همست شبيها ايدك ترجف
- معليج دكيلي على بهاء اول اسم
- دكيتله وطيته التلفون فتت انزع البدله والبس كلبيه نزعتها وسمعت صوت بهاء طب للغرفه طلعت بكلبيه بيضه وشعري محلول باوعلي ابتسم  كال
هله بالعروس ابتسمت شفته ديضربه ابره بقيت صافنه من يتالم يصير يقهر بلعت ريك هاي مالشنو الابره
بهاء- باوعتلها دااحجي سكتني محمود هو ومتالم نتر بقوه
محمود- مو كتلللج معلييج
شهد- فزيت من صوته بلعت ريك نصيت راسي بهاء كمل شغله ضل يربت على مكان الابره ويهمس محمود رخي لتقلص
محمود- يمعود شرخي تكطعت شوكت يخلص كورسك مو حتى روحي خلصت
بهاء- خلص كلها 30ابره يعني شهر تخلص
الله يسهل جريت نفس روح عاشت ايدك كعدت ارتاح كثر متالمت شاغت روحي فكيت دكم القميص كلها واجر نفس ارتجيت باوعت لشهد تباوعلي وتنصي جريت العشا فكيته ممخلي شي مجايبه  انداريت عليها تاكلين حجيت بنتره
شهد- جج
كيفج اكلت جنت ميت جوع وكمت غسلت ونمت حسيت بيها بليل تقربت  للميز تاكل وبعدها لفلفت الغراض وكعدت بالبلكون غطيت راسي ونمت  الصبح حسيت جسمي مكسر مكاني متغير اباوع وينها هاي طلعت البلكون لكيتها نايمه عالكرسي بره وشعرها نازل صفح  طخيتها فزت فكت عينها كلها يمه تخوف  شون عيون
كومي دنرجع ابويه خابر
اي وكفت فتت من يمه شفته يباوعلي بس شوي طيني مجال
متفوتين احد لازمج    بدت رحمه الله ثنين واحد يكره اللخ ومخليهم فد غرفه
لميت غراضي ورجعنا وي بهاء  طبيت بيت عمي ومرت عمي مموجوده كالو تكمل عمليه عينها يله تجي الله شون حلو نرجس ورجلها ببيت عمي تريكنا سوه  اباوعزلبيتهم كللش حلو المطبخ  مثل اليطلع بالمسلسلات الله راح العب بي لعب راحت نرجس الضهر وعمي طلع لشغله واكو عدهم خدامه فلبينيه تجي يوميه ساعتين تنضف وتروح صعدت للغرفه مالتي بينما تكمل شغلها سمعت عمي يكوللها اليوم لتسوين اكل اريد اكل من ايد بت اخويه كيفت  لكلامه رجعت غراضي اباوع هدومه مرتبه وماعده غراض هواي عده سلاح بكنتوره وعده  قوطيه ذهب بس شون ذهب مااعرف مالمن  سديته ورجعت كلشي بمكانه نزلت بدشداشه عاديه اشتغل بيها  الخدامه جانت دتكوي بالهدوم مال عمي وبهاء تباوعلي تبتسم رجعتلها الابتسامه. بديت اتصفن كلشي اكو ومااعرف شسوي. خليت الجدر وافتر بالمطبخ بالثلاجه وعالمجمده حسيت روحي ام البيت ركبت واني فرحانه للعصر طب عمي وجايب ويا حلويات خطيه من الباب يبتسم كال
ها عمي
الله يساعدك عمو
هله عمي ها اني كلت اليوم اكل من ايد امي لان طبخج نفس طبخ امج وطبخ امج متعلمته من امي نفس الطعم
هه اي عمو سويت قيمه
ايبااه عاشت ايدج اذب هدومي واجيج
ضحكت من كلبي لاهتمامه طب وراه محمود باوع عالطباخ وباوعلي جر نفس وصعد فوك بدلو ونزلو تغدينا سوه شوي وطب بهاء
ايييي واني ابن البطه السوده باوعلي كال عيني بت عمي مبقه اكل
لالا شلتلك ههه كمت صبيتله وكعد ويانا عالاخير محمود عمي يحاجي بامور الشغل وهو يسجل بدفتر صغير كملو الاكل وعمي جان جدا مرتاح واني طايره  بهالاهتمام  الحلو جاي وي الحلويات وكمل اليوم صعدت انام لان هلكت والبارحه نومتي جانت عبالك بالسطح طبيت للغرفه شفت بهاء هم ديضرب ابره لمحمود باوعلي ودار وجهه متالم شفته لزم الجرجف كرمشه بيده ويون بكتم وبهاء يدب الدوه شوي شوي بوريدي اخر شي صاح كااافي دفع بهاء
هاهي خلصت
جريت نفس والله مدااكدر ماكو غير حل لخاطر الله باوعلي رافع حاجبي ويتنفس سريع عرفت ميريدني اشوفه بهالحاله طلعت من الغرفه وكفت يم الدرج اموت واعرف شسالفه اللابر شوي وطلع بهاء ابتسم وكال خلصنا فوتي
طبيت باوعتله لاف ايده مكان الابر ومتمدد ومخلي ايده اللخ على عينه جريت المخده وخر ايده باوعلي رافع تك حاجب ديشوف شداسوي اخذت المخده ونمت بالكع رجع ايده  على وجهه كال
اكو بطانيات جوه بالمخزن
ها
وجعا داكولج اكو بطانيان جوه بالمخزن جديده روحي جيبي وحده
اي وكفت اجيب  وحده وارجع فرشتها وتغطيت شفته جر الفراش وتغطه لزم الريموت بيده وطفا الضوه واني اكول منين يطفا من الصبح ادور على مكان الاضاءه نمت واني افكر باهلي اليوم ماما شنو ممكن تكون سوت اكل وشنو اكلو بابا شونه من رجع من يمنا وايمن تدرب لو لا جريت نفس وغفيت براحه  حسيت الصبح على صوت عمي
محمود يابه تجي لولا
اي بابا اجي اجي انتضرني كمت من فراشي باوعلي
نامي انتي شعليج
داسوي ريوك غير
بابا نتريك هناك بالقاعده نامي ووشسمه قفلي الباب وراج
ليش عكدت حاجبي
مو وحدج بالبيت
زين عادي اروح لبيتنا
اي عادي انتو بصفنا امشي لبسي وروحي طبيت للحمام لبست وطلعت شفتها لابسه تنتضر ---هاا متروحين شمنتضره
اخجل من عمي
بابا احسن حتى ميضل باله عليج وحدج
اوك وكفت ورحت لبيتنا ابويه كيف بطبتي كتله راحو للشغل ومحد اكو اخاف وحدي كال بابا تعاي عادي كيفت رحت انحشكت بامي جانت نايمه باوعتلي ابتسمت جرتني لحضنها وغطتني اللله شون راحه ياالله الحمد لله ربي غفيت وحسيت الضهر كعدتني امي
لج يمه كومي عمج ورجلج هسه يجون ساعه لخ وانتي غده منسويه شيكولون علينا
كمزت اي والله صح راسن رحت المفتاح عدي طبيت للمطبخ ذبيت غراضي وكبل وكفت اركب جانت الخدامه هم عدها نسخه من المفاتيح منضفه ورايحه وكفت ركبت وصعدت اغسل قفلت باب الغرفه عليه اخاف الحمام جان احلى شي بالغرفه بي بانيو ومرتب سبحت وكملت سمعت دكه باب قويه لبست برنصي وطلعت ركض افتحها
محمودح- صار ساعه ادك الباب وهي مامو بس لا صار بيها شي خاف بيت عمي لا الاكل على نعجار هادئه اووو وينها هاي ناقص علل اني يمعوووده
اي اي جيت فتحت الباب عكد حاجبه
شنو وينج
دااسبح بقه يباوع على وجهي ودار وجهه رافع حاجبه شمر التلفون عالميز واني رجعت للحمام بدلت هدومي ونشفت شعري وكعدت امشط دك الباب مال حمام  فتحتها  كال ابويه يريدج امشي
نزلت ولميت شعري شون مجان ها عمي الله يساعدك
هله ياب ها فد نص ساعه تصبين الاكل بينما اروح لاخويه اشوفه وارجع  ارتاح
اي عمي تدلل
الله يرضى عليج والله عمي من جيتي اني كلبي طاير بيج عبالك امي ورجعت تفتر بالبيت
ههه بابا هم يكول اشبه بيبي الله يرحمها
الله يرحمها يله يابه اخذي راحتج
اي عمي رجعت صعدت فوك جانت ضلمه طافي الضوه محمود كعدت عالميز التواليت امشط بالضلمه حسيت اشتغل الضوه  بصوره خفيفه هو بالريموت يعلي وينصي سواه ضوه خفيف وغطه راسه. زين هم عده احساس مشطت شعري وخليت من العطر الجابته نرجسه كالت هاي بس بليل خلي بس اني ماعدي غيره خليت منه بقيت كاعده خليت كحل بعيني احس نفسي صدك اميره وداشوف نفسي حليانه  وكفت كدام  المرايه الدشداشه اللابسته فصال كلبيه  بيها كصف  مبينه تخصر جسمي ضفرت شعري هنديه وجيت تمددت على فراشي اووف شون حلو الواحد  من عده ووممحسب حساب لباجر حسيت نصه الضوه اني مكدرت انام بس اتكلب لان شبعانه نوم وكلسا طاخه طرف الجربايه وتطكطك لان نايمه بصف الجربايه
محمود استغفر الله يمعوده لو تجرين مندرج من يم الجربايه لو لتضلين تحوصين كلسا راكعه الحربايه اني كوه داقنع روحي انام
- سكتت وكمت ماحوص مرت النص ساعه نزلت احضر زلاطه ولبن طلع عمي من غرفته مبتسم صبيت  الاكل طب بهاء كال
سلام
هلاو بهاء كتله وعمي رد هله يابه بدل وتعال تفوتك البانيه والحكاكه
بهاء- لا عليش تفوتني هاي راح اكعد
شهد- كعدت عمي كال لعد محمود متصيحي باوعلي مستغرب
ها اي محمود صعدت شايله هم شون حكعده بله طبيت وكفت يم راسه اخجل اطخه
محمود- حسيت احد طب للغرفه تكلبت ضلمه دااحس احد واكف على راسي ريحه سطرتني سطر واني اعرف بهالريحه مال شنوو مال تالي الليل  فكيت عيني بس خيال لزمت الريموت عليت الضوه باوعتلها معقج عيني شكو فززتيني
اا. عمي يكول كوم اكل
كوليله نايم
كال مااكل اذا مو موجود
اوووهووشمرت الغطا انتي ساعه تحوصين ومسويه الجربايه هدف كلسا راكعته بكله وابويه يلح اريد انطمر من الصبح كاعد
- ضميت الضحكه من كال هيج نصيت انزل جوه صاح تعاي بابا تعاي
- ها رجعت شفته سد الباب تخوصر  كال هاي شمخليه
--شنو
- العطر المخليته منيلج
- نرجس جابته
- ومكالتلج شوكت تخلي هذا رفعت حاجبي مااعرف شداحس بس ماريد تخزيني كدام اهلي
- اي كالت بليل بس اني ماعدي غيره
- اي لعد لتخلين امشي نزعي هدومج بدليها وشعرج لا اربع وعشرين ساعه فالته درينا شعرج طويل يابه
- وانت ليش دتصيح استغفر الله  فتحت الكنتور بعصبيه واخذت الهدوم ولميت شهجعري فتت بدلت وطلعت جان بعده ينتضر وديكلب بالتلفون من شلجافتجني فتح الباب ونزل نزلت وراه صبيتله وصبيت لروحي وكعدت اكل كلسا دازني على شغله اخو شي عمي كاله
هاي مو وضعيه خل تاكل البنيه
حتى متنسى شي بعد
شهد- لا عمو عادي اخر همي الاكل باوعتله ببرود لمحمود باوعلي معاجبه وبهاء يطلع اصوات الاستمتاع بالطعم والاكل ضحكني