تلاح عليه جاد تايعنق فيه : اه جيت اولدي حبيبي جيييت و من اليووم مابقيتش نخلييك تايعنق فيه ويرجع يشم ريحتو.. تايبكي... كان منظر حزيين واخة نوصف حتى نعيا مستحيل نقدر نحطكم فالصورة... جاد للي عينيه باين فيهم العيا و الشوق الحنين... احساس بالابوة للي ماعرفو حتى 6 ايام هادي امير حتى هو بحالا حاس راه باباه عادي يحس بيه ... اصلا انا عمري ما خبرتو بلي ياسين هو باه ديما كانقولو باباك مسافر... انا ماشي انانية حتى لديك الدرجة... جاد :سارة بغيت نهضر معاك... جدة : ياله امير نمشيو... خرجت انا وياه الجردة جاد: امير خاصو يعرفني انا باه... انا: ان شاء الله.. جاد: و خاصو يتكتب بسميتي... (بعصبية ) ماشي بسميييت داك الشماتتتة.. انا: اصلا مكتوب بسميتي ياك نفس الكنية... جاد: باه هو جاد المتوكل ماشي محمووود المتوكل... غدا غادي نقادو هادشي و فاقرب وقت بغيتو يعرفني... انا: شي حاجة اخرى... جاد: صدقت اغبى واااحد تانقوليك هانية ولدك يكون بحال ولدي ههه عمري نسامحك انا: ماطلبتش مسامحتك.. فكرت مزيان امير خاصو يكون عندو باه و حنا انعاودو ليه كلشي... جاد: خاصو طبيب نفساني صعيب عليه يتقبلني كاب و هو مولف ياسين... انا: ان شاء الله... دخلت الدار... مشيت تكيت حدا ولدي حبيبي... امير : فين كنتي ماما؟؟ انا: كنت كانتكلم مع داك الراجل.. امير : عموو جاد.. انا : اه.. امير امتى يرجع بابا ؟؟! قفزت من بلاصتي... حبيبي دابا يرجع و را قريييب امير بصح ؟؟؟ انا: عمري كذبت علييك ؟؟ امير : لااا.. انا: شفتي انا ديما تانقوليك الحقيقة و بابا هضر معايا و قاليا قريب يرجع لعند امير توحشك بزااااااف... و غادي يجيب ليك معاه بزااف ديال الهدايا... امير : بابا البطل عاوديلي عليه... انا: شنو نعاود ليك ؟؟ امير : فاس كان كايحارب الاسرار انا: هههه عاود شنو قلتي.. الاسرار و لا الاشرار... امير : همممم الاسرار...هههن اوكي بيبي.. باباك راجل قوي.. عندو عضلات بحال باطمان.. كان كاتخاصم مع الاشرار و كايغلبهم بقيت تانعاود ليه حتى نعس... غطيتو حليت الباب بشوية للي كان مامسدودش محلول شويا... لقيت جاد حاط راسو على الحيط... شافني مسح دموعو دغيا و قاد الوقفة جاد : شنو ?!! على معارفش بلي ياسين هو باباه... انا: مكايهمش اش كنت تانقوليه المهم هو دابا يعرفك راك باه... امير وصل عندنا تايحك فعينيه :ماما بغيت نشرب.. انا: واااخة احبيبة انا انجيب ليك.. جاد هزو ودخلو البيت.. مشيت جبت ليه يشرب لقيت جاد جالس فوق الناموسية... و امير متكي ليه على صدرو... عطيتو شرب.. امير : الحمدلله... ماما... بابا عندو عضلات بحال عمو جاد و باطمان و الاقويااء.. انا: خديتو من عندو.. اه احبيبي بحالو... يالاه اجي تنعس.. جاد عنقو و خرج... صبح الصبااح... لبست حوايجي ديت امير الكرة و صونيت لجاد باش نتلاقاو مشينا المحكمة صايبنا الوراق طلبو لينا فحص adn... دازت سيمانة و را داكشي خرج الفحص و كتب امير فسميتو.. فهاد السمانة ماشي غير هادشي للي طرا تبعنا لامير مع طبيب نفساني... و لا جاد ديما كايخرجو كايلعبو هو وياه تايجيب ليه العااب... امير ولا كايهضر غير بيه... جا عندنا نوفل هو ايمان لا تكونو نسيتوه.. ضوبل فالباك و مقادرش يورينا وجهو داكشي باش مجاش هاد الصيف... انا وجاد ماتنهضروش... مهم هو ولدنا.. هضرت مع ماما عاودت ليها كلشي... رجعت لخدمتي ياسين مابقاش و راني وجهو..ليوم كاينة حفلة بخصوص المشروع. للي طلعت... مجموعة العائلة كاملة فانقرة و رجال الاعماال.. دخلت بابهى حلة والى جانبي ابني حبيبي.. قدمت ليهم المشروع... الكل مبهووور... الصحافة كايصورو... اصغر سيدة اعمال حاملة مسؤولية المشاريع هضرو مع بابا و جدودي عمي للي كان الفخر باين فعينيهم... عاجزين يوصفو احساسهم بيا لكن انا جاني عادي و انا بنت اكبر سيدات الاعمال.. و اقوى رجل.. تفكرت فاش كنت بنت الكاريان... الصحفي شنو الحوايج للي خلاوك تكوني بهاد القوة و نتي غير هادي 5 باش جيتي لهنا اولا مكاملاش... عطيتو نبذة عن قصتي... الضروف القاسية الفقر ... الظلم... غدر الاحبة.. الخيانة.. الامومة هادشي كامل دزت منو وانا طفلة... مراهقة .. ولازلت فبداية العشرينات ام لابن دو 4 سنوات... الشيء للي خلاني نكون اقوى .. و اكييد مساعدة عائلتي هما للي وصلوني لهناا... هزيت راسي لقيت جاد كايشوف فيا... ومانساش الشخص الاسااسي للي عاوني ووصلني المركز جاد المتوكل... ( مهما كانت ظروفنا الا انه علمني بزاف دالحوايج هو للي خلاني نتيق فراسي.. ذكرت الخيانة والغدر تفكرت بهم هجر.. و اكيد احساسي ليه قبل مانعرف الحقيقة.. لكن هو تعلمت منو بزاف دالحوايج.. ماشي ساهل يبغيك واحد بحالو.. الشيء للي خلاني نتيق فراسي اكثر.. واخة ماعرت اش يطرا غادي يبقى هو مصدر القوة و الشهامة فحياتي... ) بقيت كانشوفيه هو للي مستغرب كيفاش ذكرت سميتو... وانا نطق هاد الجملة الاخيرة للي قلت... جاد المتوكل هو مصدر القوة و الشهامة فحياتي... شكرا جزيلا بدا كلشي كايصفق... عند ياسين*** شاف هادشي... فالتلفزة ناض تايغوت اناااااا انااااا بعلوكة ديال الخلا دمرني الارض شريتهاااا ب للزبابل دالفلوووس صدقات لاعلاااااقة مع المشروووع... خسرتوني والديا و خسرتوني فلوووووسي غادي انتااااااقم منكم انتااااقم.. ساااارة مغاااااديش نخليك تفرحي.. خدرجات الصحافة... صيفط ولدي مع المربية باش ينعس... و انا بديت كانتلقا التهاني من عند النساء والرجال... الصرااحة عييت من هادش الرسمي ماما: صبري شويا و تسالي الحفلة... جاد جا من ورايا: مبروك علييك انا:شكرا... جاد : علاش ذكرتيني انا:ماشي شي حاجة كثر من و لد عمي ماتييقش بزااااف.. انا وياك سالينا خدا كاس ديال العصير.. المهم سالينا ولا مساليناش تا انا باقي مسامحتكش والله.. انا: ماطلبتكش... جاد: نسيتيني اش بغيت نقول.. هادشي للي لابسة لا علاقة انا: ههه ماطلبتش ذوقك جاد: تبتي و حصني باركة من الضحك الخاوي مع الرجال.. انا: بصفتك شنو؟؟؟! جاد : غير ولد عمك... شافيا بنبرة حادة نقطع ليك رجليك اسارة هانا علمتك.. انا: ماشي سووقك ندير للي بغيت.. جاد: اوكي حبيبة خنزرت فيه... سير قلب ليك على شي سااطة دوز بيها هاد الساعتين نساني عليك شويا ونتا غا واقف فوق راسي حتى كاتجي عندنا واحد البنت قرطااااسة... طوييييلة شعرها طوييل عينيها كحلين بطيبيطة مع راسها لابسة كسوة مطلوقة... تاتهضر بالتركية باركات ليا وعنقات جاد بلا عكز عليه شدها من خصرها و مشا هو وياها دار عندي غمزني... وراسم على وجهو ابتسامة استهزاء... واخة ياوليييدي توحشتيني شكرتك و نتا تفرفر كبرت ليك الشان... ايمان : ما هذاااا : شفتييه ياختي ؟! ايمان: احمباااك اختي ماتهدني بلاااما ديرو شي شوها هنا خلي هادشي يفوت بخير.. انا: مزيان... كاينة الموسيقى لكن ميتة... مشيت ديدجي... دير شي موسقى رومانسية الله يخليك.. اكيد ايجي شي حد يبغيني نرقص معاه ناضو لي كوبل منهم ماما و بابا خالتي و عمي عمتي مع هيتم... خليل و ايمان.. نسرين الله الله غير تريكتي قشلة خلي للي نايض... ماتايعجبنيش الزحام بغيت نكون بوحدي... جاد هو وهاديك تايرقصو كل دقيقة يشوف فيا هاز رااسو زعما انا درتها ليك على قد فمك وهو راا راجل و خفت منو داكشي باش مارقصتش..... سالات الموسيقى رجعو لمقاعدهم دارو موسيقى خرى رومانسية... شخص: نتشرف بيك .. الى تقبلي ترقصي معايا!! .. درت شفت فيه الطول قدو قد جاد تاهو فوورمة مع راسو.. انا: هه اكييد... كم انت كريييم يااارب... شد يدي و دخلنا لحلبة... جاد كان خارج رجع تايتسارا لقاها تاترقص مع هذاك الابتسامة العريضة على وجهها و لاخر تايدور فيها و يرجع يلسقها معاه... مشا تايجري نقز دوك الدروج وصل لعندهم عطا لهداك.. بلكمة حتى طاح.. دغيا ناض عندو بداو تايتقاتلو للي بغا يفك تجي فيه الدقة العيالات تايغوتو كاين للي خرج... انا نغوت باش يتفكو جاد بقا كايضرب فيه تاقلنا ايقتلو.. رماه فالارض السيد كامل دمايات تحطت عندو تانغوت عيطو لومبلونس... جرني لاخر.. انا: طلققق مني المتخلف طلق عطاني و احد التصرفيقة تبان ليا راسي راني كاندور فدرب السلطاان مع ايمان... خرجني من تما و خشاني فالاوطو... خرجو و خلاو الدنيا مقلوووبة.. الكل كايتساااأل شنو طبيعة علاقتهم ؟؟؟ غادي و تايخبط... تانشهد صافي غادي نديرو شي كسيدة.. جاد: علااااش تاترقصي مععاه شكون هذااك؟؟؟؟ انا: ماسووقكش شكون نتا تاتحكم فيااا جاد: ومزاااال زايدا فيه مزال كاتغوتي...تايهز يديه حتى كايبغي يضربني و يعاود يحطها ضحكني واخة مافيا للي يضحك) تانحاااول نخلي راسي مزيان معاك مانحطش عليك يدي ولكن باين ليا بردو عليك عظامك... ماتاتهنااي تاتاكلي قتلة دالعصى انا: وماااشي سووقك يااه نرقص معامن بغيييت... ماشي غير نتا بات ولدي اتولي تحكم فيا.. غلطة وندمت عليها ماتيقش رااسك..... حبببس الاوطو بالجهد.. عاودي شنو قلتي ؟؟؟! انا غلطة وندمتي عليها ؟؟؟
