زواجي ...كان مجرد انتقام

البارت الاول

انا: كفاااااش واش سافا با بابا هضر قول شي حاجة اش هادشي كانسمع ياك ..ياك نتا باغيني نكمل قرايتي و نولي البنت لي كايتمنها اي اب ...وزايدون انا باقي ماكملت سن القانوني للهادشي ...ماما لا الله يخليك كانترجاك
الاب:(طاح ليا حدا رجلي) ابنتي انا مزاوگ فيك لما قبلي رآه الا ماقبلتيش غاتشردي نتي وختوك و مك و انا غانتعفن فالحبس ...عافاك ابنتي الله يرضي عليك
الام: هاللعار ابنتي الا ماكاتفكريش فينا فكري غار فخواتاتك لي باقين ماكايعرفو كنطتا يهضرو( كاتنعت للخواتاتي تويميات ) الا مرضو شكون غايداويهم شكون غايوكلهم
انا: وعلاش هادشي علاش شنو دنبنا حنا اشنو دنبي انا شنووووو هئ هئ هئ
ناضت سعاد و راجلها حميد خارجين من بيت بنتهم منهازمين هازين هم الدنيا و دين .....نزلو للصالون
نسرين  بقات كاتبكي و كاضور هضرت مها و باها فراسها ....هبطات باش تجيب تيليفونها من صالة و هيا تسمع
حميد: اااش غاندير اسعاد قلبي كايتقطع كانحس براسي عاجز ماقادرش نحمي بناتي ماقادرش ندير حتا حاجا كايضرب فراسو و كايبكي ....كايبكي اااه دموع الرجال غاالين و ماكايطيحوش غير هكداك دموع المراه ماشي هوما دموع راجل ...دموع المرا كاينزلو فأي مشكل اي الم ...خيانة ...حرمان مي.راجل لاااأ دموع راجل كايكونو من مورا العجز و ضعف و شمتة و الحگرة و الانكسار..  ...وهادو اخطر احساس يقدر يحس بيهم راجل .....
سعاد: صافي صاااافي احميد ربي يتولا أمرنا لي بغاها ربي غاتكون .......يييياااااااه شكون كانشوف دابا كايبكي بابا بابا لي علمني مانستسلمش لي علمني ان ضعف ماخصنيش نحس بيه القدوة ديالي رجل المقاوم للمشاكل و الصواعق يااااااااه دنيا شحال خايبة .ماقدرتش نزيد نصبر
انا: بابا انا موافقة موافقة ...مشيت كانجري عندو عنقتو و مسحت ليه دموعو
انا: لا ابابا لا نتا قوي هادي مرحلة صعيبة و غانتخطاوها
حميد: شكرا ابنتي
انا: لا ابابا هادا واجبي نتا عمرك ماحرمتيني من شي حاجة و دابا جا الوقت لي تانا نقدم لك شوية من داكشي لي قدمني ليا
.........
بلاتي گاعما تعرفنا على العائلة الحزينة

هادي نسرين  ...بنت حميد و سعاد عندها 17 عام كاتقرا فسيزيام  ....لي شافها مايقولش بنت سبعطاشر عام يقول عندها عشرين عام حيت عامرة و مكمولة بنت نشيطة بزاااف و و ضحوكية....لونها حنطي عينها كحلين و مشفرين النيف واقف و الفيم صغيور و منفوخ حمر فيها شوية دنمش فوق نيفها و حنيتاتها ...وجها ضاير و الخدود منفوخين ....شعرها طويل و مبوكلي بحال ديال ميريام فارس و شقر ...الاب ديالها اسمو حميد و امها سعاد الاب ديالها عندو فندق كبير فالمراكش و مها عندها بوتيك الملابس فالمازار (مالين مراكش عارفينو) ...كانو عايشين حياتهم عادي حتا طرأ ليهم سيزي ...سبب هو أنه ضريبة جات غالية بزااف علا باها و بلي خاداو ليه فيها الفندق و دار و حتا للبوتيك دسعاد و شراهم واحد راجل اعمال غني بزاااف رغم انه صغير ....وكان هو وراء داك الإفلاس ديال سي حميد ...شرط عليه يتزوج بنتو نسرين باش يرض ليه ممتلكاتو

نتعرفو علا هاد الراجل
رياض : كانقسم ليك الرضوان بلي غانعدبو مزيااان غاندوقو گاع داكالمر لي دابة للواليد و  ...غانتكرفص ليه علا بنتو مزيان غانعدبها
رضوان: حشومة عليك اصاحبي البنت ماليها حتا شي دخل و زايدون هيا صغيرة راك كبر منها بطناشر عام
رياض(بعصبية و عروقو خارجين): هادوك الأوامر دالوليد وراك راك عارف مانقدرش نزل ليه شي كلمة 
رضوان: اش غانگوليك الله يهديه ......اجينتعرفو علا سي  رياض
رياض : وريت ديال اكبر مركات العالمية للعطور ومستحضرات التجميل لي هيا كانت ملك الاب ديالو لي سلمها ليه باش يزيد بيها للقدام ...نوصفوه لليكم طويل و مگلضم ..مهووس بالجم و رياضة انيق و  متكبر ...كايعجبو راسو بزاااف ...سمر و حروفو كحلين : عنيه عسليين و مشفرين تقبات دزين للحية مطراسية....كيموت علا مو و كرشو واخا رياضي عزيز عليه الاكل المغريبي تقليدي علا حقو و طريقو ...الا بغا شي حاجة توقع توقع واخا منعرف شنو يدير ....

نسرين: الو القحبات اجيو عندي دااابا
فطيم زهرة : مال موك جاعرة علصباح واش حتا فللعطلة ماتخليناش نعسو
نيسام: سكوتي افتاتي ....نسرين مالكي احبيبة باينة فصوتك ماشي حتا لهيه
نسرين : اه..نفجرات بالبكا
فاتي: صافي احبيبة ام سوري ماكانش يحساب للي هكا ....اوكي عشرة دقائق حنا عندك ...
انا: اوك ....

........جاو عندي للبنات و عاودت ليهم اش كاين ....
فاتي: نننننننننننننننن اويييييييلي ياصحبتي اش هاد الموصيبة فاش طحتي
نيسام: احبيبتي ضحي علا ود باباك و رببي ماغايخليكش .....اجي هدا بمن غاتزوجي شفتيه
انا: لا مزال
فاتي : اويييلي هههه عنداك هلي يكون شي شارف قرع و غليييض و سنانو طااايحين
نيسام: واش غاتسدي قمونتك ولا لا ...واش كاتجي تحلي ليها كاتعميها ...اوووف
فاتي: (بغات تعصبها) اهم منكووووم
نسرين و نيسان:(دارو فيها شوفة دسفاح) تسكتي لا

#يتبع