جاد بصوت غاضب : رجعييييييييي.. سديت الباب و غادة كانجري و مقادراااش المهم مابغيتوش يشدني.. تانجري فالاخير طحت حدواحد الشجرة... رجلي مخشي فيها الزاج و فخضي دارني بديت تانبكي.. تانبكي على حااالتي.. سمعتو من و رايا تنهد.. جاد: فيين كنتي غاااادة ؟؟! مخرج فيا عينيه انا: بععععد مني بععععد هئ هئ كل نهار نزيد نكرهك.. قتلتييني حراااام عليك هئ هئ الله ياخد فيك الحق... شاف حالتي تخلع.. هزني.. انا: طلق منيي طلللللق جاد : سكتيييييي.. تانشهق بالبكى.. رجعني لدار طلعني الفوق حطني فوق ناموسية وخرج.. نضت تانقلب شي حل باش نخرج من هنا.. تانطل على الله يبان ليا شي حد والو.. جاد هاز الدوا فيديه: هنا وسط الغابة الا ماديتك انا مكاين للي يديك.. اجي تجلسي.. جلست.. شاف فخضي و شدو بيديه انا: بعععد اناا انداااوي جاد بعصبية هز البومادا و بدا كايذهن.. اناا : اي اي بشويااااااا بدا كايرطب فيديه.. شويا لقا رجلي كاملة دم.. هزني فوق كتافو انا: واااععع اش كاااادير طلقني مافيا للي يتجابد معاك.. دخل الدووش وحد قدمي فالاڤابو طلق الما وبدا تايغسل فيه حتى سالا و رجعني لفوق الناموسية حطني مشا جاب فوطة بدا تايمسح شعل فيا الضو.. جاد: مالكييي.. انا: دراني رجلي جاد صبري شويا انا اندير ليك بوماد دارها و لوا عليها الفصمة.. فخضي فيه جرحة صغير دار سبارادرا... خرج و سورت عليا الباب دالبيت و الدار.. سمعت طموبولتو نضت تانطل لقيتو مشا.. اوووفف هذا اش كايدييير بغا يخليني هنا بوحدي.... تانضارب مع داك الباب يتحل واالو.. حتى عييت و مشيت تكيت عضامي طايبين عليا عينيا منفوخين بالبكا تريكويا مشرگ.. اشمن حب هذا علاش كايهضر..للي كايبغي مكايديرش هاكا.. حرت فامرو عندو انفصام ف الشخصية خاصو يتعاالج.. ناعسة تاندي و نجيب فالهضرة حتى نعست جاد دخل البيت لقاها شاف حالتها بقات فيه.. بدا كايقيسليها فشعرها.. سمحيليا اسارة.. اخر مرة نبقا نحط يدي علييك انا كانبغيك كثر من اي حاجة ماكايجمعناش غير الجسد اتا بغيتك نتيي لروحك لطيبتك واخة تزوجتي واخة ولدتي..نستاااهل انا للي مشيت و خليتك بلاما نشرح ليك.. لكن بغيتك.. اه انا انااني حبي ليك اناني بغيتك ليا بوحدي اسارة بغيتك ليا بوحدي وغادي نبقى اناني حتى نكونو تحت سقف واحد... انا : سمعت كاع هضرتو و درت راسي ناعسة.. غير حسيت بيه سكت و حليت عيني.. ناض تايمسح فوجهو... انا:بغيت نمشي اجاد... جاد: هاكي حوايجك بلاما دوشي ايلا ماقدرتيش.. انا : شكرا.. نضت باش نوقف.. جا شدني تعكزت عليه تاوقفت... بغا يخرج شويا وهو يرجع عندي عنقني.. جاد: سمحيليا اسارة سمحيلياااا... انا : ماشي مشكيل غير رجعني.. جاد : بدلي دابا.. خرج و خلاني.. حليت لقيت دو بياس.. و تريكو مع سروال.. سيرفيت... 2 كسيوات طوااال.. شنو هذا ناوي نبقا هنا.. لبست كسوة مشيت غسلت وجهي جمعت شعري لفوق.. و خرجت.. هابطة بشويا فدروج.. لقيتو موجد الماكلة.. علاش هبطتي انا طالع عندك !! انا: بغيت نمشي اجاااد بغيت نمشي... جاد : مغاااادااش اسارة هضرة وحدة مانعاودهاش اتبقاي هنااا.. شوفي غادي نتزوجو ولدك ايكون بحال ولدي تانقسم لييك اسارة نديرو فعينيا.. لكن حتى نشرح لكلشي علاااش مشيت.. بغيتك خلاااص تكوني ليا باراكة غير هاد العذاب للي دوزت بعيد عليك...مغاديش ناخد رأيك مع الوقت اترجعي تبغيني كيف كنا.. مشاريعك كان خاونهم ليك داك الشماتة د راجلك.. داز فوجه ولدو اما كنت انحيه من هاد الدنيا.. انا: ماسوووقكش اجاد حياتي هاديك شوفي اسارة هددوني بيك و انا مشيت باش نعرف شكون ورا هادشي.. شحاال هاذي من عام كنت مراقب مافية و اضطريت باش ندخل معاهم شريك.. نكسب تقتهم ونشد الراس الكبير ديالهم وفعلا داكشي للي طرا دخلت معاهم.. انا كانختاصر لحقاش ماشي هذا هو موضوعنا... شدينا البوس ديالهم.. باش ينتاقم سيفط رجالو وقتلو ليا ختي بطرييقة خايبة بزااااف اغتاصبوها ( تايهضر وتايطيحو الدموع من عينيه صوتو مخنوق) و من بعد قتلوووها لاحو جتتها فالغابة.. نتي قدك قد ختي.. قتلوها بنت 13 عام كانت هي الكل فالكل عزيييزة عليا بزااف كانت خسارتها اكبر صدمة فحياتنا وشكونزالسبب انا دازت شهور على وفاتها مالين دار حيدو كاع تصاورها مسحووها من حياتهم تمنعنا باش نجبدو سميتها فدار تصاورها كلشي لحقااش كانت فاجعة مأساوية دمراتنا كاملين... داكشي باش عمرك سمعتي عليها شي حاجة.. وداك نهار فاش كنا فالمغرب و ضربو هادوك بالسلاح صوناو ليا وهددوني بيك انا مابغيتش نساحب.. رجعنا وبقاو ديما كايهددوني بيك حتى لنهار للي خطفوك سيفطو ليا فيديو ديالك.. الاول ضربوك و التني بغاو يغتاصبوك و يقتلوك بنفس الطريقة ديال هالة.. ديك الساعة جيت وانقدتك.. لكن فاي لحظة يقدرو يقتلوك و شفتك كيف خايفة .. كنت كانموت الف موتة ونتي كاتخلعي فالليل عمري مانسيت على حالة كنتي فيها.. هنا قررت امانكونش اناني خاصني نبعد عليك ونمشي نتاقم من هذاك للي بغا يآذيك.. فاش مشيت عام وانا كانتسارا (تفكرت تصاورو مع هجر مرة اخرى) حتى لقيت البوس.. فاش مشيت نقابلو خرج عندي و انا نقتلو رحالو دورو عليا السلاح ضربني لكتفي سمعت صوت ديال بنت كاتغوت درت نشوف كانت هجر.. من بعد قوا الضرب مافقت الا من بعد 8 شهوور ديال الغيبوبة كانت معايا هجر من بعد شرح. ليا الطبيب.. شلل نصفي كانحرك عيني و رجل وحدو و يد وحدة.. خضعت لبزااف دالعمليات عمري نسيتك.. مابغيتش نهضر معاك و لا نشوفك مابغيت نسمع عليك تاحاجة تانقول هجر قوليلهم بيخير... دازو ايام شهور و ليالي تحسنت و تاكدت بلي هجر هي مولات الفعلة و اتافقات مع البوس علاش ماتهددتش بنسرين تهددت بك اذن هجر و را هادشي كامل ماقلت ليها واالو تعاملت معاها مزيان.. باش نكشفها قداامكم... جيت نشوف شحال وانا غايب عليك لقي 4سنين اسارة رجعت و انا كللي امل باش تسمحي ليا ونعاود ليك اش طرا لي فغيابك.. لكن تلاقيت بامير قدلم الدار.. فاش سولتو ولد من ؟؟ جيتي نتي اخر حاجة كنت نتوقعها و مع ذلك قلت يقدر يكوون ولدي لحقاش ماكنتيش دايرا احتياط.. لكن شفت الخاتم فيديك وgلتيلي فعمرو 3سنين دونك نسيتيني... دموعي شلااااال معاارفاش اش ندير خفت نقوليه راه ولدو خفت من ردة فعلو تفكرت فاش قاليا عمري نسامحك. ماعرفتش اول مرة تانحس براسي خايفة منو.. تلحت عليه عنقتو وبديت تانبكي حتى هو عنقني وتايبكي...... بقينا شحاال معانقين عاتبنا بعضياتنا غير بالدموع جاد: عمري مابقيت نحط عليك يدي سمحيليااا.. انا غير تانبكي.. رجعت جلست و جا حدايا حط ليا راسي على صدرو بقيت هكاك ماقدرت نقوليه والو شويا هز راسو مسح ليا دموعي.. ماتبقاايش تبكي انا غلطت فحقك خلينا نساو... قررت مانقوليه والو حتى يفوت هادشي و نقولهاليه بشي طريقة اخرى تانحس براسي مخنوقة.. بقينا تانشوفو فبعضياتنا تايتأمل فوجهي و كانتأمل فوجهو الله شحال توحشتووو توحشت نطول فيه الشوفة ونتامل فعينيه نقيس وجهو... بقيت تانقيس فلحيتو قست عينيه بحال ايلا اول مرة نشوفو.. باسني لعيني... رجعت حطيت راسي على صدرو و سكتنا... فقت الصباح. لقيت راسي فناموسية الفوق و مغطية.. شويا. دخل جايب ليا الفطور... جاد: صباح النور انا : صباح الخير .. شحال فالساعة جاد هادي 12.. انا: خاصنا نمشيو جاد : نن بقااي حتى تبراي شويا ونمشيو فطري ابعدا انا: نن مكاين منين يدوز... جاد: حااولي... تليفونك من الصباح كايصوني جدي يمكن امير بغا يهضر معاك.. طرت على التيلي صونيت لهم جدةبالتركية : الو بنتي كيدايرة توحشناكم ياك الامور هي هاديك.. هانا اندوز. ليك امير توحشك امير:الو انا : الو حبيب ماماه.. توحشتك.. امير : تا انا اماماتي.. انا: نتا للي سخيتي بيا.. امير : هنا زوييين ولكن وحشتك ماما انا: انا كثر بيبي.. شنو كادير مهليا فيك دلال؟؟ كاتخرج الالعااب ؟؟! خدات ليك داكشي للي بغيتي؟!! .. امير : اه.. و خديت ليك تانتي كادو... انا: ههه ولدي حبيبي مانسانيش امير : بسلامة ماما.. قطعت تانضحك شفت جاد كايشوف فيا و تايبتاسم.. جاد: توحشتيه انا : بزاااف... جاد: اتبقاي هنا بين مابريتي و من بعد نرجعو اوكي انا:واخة.. بقينا على داك الحال 4 ايام تشافيت شويا.. جاد تايعاملني باحترام و حتى انا هكاك... محاولتش نجبد معاه الموضوع ماقدرتش بحرا ماشفتو مهدن.. تشافيت وليت كانتمشى على رجلي.. زروقة للي فوجهي مشات شويا.. جاد: شنو بغيتي تمشي ليوم انا : اه جاد: يالاهي.. هزيت تليفوني و خرجت خليت حوايجي تما.. ركبنا جاد: انرجعو القصر.. هيتم قالي مابقاوش فالدار.. انا: اوكي.. بقينا غاديين شحاال هبطنا تغدينا ف واحد البلاصة.. و شدينا الطريق.. وصلنا القصر.. مالقينا تاحد غير هيتم و ايمان.. ايمان : تلاحت علياا توحشتتك اختي هيتم: اخيييرا رجعتو لبعضياتكم... مزياان ملي تصالحتو.. اكيد دابا عرفتي امير ولدك.. كون راك بغيتي غير امتى تشوفو انا: كاندير ليه براسي لااا لا.. جاد كيفاااش ؟؟؟ دار عندي اش كايقول؟؟!! ... هيتم: سارة على ماعاودتي ليه. واالو !!!! ؟؟؟ هيتم: ساارة معاودتي ليه واااالو ؟؟! جاد: اش كاتقصد بهضرتك... زعما امير ولدي ؟؟!! شدني من كتافي.. ساااااااارة هضريييييي تايغوت بالجهد... انا:اه را كنت باغا نقولهاوليك.. جاد: امتى كنتي باغاوتقوليهااا امتى؟؟؟؟ انا حيدت ليه يديه : باراكا من الغواااات هكا مايتحل والو.. جاد سكت شحال: شنو غادي يتحل اسارة شنو؟؟ حرمتيني من ولدي و خليتيه يقول لواحد اخر بابا.. تزوجتي وجبتي ليه اب بحال الى انا ميت.. قدرتي دخلي واحد لحياتك و دخليه على ولدي.. وانا شنو فاش شافني كايقول ليا عمي.. واخة ماعرت اش نكون درت عالاقل وريه تصاوري و قوليلو باباك مسافر دابا يرجع اولا مات المهم يعرفني.. مشاكلنا و صراعاتنا هو مدااخلش فيهم... قلتليك اسارة الى كان امير ولدي مغاديش نسامحك..لكن عمري ماكنت نصحابك واش انانية تالهاد الدرجة.. تنهد... كذبتي عليا فالعمر ديالو.. واش ماشي من حقي نعرفو... ولا ماشي من حقو يعرفني غلطتي بزاااف اسارة غلطتي بزااف... مستغرب اكثر كيفاش قدرتي تكوني قاسية حتى لهاد الدرجة كيفاش طحت الارض تانبكي... كون غير ضربني و مايعاملنيش هاكا مايحملنيش الذنب يمكن غلطت لكن ماكنتش عارفة واش هو مشا على حسابي... جاتني هستيريا ديال البكا.. جاد: ساااارة سكتي ايمان: سارة تهدني تهدني اساارة.. حملتيني الذنب.. مشافتنييش شحال تعذبت فاش مشيتي مشفتيش داكشي للي دزت منو مشفتيش حياتي كي كانت شهههر وانا غابوحدي فالبيت فاش قررت ننساااك لقيت راسي حاملة... جاد : صافي اسارة صافي انا دابا للي مانسمعكش... خرج و خلاااني.. بقيت شحال تانبكي ايمان وقفاتني.. وطلعت لبيتي.. غسلت وجهي و مشيت نعست... دازت 5 يام هو لاحس ولاخبر... اصلا صاافي مغاديش يسمع ليا و حتى انا. مانعاود ليه واالو الله يعاونو... اليوم ايجي ولدي حبيبي... ايمان : سااارة هبطي را جاو... هبطت تانجري.. لقيت الزين ديالي دخل عنقتو تانبوس فيه الله حبيبي شحال توحشتك عمري نخليك بعيد عليا عمري... عنقتو... امير : حتى اناا توحشتك مابقيتش نمشي معاهم .. جدة وجدي : يااااك ؟؟! نسيتينااا.. ههه بدينا تانضحكو.. حتى دخل جاد.. شافو امير: عموووووو جيتي
