غزل..مدري شبي وياي هذا استاذ
زوز...ولج ولج ولج شفتي شلون صاك اويلي يابه
مروان...يوميه اشوفها مدري شحس من اشوفها ويوميه ادور عليها ويوميه ادور اخطاء عليها حتا اشوفها واحب رده فعلها بس الهسه ماعتذرت مني بسيطه اني الج ست غزل
غزل ..مللني يوميه مطلعله شغله علي يوميه طاردني يوميه مبهذلني
زوز ..ياله اليوم نطلع للمطعم واخوي صاك عازمنه كافي عاد تشردين منه
غزل ..ثبرتيني اوك نطلع بس اسكتي عاد
مروان..اليوم طلعنه للمطعم وشفته هيه وصديقتها وشاب كلش ضجت احس شي يخصني واتمنى انا هسه بلحصه حتا ابهذلها بس ماعندي سيطره عليها ..
عوده الى الحاضر
ام جمانه ..ماما غزل وين صفنتي ياله عاد كومي خنروح ماكو خبر من ابوج
غزل..ماكدر اروح واذا شفته واذا سمعت خبر عنه شسوي ماكدر اني ضعيفه
ام جمانه.. لابنتي انتي قويه وتكدرين بعدين نشوف ابوج ونرجع لتخافين ياله عاد راح احظر الاطفال
مروان...غزل غزل غزل
غزل..هاحبيبي ياله عادي خنروح لدكتور اوك انتظرني
تزوجنه اني ومروان بعد قصه حب ومعاناه وطرد وكلشي واموت عليه ويموت علي بس صارلنه سنتين وماعنده اطفال اليوم نشوف شنو سبب
مروان...احبها واموت عليها بس اتمنى يصير عدنا طفل ودكتور كالت من سابع المستحيل زوجتك يصير عدها طفل بس ماكتلها منها السبب كتلها انا سبب وهسه متفق وي دكتور حتا تكولها من زوجج لان غزل تتركني اذا عرفت منها وانا مستحيل اعوفها اعشقها ...
الدكتور ...الله يعوضكم بحبكم
غزل ..حبيبي لتضوج اني طفلتك واصلا اني ماريد اطفال اريدك انت وبس حتا تظل تحبني وتدللني طول العمر
مروان ..وانا شعندي غيرج ياعمري
عوده الى الحاظر..
غزل..خاله ياله كملتي
ام جمانه ..اي حبيبتي كملت انتظريني عاد
