#البارت الاول
قصة ( #سوالف_عرس )
🎀الكاتبة ( بنت _الحجي
اول جزء منها باليوم بارتين لا اكثر
راح اترك القلم الصاحبة القصه تكلمكم عنها ✏
مرحبا :: اني ايه مواليد 91 طويله وحنطيه البشره
اني البنيه على خمس اخوان 3 اكبر مني واصغر اثنين تؤام حسن وحسين واخواني لي اكبر مني سجاد ومحمد وياسين اثنين مزوجين منهم راح احجيلكم القصه من اولها احسن حتى تتعرفون على تفاصيل اكثر وتتعرفون على قصتي بتفاصيلهاا ابوي بعده شباب الي يشوفه ميكول مزوج ولده هوه يشرب وصاحب كيف وسهر اللاسف هذا طبعا امي اتعودت على هل شي بالاخص من صار عدها اخوي سجاد وبعدين محمد وممنوع بذاك الوكت المره تطلك وهوه ابن خالها بلشت قصتي من عمر 13 سنه بس طبعا اكبر من عمري جنت اتعودت على مشاكل وامي وابوي والعياط والضرب جان اخوي سجاد يشتغل على طريق الشمال وي زوج عمتي سايق واخوي محمد جان يشتغل وي حداد بغير منطقه جانو اول عمرهم يردون مصرف وابوي اجبرهم على هل شي يجي تعبان يحط راسه وينام محمد
واني جنت صغيره من اشوف امي تنضرب مااكدر اسوي شي بس اباوع وابجي الى ان اجه يوم ابوي جايب وياه مره باليل سكران جان دك الباب اخوي محمد فتحه وابوي طببها جان عمري بوقتها 10 سنين امي شافتها تخبلت ابوي عاف الي جايبها بطرمه وطب الامي مخله شي ماضربه بيها ويصيح ويكوللها هاي تاج راسج واخوي محمد ويخر بي ميكدر هوه وياسين امي من شافتهم هيج راح يذابحون وي ابوي كامت وخرت كالتله فوتها وفعلا ابوي فوتها جوا بالبيت وطلب من امي اسويلهم اكل بس امي مسوت احذتنه كلنه بغرفه وقفلت الباب ومحمد وياسون يتحلفون للمره
صار الصبح ابوي كعد وشاف الي سواه المره الي اجت وياه جانت نايمه بعدها كعدها وطلعها من البيت
امي الصبح تبجي اشوفها كامت سوتلنه ريوك وجها كله ازرك ابوي من شافها بلش يعتذر ويكول مو بوعي ماادري بلي سويته بس امي ابد محجت شي وياه كلتله مصير رجال بعد الي اطلكني وجهالك عندك
ابوي بقه يتوسل بيها وامي تعبت منه مو اول مره يضربها هيج وتسكت الخاطرنه واني اصغيره وتريد ازوج سجاد اخوي ومحمد خاطب جان بقيت ابجي واكوللها لا تعوفيني مثل كل مره وترحين جانت امي هواي تزعل وترجع بعدين مجانت تاخذنه خالي ميقبل
وابقه اني بالبيت لو بابا يجيب شربه ويكعد بالبيت ويطلب مني اني احضر الميز مالته
واخواني كلمن بشغله المهم قبلت امي وبقت الخاطري
وفعلا زوجة محمد اخوي مر شهرين على عرسه وزوج سجاد اخوي احلى شي اعتبرا صار بحياتي زواج اخواني ياسين جان شاطر بالمدرسه جان صف رابع عدادي
وتبلش قصتي
ابو سجاد :: خير ايه وين مبدله ورايحه
ايه :: اللمدرسه بابا
ابو سجاد :: شلج بيهااا مو كافي تقرين وتكتبين
محمد :: شتريد منها يابه خل تدرس بلكي تطلع احسن من عدنه
ابو سجاد :: روحي روحي على مدرستج
ايه :: تسلم بابا بسته وطلعت كلش احبه رغم المشاكل مدللني جان ومحارمني من شي
زينب :: خاله نظفت البيت صاعده اسبح
ام سجاد :: روحي يمه
مها :: اني جعت عمه شنو مانصب غده
